رواية ليالي الغول اقتباس من الفصل الأخير بقلم لوجي احمد

 

رواية الاعمى (الجزء الثاني)الفصل الحادي والاربعون والثانى والاربعون والثالث والاربعون بقلم ليلةعادل

رواية الاعمى (الجزء الثاني)الفصل الحادي والاربعون والثانى والاربعون والثالث والاربعون بقلم ليلةعادل

مركز مروان 1م

مكتب اميرة

تجلس اميرة على مكتبها وتقوم بالكتابة.. يطرق الباب

اميرة : اتفضل

تدخل شرين وهى تحمل بايدها بوكيه ورد وشكولاته

تنظر اميرة باستغراب وتقفل الأوراق

اميره : خير فى ايه تاني

شرين : وحشتيني

تجلس تعطيها الورد والشكولاته

اميره : ده بمناسبه ايه

شرين : عربون محبة

اميره : هههههههههههه محبة قولي كلام غير ده

شرين : طب والله انا بحبك تعرفي انا عايز اتصاحب عليكي وأتعلم منك, يخربيتك , طلعتي مش سهله يابت , قد كدا عرفتي تلفي مروان بصابع رجلك الصغير, خرجتي من مروان الوحش.. انسان معرفهوش ...مروان الجنتل مان.. الهادى الخجول اللى العيبة متطلعش منه يبقى عشانك واحد تاني لا رهيبة بتعمليلو ايه علميني

اميره : بشده عايزه ايه يا شرين انا قولتلك متجيش هنا تاني مش عايزة مروان يشوفنا مع بعض عشان ميحصلش مشكلة ياريت بسرعة تقولي عايز ايه

شرين : مشكله ايه... امبارح برضو مرضتيش تكلميني

اميره : مش عايزة مروان يلاحظ كلامنا ويسألني , انا خلصت منه بالعافيه لما رجعتك , لما يشوفك جيبالي ورد وطقم الحنية اللى نزل فجأة مش هيسبنى غير لما اتكلم , وانا عاهدت نفسي مش هزعله ولا هخبي عنه حاجة تاني , فلوسمحت ابعدي عني انا رجعتك اعتقد انا كنت قد وعدي معاكي , عايزه ايه تانى

شرين : ولا اي حاجة انا بس كنت عايزه افهمك خلاص ماتخفيش , انا مسحت التسجيل بعد ما قبلتك بيوم اصلي لما فكرت لقتني مش هستفاد حاجة , بلعكس عداوتك خساره ليا , وقربك مكسب كبير , انا حاسبتها غلط , بعدين انتي صعبت عليا اوي , فقررت اني اشيلك من دماغي , انا دلوقت ليا هدف تانى خالص

اميره : اللي هو

شرين : اوصل للحريف اللى نزل الملعب وعايز ياخد احسن لاعب بالماتش

اميره : خططى وهدفي بعيد عني وعن جوزي انا مابخفش منك يا شرين ولا بخاف من حد

شرين :منا عارفة ياريت يا اميرة بتخافى , انتى مشكلتك انك بتخافى بس على اللي حواليكى هو ده سر ضعفك واللى مخلي أعداءك قادرين يسحقوقكى , وللأسف هو دي بقى غلطة مروان اللى وقع فيها انتى بقيتى ضعفه بقى سهل يغلط بس الفرق اللى بنكم انك عصبية مندفعة عشان كدا بتغلطى كتير بس مروان اعقل وغلطاته اقل انا همشى ميرسي انك قد وعدك تقف شرين قبل ان تفتح الباب

اميرة : ممكن متقبليش دكتور خالد تاني

شرين : متقلقيش الدكتور بقى كرت محروق بالنسبة ليا خصوصا بعد معرفت انك هددتيه انا مكنتش عارفة ان خالد مهددك بمروان

اميره : ازاي

شرين : الاتفاق انى اقوله مفاتيح مروان بس ...ايه اللي بيكرهه.. ايه اللى يخلي يطلق لكن موضوع الاتفاق انا معرفهوش واصلا مكنتش عارفة قضية ماجي كل اللى اعرفه انها اتقتلت لكن صدقيني لو كنت اعرف اكيد مكنتش هوافق بده

اميره : ليه

شرين : انا مش شريرة اوي كدا يا اميرة ومستحيل اقبل ان أعمل كدا بمروان لانه ميستهلش... سر بالبشاعه دي يتكشف... كويس انك عرفت ترجعيله ثقته بالستات ........

عن اذنك

اميرة : ..بسخريه ومزح وهى ترفع حواجبها .. قالو للحية تحلف قالت شربت العسل ودوبت فيه ومالقتش فيه سمي بتبصوا عليا كدا ليه ده انا غلبانة والله انتم اللى ظلمني , ده العسل اللى كان مسموم يا اللى هجرنى , ودينى شربت الكاس وهموت منكم.. الله ياللى قتلني.... وعجبي والنبي مثل حلو ده انا عليا جمل والنبي لاكل شكولاته احسن من عينيك قال غلبانة قال

يطرق الباب

اميرة : اتفضل

يدخل مروان وهو يبتسم

مروان : لقيت نفسى فاضي قولت ارخم عليكي شوية

تقف اميرة وتقترب منه

اميرة : جملتي دي يا مارو

يحاوط مروان ذراعيه على خصرها وتحاوط اميرة يديها على رقبة مروان

مروان : بقالك كتير مقولتهاش ولا بقيتي تيجى تقعدي على مكتبي زي زمان

اميره : انا هرجع زي زمان اميرة الرغاية المجنونة الطق المشاكسة اللي ديما فاقد فيها الأمل زي زمان

مروان : ياريت يبتسم ويقبلها من خدها ايه الورد ده مين غيري بيجبلك ورد

اميره : تقوم بإغاظته انا معجبينى كتير يا دك

مروان : تؤتؤتؤ متهزريش مين جبهولك

اميره : بدلع معجب

مروان : بشدة افندم

اميرة : بعشق نظرات عادل ادهم اللى بتبصهالي دي ياقلبي

مروان : اميرة

اميره : عيونى

مروان : مين اللى جبلك الورد

اميره : مقولتلك معجب هههههه خلاص اسنانك ارحمها نركبلك سنان بعد كدا اهدى... شرين

مروان : باستغراب شرين

اميره : بتشكرني عشان رجعتها المركز جاية غلبانة طيوبة والبراءة بتخرج من عنيها

مروان : مش ده اللى انتي عايزاه

اميره : ايوة ولذلك انا ألفت ليها مثل

مروان : ألفتي مثل

اميره : بمزح وسخريه .. اممم هقولهولك .. قالو للحية تحلف قالت شربت العسل ودوبت فيه ومالقتش سمي بتبصوا عليا كدا ليه , ده انا غلبانة والله انتم ظلمنى , ده العسل اللى كان مسموم يا اللى هجرنى , وأدينى شربت الكاس وهموت منكم لله يالي قتلني وعجبي.....

مروان : بضحكة عالية ههههههههههههههههههههههههه

انا عجبنى الأداء ادائك فظيع

اميرة : طب والمثل

مروان : بابتسامه ههه تحفة يا حبيبى طبعا يقربها منه ويضمها انتى مش طبيعيه

اميره : وانا من امتى وانا طبيعيه تاخذ شكولاته من مكتبها وتفتحها وتطعمها لمروان كل كل احسن من عنيها بفلوسنا دي

❤️_____ ليلة عادل____ ❤️

شقه شرين 5م

غرفه النوم تجلس شرين امام التسريحة وهى ترتدى روب وتصفف شعرها تستمع لجرس الباب تذهب لتفتحه تنظر باستغراب. تجد ادهم يقف امها وهو يرتدى ملابس خروج بنطلون وقميص

ادهم : ده انا جيت بوقت مناسب اوى يدخل ويسير قليلا وهو ينظر حوله تقفل شرين الباب وتنظر له باستغراب وهي لا تفهم شيء

ادهم : لا شقة حلوة ومتكلفة خمره كمان ينظر لشرين التى كانت تنظر له باستغراب يييا لما امك الصبح تدعيلك ربنا يفتحها بوشك.. فيفتحها من واسع شوفي اهو الخمره والروب اكيد الروب ده مافيش حاجه تحته يعنى بالمقاس شكرا عشان مش هتتعبينا مسهلاها ياشيري الا هو مهند مشي.. اتاخرت , اه تأخرت بس عادي سهل نجيبه او نجيب غيره

شرين : اللف والدوارن ده اخرته ايه ياحضرة رئيس النيابة

ادهم : بوليس الاداب يا شيري

تجلس وتضع رجل على رجل

شرين : ده مكنش تسجيل عشان قلبة الدماغ دي

يجلس ادهم بالكرسي الذى بجانبها

ادهم : شوفي انا حبيتك ليه قولي ليه

شرين : ليه

ادهم : عشان انتى جيتى معايا سك يا شرين , انا راجل خلقى ضيق مكنتش هتحمل كتير , قهوتي مظبوط( بشده ) بقولك قهوتي مظبوط ولا تحبى نروح نشربه فى مكتب فارس باشا

شرين : بستغراب .. فارس باشا

ادهم : يقرب وجهه لها بصوت منخفض يشاور بايده لتقترب مباحث الاداب اممم.. يبتعد بسخرية طلي طلتك من البلكونه كدا , طلة صغيرة لحسن تستهوي

تقف شيرين وتذهب للبلكون وتنظر للاسفل تجد بوكس وظابط يقف امامه ثم يرفع راسه ويشاور لها بايده تخرج من البلكونه تنظر شرين لادهم

شرين : انت بتهددنى

ادهم : اعوذ بالله اهددك , متقوليش كدا , ولمعلوماتك مافيش ظابط بيهدد ,احنا بنفذ على طول , قهوتي مظبوطه يخرج سيجاره ويضع رجل على رجل تذهب شرين وتقوم بعمل قهوه ترجع واثناء سيرها

شرين : مكنتش عارف ان ظباط النيابه ليهم بالسكك دي, بتوع الشرطه ماشي لكن النيابه معرفش , بلاش ياادهم حبك يعميك ويخليك تشوه البدلة اللى لابسها ,معتقدش ان اميره تستاهل انك تبوظ شكل مهنتك المحترمة بالطريقه دي

ادهم : ماكل مهنه فيها الشمال وفيها اليمين يا شرين , زيك كدا دكتورة عظيمة بجامعه القاهرة بيخرج على ايدها الاف الطلبة خمرجيه شهوانيه بتعت رجال صيادة رجالة... بنت كلب

شرين : عندك الزم حدودك

ادهم : انا مش جاي نتخانق ولا جاى نتناقش ولا جاي اديك محاضرة فى الاخلاق اللي متعرفيش عنها حاجه , انا بس عايز معلومه صغيره هتحكيها واحنا بنشرب القهوه سوا اصلي بحب اوى اسمع الحكايات دي وانا بشرب قهوتى بمزاج

شرين : تجلس عايز تعرف ايه

ادهم : التسجيل كان فى ايه

شرين : التسجيل مش مهم اوي كدا وانا مسحته

ادهم : انا اللى احدد مهم ولا لا مش انتي

شرين : تتنهد . .. كان فيه اتفاقي مع ابوها

ادهم : مع ابو مين

شرين : دكتور خالد

ادهم : انكل خالد

شرين : ايوه انكل خالد

ادهم : لا ده انتى تحكيلى كدا الحكاية من اولها على أقل من مهلك

تتنهد وتنظر له بقرف تقوم بالتحدث معه وتحكي له كل شيء كان أدهم يستمع لشرين وهو غير مصدق أذنيه يجز على اسنانه

فهل يوجد أب في الدنيا بهذا الجحود فقد علم ادهم أخيرا عن سبب حزن ومعاناة اميرة فكان يستمع وقلبه يعتصر من الوجع لكن كان لا يظهر شيء لأنه ظابط قوى شرس وذكي يتحكم في انفعالاته ....بعد انتهاء شرين

شرين : خلاص عرفت كل حاجة

ادهم : يعنى مروان عارف

شرين : تؤ عرف من قريب اوي وتجنن زيك كدا

ادهم : ماشى يا شري شوفي عشان انتى كنتي دغري معايا انا همشى وكأنى مجتش, بس عشان متشفنيش تانى وانا اللى بيشفنى تانى ياإما على المحكمه ياإما على المشنقه واحنا محتجينك اوي , فابعدي عن اميرة لانى مش محترم زى مروان وكيوت ولا بهدد انا بنفذ على طول وفجأة من غير اى مقدمات , لو سمعت ولا حسيت انك بتضايقي اميرة اهربى ياشرين لان اللى هينقذك من ايدي وقتها هو الموت

شرين : ده مكنش تسجيل ولا اتفاق اللى هتوجعولي دماغي بيه , متروحوا تتشاطرو على ابوها اللى بعها وراخصها انا مالي , انا زيي زي أي وحدة خرابة بيوت عجبها راجل بتحاول توقعه فطبيعى لازم تعمل اى حاجه عشان يكره مراته.. الدور والباقى على أبوها الى خلفها ورباها وخلاها دكتورة كبيرة مخلية. رجالة طول بعرض عاملين زي العيال الصغيرة عشانها وبيريلو عليها والنبي بت جدعة وبعدين احب اقولك اني مش لوحدي

ادهم : يعنى ايه

شرين : من فتره اميرة لقت ورقة صغيرة ممضي عليها من مروان واقتها كنت انا اللي ماسكه شغلها الورقه فيها ايه رفدها

ادهم : طبعا مش انتي اللي حطيتيها

شرين : ولا هي ، فيه حد ثالث ماشاء الله مرمر حبيبها كتير

ادهم : ليه متقوليش مروان اللى حبيبه كتير

شرين : ادينا هنشوف بعدين وفر طاقتك وحبك لمراتك

حنين بنت كويسه واحسن من اميرة ليه بتجرى ورا وهم

ادهم : عشان انا معاهد نفسي لما شفتها اول مرة لما جتلي مكتبي انى هنقذها وأحميها وأحافظ عليها انا مش عايز منها حاجة ولا مستني حاجة مش هتيجي كفايه عندى ان اميرة تكون عايشة مرتاحة وبامان

شرين : والله يابختها بيكم متقولي بتحبها كدا ليه

ادهم : نضيفه يا شرين قلبها نضيف مابتشلش بقبلها ولا بتغل وبتتمنى الخير للكل بعدين اميرة تتحب وبس سلام

وهو عند الباب

شرين : وحنين كمان تتحب وبس يا ادهم ... ينظر لها ادهم وحنين تتحب وبس ...

يتبادلان النظرات ثم يخرج ادهم ويغلق الباب

شرين : هى وصلت للتهديد بملف الاداب وبعدها بقى معاكي يا سندريلا برجالتك دي ده انتي كدا عايزه تكتيك تاني خالص

سياره ادهم 6م

يجلس ادهم بالسيارة ويبدو على ملامح وجهه الضيق والحزن عيونه مدمعة يرجع ظهره للكرسى ويتذكر كلام شرين ويخبط بقوة على دراكسيون بصوت داخلي مكنتش متوقع ابدا انك انت السبب بكل ده يا دكتور خالد ولا كنت متوقع انك بالحقارة دي بس انا مش هسكت ثم يقوم بسواقه سيارته

شقه ادهم وحنين 8م

يدخل أدهم الشقه ويقوم بالنداء على حنين

ادهم : حنين نونا

تخرج حنين من غرفة النوم وتقترب منه

حنين : اخيرا جيت

ادهم : وحشتك

حنين : طبعا عامل ايه

ادهم : تمام

اثناء سيرهم للوصول للراسبشن

ادهم : روحتي للدكتور

حنين : اه

ادهم : قالك ايه

حنين اجهاد

ادهم : انتى بتتعبى نفسك بشغل البيت قولتك اجبلك واحده تساعدك

حنين قولتك لا مش هتاكل من ايد حد غيرى

ادهم : ياستى خليها تيجي تنضف تغسل والاكل اعمليه انتى

حنين : ما فوزيه بتيجى كل جمعه تنضف

ادهم : اسمعي الكلام

حنين : لا انت هنا ادهومى مش ادهم باشا عمران

ادهم : ههههه انا مقدرش اكون ادهم باشا عمران معاكي يقبلها من رأسها

حنين : ادهم انت بكره فاضي

ادهم : اه بعد الشغل

حنين : ماشى عايز نروح للدكتور

ادهم : دكتور ايه

حنين : النسا اصل بقالنا 6 شهور متجوزين محصلش حمل

ادهم : ماشى 6 شهور مش 6 سنين يا حبيبى , انا من رأيي نأجل شوية يعنى نكمل سنة عشان نقدر نستمتع بحياتنا ونسافر ونخرج العيال من دلوقتي هيوجعو دماغنا ويشغلوكى عني وانا مش عايز اى حاجه تشغلنى عنك بس لو انتي مصممه خلاص براحتك

حنين :انت عندك حق بس انا لما لقيت كل الناس بتخلف

قولت اشمعنا انا

ادهم : بتغيرى

حنين : مش غيرة بس نفسي انا كمان احس الشعور ده

ادهم : وانا كمان بس انا محبش الاستعجال وانتي عارفة لازم ندرس كل خطوه صح

حنين : عندك حق روح غير هدومك لحد محضر العشا

ادهم : حاضر

غرفه النوم

يدخل ادهم الغرفه وهو منزعج جدا من نفسه لانه رفض ان يذهب للدكتور فهو لا يريد ان تحمل حنين الان فهو لايريد ان تتعمق علاقتهم خشية أن يفقدها بيوم بسبب عشقه لأميرة

❤️_____ ليلة عادل____ ❤️

فيلا مروان واميره 6م

تدخل اميره الفيلا تسأل احد الخدم عن مروان... فتجيبها انه يجلس بالحديقة تذهب اليه تجده جالس على المرجيحه ويضع السماعات تقترب منه اميره تشيل احد السماعات بشويش ينظر لها بابتسامة ساحره يمسك ايدها يجلبها تجلس بجانبه

اميره: بتسمع ايه تركب السماعه تجده بيسمع اغنية العندليب كان يوم حبك اجمل صدفة

مروان : ينظر لها ... كان يوم حبك اجمل صدفة عارفه كل ماسمع الاغنيه دى بحس ان عبد حليم كان عارف قصتنا فغناها عشان نسمعها يقبلها من ايدها

اميره : روحت بدري ليه

مروان : هتعرفى يخلع السماعة ويضع هاتفه بجيبه .. يقف يمسك ايدها ويسحبها ويمشى بظهر

اميره : واخدنى على فين

مروان : هششششش يقترب منها هخطفك يمسك ايدها ويسير بها حتى يصل سيارته المكشوفة يركبان السيارة ثم يقوم مروان بالسواقه

اميره : طب فهمنى

مروان تؤ بعدين

اميره : ماشى

بعد ساعه ونص يركن مروان السيارة وينظر الى اميرة

مروان تغمضى عينكى ولا اربطلك الاسكارف ده

اميره : هغمض

مروان : وعد مش هتفتحي

اميره : وعد وغلاوتك ما هفتح

يمسك مروان ايد اميره ويقوم بمساعدتها للنزول من السيارة كانت اميرة مغمضه عينيها يمشى بها قليلا ثم نرى بحر مع الاستماع الى صوت الامواج الهادئة الجميلة

اميره : اثناء سيرهم تتحدث انا سمع صوت تش

مروان : بابتسامه...تش ؟ طب اوعى تفتحى بعد السير بها قليلا .. فتحى

تفتح اميره عينيها تجد نفسها امام منزل صغير من طابق واحد امام البحر مصنوع من خشب تنظر له باستغراب يمسك مروان ايدها بدون تحدث بابتسامه ثم يفتح مروان الباب تدخل اميرة المنزل

منزل صغير به راسبشن كبير مطل على البحر مباشرة, بسيط ورقيق لكنه فى منتهى الجمال يتكون من غرفة واحده معلقة يتم الصعود لها بسلم خشبى جميل فى الدور الاول نرى الراسبش ومطبخ امريكى ودفايه مصنوع من الخشب تنظر اميرة لتفاصيل المنزل وجماله تنظر وهى لا تصدق فهذا هو منزل احلامها بكل تفاصيله

اميره : ازاي ده ...تنظر لمروان ازاي انت ماقراتش مذاكراتي واللى قراته مفهوش ده نور حكتلك

مروان : تؤ

اميره : عرفت ازاى ده البيت اللى كان نفسي اعيش فيه منظر البحر وصوته دفايه اللى هنقعد قدمها بليالى الشتاء الطويلة واحنا بنشرب القهوة مع صوت فيروز على غرامافون , مع رواية حلوة لاحسان عبد القدوس نفس الأوضه اللى متعلقه اللى لما تصحى وانا تحت ابصلك وجري عليك وأحضنك , تضع ايدها على فمها بعدم تصديق كل حاجه موجودة تقوم بضمه يحط مروان ذراعيه عليها يقبلها من راسها ترفع اميرة عينيها عملت كل ده ازاى عرفت ازاي

مروان : انتى حكتيلى قبل كدا ان نفسك تعيشى على البحر مع صوت الموج وريحته ولحظت انك لما تنزلي صور على صفحتك بتبقى زي كدا المسلسلات اللى بتابعيها لما بيجى مشهد فى بيت زي ده بشوف فى عينك نظرة نفسي يبقى عندى حاجه كدا , ولاني عارف ذوقك كويس كان سهل انى انفذ قولي حقيقي طلع زى ما اتمنيتى

اميرة : بالظبط بجد انت مذهل انت مالكش مثيل بحبك اوييييي تعانقه بشدة

بعد ساعات

تجلس اميرة ومروان بجانب بعضهم بجانب الدفايه المصنوع من الخشب مع الاستماع لاغنيه فيروز (اديش كان فى ناس على غرامافون) وشربهم للقهوه وهما ينظران الى جمال البحر من الباب الازاز المطل على البحر مع الاستماع لصوت البحر وشم ريحته

اميره :تاخذ نفسها... زى ماحلمت بالظبط ...تنظر لمروان بحب وسعاده وابتسامه ... انا بحبك اوى احيانا كتير بحس انك كتير علية. انى مستهلكش , واحيانا كتير بقول لا انا عملت عشانه اكتر من كدا هو بيحاول يعوضني عن كل اللى شفته وانا بعيدة عنه , بعدين بقول لا بس هو اتحمل حاجات كتير مافيش راجل يتحملها مش عارفه , بس اقولك مش مهم مين يستاهل مين ,المهم اني بحبك ومعاك وفي حضنك

مروان :يقوم بملامسة ووجهها باطراف اصابعه بنظرات حب وعشق يرجع شعرها المنسدل للخلف ..انتي المكسب الكبير اللى كسبته بحياتي , حبي ليكي وجوازي منك الشيء الصح الوحيد اللى عملته فى دنيتي

اميره :عارف لما بتبصلى كدا باستغربك ازاي بتحب كدا وقدرت فى يوم تبعد انا نفسي اعرف ازاى وقتها قدرت تعمل كدا حتى عينيك قدرت تخليها تكذب

مروان : يوم الطلاق

اميره : لا انت يوم الطلاق بعد ما قولتها بصتلى بعينك بصه اللى هى ايه ده انا قولت ايه لا لا انتى سمعتى غلط بس طبعا انا مدتكش فرصة ونولتك بالقلم بعدها

مروان:انا شفت نفس النظرة بتقولى قولتها قدرت تقولها قلمك مكنش على خدى كان على قلبى انا كنت فاهم انك عملتي كدا تعبير عن رافضك للى عملته

اميره : بصراحه اه ها مقولتليش بقى قولتها ازاي

مروان : قصدك على يوم مجتيلى البيت قولتلك اني مابحبكيش

اميره : اممم عارفه ان الموضوع قديم بس نفسى افهم

مروان : معرفش حقيقي مش عارف انا مكنتش مخطط مكنتش عارف انك جايه بس كانت حاسم الامر

اميره : بس انت كنت قاسي قسوتك بانت فى عينيك يعني كل اللى انا شايفه دلوقت بعينيك اليوم ده مكنش موجود

مروان : من حسن حظي عشان تصدقي مجرد ممشيتى انهرت

اميرة : تعرف اني كان ممكن أسامحك لو كلمتني

مروان : عارف

اميره : اكتر حاجه زعلتني انك مسألتش عليا لما انتحرت

مروان : انا معرفتش انك انتحرت غير لما سافرتي ايطاليا ورجعتي ماما فريده قالتلي

اميره : يعنى كنت هتيجى

مروان : اممم بس مكنتش هوريكى نفسى زى ما جيت يوم المناقشه

اميره : باستغراب ... المناقشة

مروان : اممم جيت وقفت بعيد وتخيلتك تخيلت انى شفتك بالروب وانتى بتكبري وتتكرمي لسه فاكر كلامك وانتى بتقولي كأنه دلوقتي قولتى كان نفسي النهارده انسان عزيز عليا يبقى هنا بس واضح حتى دي استكترها عليا روحت بجنان.. قولتي بقيت دكتوره ههه كلامك ده دبحني

اميره : بذهول تام ... مش مصدقه

مروان : مش بس يومها يوم فرح نور لما منير ناداكي عشان يكلمك كنت واقف ورا شجرة كان نفسي اسمع صوتك

اميرة : ليه مجتش تسلم عليا

مروان : لو كنت عملت كدا كنتي هتتمسكي بيا واللى عملته مكنش هيبقى ليه لازمة , اقولك على حاجة تانى, انتى مش كان فى ارقام بترن عليكى الفترة دي تنظر اميرة.. له دون تذكر واستغراب

مروان : افتكرى

اميره : اااه افتكرت كنت لما افتح افضل اقول الو محدش يرد

مروان : امم ومرة سمعك اغنية فاكراها

اميره : ايو بتعت حماقى اسمها تضع ايدها على جيبنها تحاول تفتكر

مروان : لسه بتخاف

اميره : باتساعه عينها بذهول ... كنت انت

مروان : اممم لما سمعتها حسيتها اوى لايقة علينا حسيتها معاكي وليكي حتى وقتها كنتي قربتي لادهم

اميره : بعيون مليئة بالدموع .. انت ازاى مقولتيش الكلام ده قبل كدا , ازاى تمثل انك قاسي وانت مش كدا , انت ازاي تخلينى اعمل معاك اللى كنت بعمله

مروان : عشان لو انتي كنتي عرفتى مكنتيش هتسبيني, كنتي هتتمسكي بيا اكتر , وانا مابقاش عندى القدره على المقاومة ,على مقاومتك ومقاومه حبي ليكي ... يمسح دموعها بحنان .. بعدين العيون الحلوه دي مينفعش تبكى كدا انا مابحكلكيش عشان اشوف دموعك

اميره : أصلي حسيت قد ايه اني كنت وحشة معاك

مروان : لا انتي اتعاملتى معايا المعاملة اللى استاهلها انا كنت استاهل ده انا كمان وجعتك اوي بس غصب عني

يقبلها من ايدها اضحكى بقى

اميره : طب انت ليه مش حكتلى قبل كدا يعنى احنا دخلين على سنه متجوزين وقبل كدا فين كل ده

مروان : مجتش فرصة بس

اميرة : طب عملت حاجه تانى زي كدا

مروان : لا هو بس المكالمات ولما روحتلك المناقشه والفرح القميص بتاعي اللى لبستيه مرة ..فاكرة كنت بآخده بحضنى وانا نايم

اميرة : عارفه انا حوار القميص ده استاذ منير قالي بمزح تقرصه بدلع من خده انت طلعت سوسه على فكره انا بردو كنت بامسك صورك وبشتمها ههههههههههههههههههههههههههه

مروان : هههههههههههههههههههههههههههههه انا استاهل

اميره : ايو تستاهل عشان انت وجعتنى اوي كسرت قلبي يا وحش

مروان :يضع ايديه الاتنين على خدها ينظر لها بعين كلها عشق وحنان ..انا عمرى ماهسمح للوجع يعرف طريقك مهما كان

اميرة : مارو ممكن طلب

مروان : انتى تؤمرينى أمر

اميرة : ينفع نقعد هنا شوية اسبوع كدا

مروان : هنقعد لحد متقوليلي يلا يا مارو نمشي

اميره : بدلع ... تقبله من خده ... والمصحف بحبك يا بيضه

مروان : وانا بموت فيكى يا مجنونة مروان.. يقبلها من جبينها وياخذ راسها بالقرب من قلبه

❤️_____ ليلة عادل____ ❤️

احد المطاعم 6م

يجلس ادهم يشرب سيجاره يبدو انه ينتظر شخص ما وعلى الترابيزه فنجان قهوة بعد قليل يدخل خالد يقف ادهم لاستقباله

ادهم : ازيك يا انكل

يمد يده لكن لا يمد خالد يده

خالد : يجلس بقلة ذوق عايز ايه متعطلنيش

ادهم : بابتسامه يجلس .خير يا انكل حضرتك ليه بتكلمني وحش كدا طريقتك متغيرة انا بقالي اسبوع بتحايل على حضرتك عشان نتقابل

خالد : لانك قليل الادب نسيت اخر مرة

ادهم : حضرتك اللى اضطرتنى اعمل كدا اخر مره كلام حضرتك كان غريب

خالد : عايز ايه يا ادهم

ادهم : كنت بتعمل كدا ليه

خالد : كنت فاكرك اذكى من كدا كنت فاكرك بتعرف تستغل الفرص صح لكن طلعت غبى

ادهم : غبى ! لا انا مش غبى انا راجل منطقى عاقل بيحب انا عارف وعلى يقين ان اميرة عمرها ماهتبقى ليا

خالد : منا زحتلك مروان من قصادك وسبتلك الساحه فاضية كانت محتاجة منك بس زاقه واحدة عشان تحدفها , بعيد لكن انت طلعت غبى ياادهم وضيعتها مره تانية

ادهم : انت لسه مصدق , انت عارف كويس اميرة كانت قابلة ليه بالوضع ده , اقولك من الاخر انا عرفت كل حاجة , من أول لما اميرة خلت جوازها من مروان مش مجرد جواز على ورق وجنونك لما عرفت , لتهديدك ليها , لحد اتفاقك الأخير مع شرين وتسجيلها ليك , (بنبرة حزن واستغراب) ... ليه ياانكل حضرتك كسبت ايه قولى كسبت ايه غير انك دمرت حياة اميرة... وخلتها عايشه كل الوجع ده , عارف لما وافقت انك تقبلنى فضلت يومين صاحي بفكر هقولك ايه هواجهك ازاي , الحقيقة لأول مرة معرفش , صعب , حقيقي صعب ان الخيانه تجيلك من أقرب ماليك , طعنت اميرة بظهرها , وفقت تتفرج على جرحها وهو بينزف , ودوست عليه من غير أي رحمة, أميرة معملتش حاجة غلط , حبت راجل وتجوزته بعلمك وبموافقتك , بتعقبها على ايه طب هي ماصعبتش عليك لحظه , الكسرة اللى بعينيها والألم اللى ماليها ماهزكش لحظة

خالد : انا بحب بنتى وبخاف عليها انا عملت كدا عشان احميها , احميها من حبها لمروان , مروان ميستهلش كل الحب والتضحيه دي

ادهم : اديني سبب واحد لكرهك لمروان ...قولي ذنب مروان عمله وانا اوعدك هجبهولك هنا متعلق

خالد : كل ده و لسه بتسأل

ادهم : اه بأسأل , انا مشفش من مروان حاجة الراجل بيحب بنتك وتحمل كتير عشانها وصبر , اقولك انا لو مكانه بصراحه مش هاستحمل ,بس الفرق بينى وبين مروان ,مروان مش سريع البديهة مع انه دكتور نفسي , انا كنت من اول لحظه كنت هفهم تغيرات اميرة الغير منطقية وراها حاجة , كنت هدور وهعرف وأقولك عارف تهديدك ده تعمل بايه ايه, ولا فسر ، معلش ياانكل اصل لسه واخد كورس اجرام مأثر , انت بتاذى اميرة بلا هدف ...أذى وخلاص , انت مش بتحب بنتك ولا بتحميها ولا بتخاف عليها , انت اناني كاره نفسك وكاره حياتك وكاره ان أولادك يحبو حد غيرك , وغيرك يحسسهم بالأمان , شرين قالتلى اسمه مرض السيكوبتك وحب التملك وحاجات مفهمهاش , بس انا اللى فهمه لو مريض تتعالج , ولو مريض تبقى مع كل الناس الا بنتك ,و لو عايز تكمل بمرضك كمل , وانا هطلع طبنجتى وأنضفها وأتخض وأقول ببساطه الرصاصة طلعت بالغلط ,وأخرج بكفاله 550جينه مصري ثمن المشاريب اللي شريتها

خالد : اول مرة احمد ربنا ان بنتى متجوزتش واحد زيك انت ومروان أسفل من بعض

ادهم : انت السبب انت اللى طلعت مننا اوسخ مافينا طلعت كل الزباله اللى جوانا

خالد : يقف .. انا غلطان انى وافقت اقبلك

ادهم : يمسكه من كتفه وبحزن وتأثر وقوة... ابعد عن اميرة وسبها فى حالها حرام عليك بنتك مدمرة , عايشه ميتة , اتقى ربنا فيها ، شيل الغشاوه اللى على عينك بقى حرام , اميره بضيع عايشه ميته كفايه خسرت اميرة وخسرت احترام الكل ، وعريت اميرة قصاد مروان هى دلوقتي قصاده أبوها بيعها مرخصها معندهاش ظهر يحميها منه لو زعلها , خلتها متسواش قصاده ,انت عارف مهما البنت كبرت وتجوزت بيفضل الاب هو السند والحماية ليها , ليه خلتها تفتقد ده ، انت عارف اميرة بتحاول تمثل انك راجل محترم وأب حنون ليه ، عشان تحس لو بالكدب ان ليها ظهر لو مروان فكر يأذيها او يخذلها , ان ليها ظهر وسند يجبلها حقها ,بس انت خلتها عايشه مخبيه حزنها والمها جواها عشان متحرجش ابوها وتصغره قصاد مروان وفريدة واخواتها ، خلتها تعانى عشان تحافظ على صورتك المحترمه قصاد الناس ان صورتك متتهزش ، وانت متستهلش , هى طلعت احسن منك , انت أب جشع , مش أب من الأساس , انت خذلتها مكنتش ليها السند والحماية , بس انا سندها يا , انكل سندها اللى هيحميها منك ومن مروان ومن شرين ومن اى حد يفكر يأذيها... انا ملاكها الحارس ,( بقوة)... اقولك انا عزرائيل اللى لو حد فيكم دماغه وزته انه يزعلها تانى هاخد روحه كفايه لحد كدة...

يخرج الفلوس من جيبه ويحدفها على الترابيزه و ينظر له من فوق لتحت بتقليل واهانة ويتركه ويخرج يجلس خالد متغاظ مخنوق متضايق ... فكل شيء بدأ يخرج من تحت سيطرته فليس مروان فقط الذى وقف بوجهه بل ايضا ادهم فماذا سيفعل خالد هل هيتراجع ام سيكمل فى هذه المسرحية الهزيله فلم اجد كلمات تووصف بشاعه هذا الأب حتى لو كان مريضا نفسيا

❤️_____ ليلة عادل____ ❤️

مركز د / مروان 12 م

كافيتريا تقف شهد بوسط الكافيتريا تبحث عن شخص ما ثم تمسك هاتفها وتتصل لكن من تتصل بيه لا يجيب تدخل مبنى المركز وتدخل الاسانسير تصعد للدور الخامس بعد خروجها تجد حمزة يسير بالممر تقوم بالنداء عليه

شهد : حمزة حمزة

حمزه : يلتفت لها ازيك

شهد : تقترب منه تمام هي اميره فين هى مش جت النهارده

حمزه : اه جت بس مشفتهاش من الصبح فى حاجة

شهد : كنت عايزاها بحاجة مهمة

حمزه : كلمي دكتور مروان اكيد عارف هي فين

شهد : تمام شكرا

خلال قيام شهد بالاتصال بمروان تجد اميرة متجهة الى مكتبها تجري مسرعة نحوها تقوم وتنادي عليها

شهد : اميرة كنتي فين

اميره : تلتفت لها حبي وحشتيني

شهد : بأدور عليكي من بدري

أميرة : خير

شهد : تعالي ندخل جوه

تفتح اميرة باب مكتبها وتدخلان للداخل و تجلسان على الكنبه

شهد : تجلس ..انا محتجاكى بخدمة

اميره : قولي يا برنسيسة

شهد : تاجى معايا للدكتور

اميره : الف سلامة عليكي مالك

شهد : هتأكد لما اروح بس هتكتبي اسمك انتي

اميره : باستغراب .. اسمي انا اشمعنا

شهد : لانك متجوزة طبيعي تروحي للدكتور ده

اميره : باتساع عينيها ... شهد أوعي تكوني

شهد : تبكي ... انا فى مصيبة محتجاكى تقفي جنبي والنبي يا اميرة متتخليش عني انا محتجالك اوي

تقوم اميرة وتقف بجوار شهد وتاخذ راسها بصدرها وتطبطب عليها ... حبيبتى بس اهدى ان شاء الله مافيش حاجة

شهد : بدموع وخوف وانسكار .... ضعت

❤️_____ ليلة عادل____ ❤️

فيلا مروان واميرة 8 م

حديقة الفيلا

يجلس مروان على كنبه امام النيل وهو يستمع الى اغاني عبد الحليم ويستمتع بهابعد دقايق تدخل عليه اميرة وتجلس بكرسي بجواره دون تحدث ويبدو على ملامح وجهها الاجهاد والضيق ينظر مروان لها باستغراب يغلق الاغاني يقترب منها

مروان : مالك ياحبيبي

اميرة : مافيش اتعشيت

مروان : تؤ مستنيكى مالك

اميرة : صدقنى مافيش بس متضايقة عشان ...تصمت قليلا اصل وحدة صحبتي ماتعرفهاش اللي كلمتك وقولتلك اني خارجة معها , يعنى فى مشكله عندها وحلها صعب يعني صعب اوي

مروان : طب ماتشركيني فيها يمكن اقدر اساعد

اميره :بارتباك وتقطيع بالكلام .. أصلها يعني... هى محترمة جدا بس انت عارف احيانا الشيطان بيكون أقوى مننا مش ببررلها بس بفهمك عشان متجيش عليها عشان انا عارفة دماغك

مروان : شكلها عزيزة عليكي اوي

اميره : جدا بص هى من الاخر هي حامل بص كمان انا اللي كتبت اسمى بدالها بالعيادة لأن الزفت اللى غلطت معه كدا بيخلع

مروان : بنرفزة.. عملتي ايه

اميره : تمسك ايده ... استنى بس متتعصبش اهدى اسمعني هو عايز يسبها هي مفروض بنت فايعنى خافت حد يعرف او يشوفها ده مجرد اسم بس

مروان : بغضب ..انتى هتفضلي تتصرفي من دماغك لحد امتى هنعقل امتى

اميره : خلاص اهدى

مروان : يتنفخ دون تحدث

اميرة : خلاص اخر مرة ماتبقاش بايخ بقى , المهم هو ده الموضوع نعمل ايه دلوقت

مروان : تعمل DNAعلى طول وترفع عليه قضية من غير تفكير

اميره : وسمعتها !!

مروان : ومفكرتش فيها ليه وهى بتعمل كدا

اميره : خدعها. غصب عنها , اشمعنا الست بس اللي مطلوب منها تدفع الثمن والراجل لأ , مع ان فى الحساب عند ربنا واحد

مروان : لان الست بتقدر تسيطر على شهوتها عن الراجل , مهما كان مدا حبها ليه, الاتنين أخطأو. مافيش كلام , لكن الغلط عليها زيادة ,لانها تقدر تقول لأ , تقدر ترفض , بعدين فى طفل دلوقت طرف ثالث نتج عن العلاقة دي ,فاخلاص لازم هما الاتنين يتحملو النتيجة

اميره : هى قررت تنزل البيبي

مروان : وانتى موافقها

اميره : انا معرفش انا عمري متحطيت بموقف زى ده بحياتى , بشوفهم بالأفلام والروايات بيعملو كدا

مروان : طب انسى انها صحبتك لو حالة عندك هتعملي ايه

اميره : هقولها نفس الكلام ,مروان احنا فى مجتمع بيدبح الست على أى غلطة ده ممكن يدبحها لو اعترفت للراجل اللى بتحبه انها بتحبه قبل ما هو يقولها , بيقول عليها قليلة الحياء , تصور , للاسف الست بس بالمواقف ده هي اللي بتدفع الثمن لوحدها , من سمعتها هو لأ ,هخلينى معاك للآخر ..هترفع قضية هيتكتب باسمه , ماشي معاك ,بس هيتعرف قصاد الناس ان الطفل ده ابن حرام , جه بطريقة حرام ,هتتفضح , بعدين اهلها معندهمش الثقافة انها ترفع قضية والكلام ده , هيقتلها

مروان : طب متقوليلى مين يمكن اقدر اساعدها

اميره : حد متعرفهوش

مروان : ماشى شكلك مش واثقة فيا وإلا خايفة امنعك عنها ؟

اميره : باستغراب ... تمنعني عنها !!

مروان : اه محبش مراتى يكون ليها صديقة بالأخلاق دي...

ممكن يبقى مالكيش علاقة بيها تاني , ممكن تنفذي كلامي

اميره : بنصف ابتسامة سخرية ..مش قولتلك الست بس اللي بتدفع الثمن وعايزها ترفع قضية

مروان : هو والدك لو كان مكاني هيعمل ايه

اميرة : بابا يا نهار أبيض كان بهدلني بمعنى الكلمة , كان قالي متعرفهاش تاني , وازاي يكون ليكى صحبه كدا , وقلبها مشكلة كبيرة , لأ انا بابا عندي وصعب أوى بالحاجات دي , عموما حاضر هاسمع كلامك بس سبني اقف معها لحد متخرج من الموقف ده ممكن بليز يا مروان

مروان : مع اني مش عجبنى بس ماشي بس معها دعم نفسي غير كدا ...لأ ...لأ يااميرة ماتشاركهاش بجريمتها سامعه

اميرة : حاضر بس غريب انت أوي

مروان : غريب ليه

اميرة : لانى انا كنت هأضعف زيها ....لولا اني فوقت فى اللحظة المناسبة كنا وقعنا بنفس المشكلة

مروان : انتي هبلة ولا ايه انتي وقتها كنتى مراتي

اميره : لا يامروان كنا مطلقين

مروان : ماشي بس مجرد ما العلاقة دي بتحصل انتي كدا رجعتى

اميره : مش مقتنعه

مروان : حتى لو مكنتيش مراتي انتي غير اي حد انا عارف اخلاقك كويس

اميره : المبادئ مابتتجزئش يا دكتور عموما ماشي المهم عارف وانا هناك شفت مزاميز شكلهم قمر كدا وهما حوامل تقوم وتجلس جنبه وتضع راسها على صدره ويلف مروان ايديه حولين رقبتها .. ماتيجي نكشف , مش نفسك تخلف

مروان : طبعا نفسي اخلف منك وانا طلبت ده منك, عايز يبقى عندي بنوته لمضه تانية عشان امشى بالشارع أكلم نفسي

اميره : بمزح على اساس مش بتتكلم دلوقتى ههههههههه بجد تعال نروح بقالنا كتير محصلش حاجة

مروان : بس مش انتي قولتي بعد المناقشة

اميره : غيرت رأيي يعنى مش هحمل بكره اكيد , اكيد هيبقى فيه وقت نكشف ونشوف الحمل متأخر ليه

مروان : موافق طبعا... يقبلها من رأسها يصمت قليلا وبتردد كنت عايز اقولك حاجة

اميره : قول

مروان : انا كنت هخلف قبل كدا

اميره : تنظر اميرة له باستغراب خلفت

مروان : لا كنت هخلف ماجي كانت حامل والبيبى نزل وهي بالشهر 6

اميره : و ايه اللى حصل

مروان : بسبب الخمرا والسجاير حصل تشوه فى الجنين كان لازم ينزل

اميره : تنظر له ... سوري يعنى من غير تجريح ده شيء مشكوك فيه انه منك متزعلش

مروان : مش زعلان بس كان مني لانها دى المرة الوحيدة اللى كملت فيها الحمل المرة الأولى نزلته بالشهر الأول قالتلي محتاجين نستمتع ببعض مفيش حاجة تشغلك عنى وبعد فترة حملت تانى وكملت كانت مبسوطه اوي لما حصل اللي حصل ربط كل حاجة ببعض .. فهمت

أميرة : ماشى يعني عايز تقولي بطريقة غير مباشرة ان التأخير مني

مروان : لا بس مش حابب أكون مخبي عليكي حاجة بعدين تأخير ايه مافيش تأخير احنا متجوزناش غير 7 شهور بس خمس قبل الطلاق وشهرين بعده والخمس شهور مش محسوبين اصلا كان معظمهم بايتة عند بباكي

اميره : صح عندك حق خلاص اعمل حسابك بكره هنروح

مروان: يقبلها من ايدها بابتسامة ... ماشي

اميره : طب انا هروح اغير هدومي وانت خلي فاطمة تحضرلنا العشا ..بمزح ..ولو نامت زي كل يوم من 8

أرفدها ههههههههه تقبله من خده مش هتأخر عليك

❤️_____ ليلة عادل____ ❤️

شقه د / خالد 2م

مكتب خالد

يجلس خالد على الكرسي الامامى لمكتبه ويمسك بايده البوم صور يشاهد صوره القديمة التى كانت تجمعه مع عائلته وهما بغاية السعادة والدفا والترابط ...صور اميرة وهى صغيرو وأخرى وهي كبيرة وينظر للصور وعيونه بها دموع وبعد قليل تدخل عليه فريدة

فريده : خالد قاعد لوحدك ليه تعال الأولاد بره

خالد : تعالي يا فريدة

تدخل فريده وتجلس بالكرسي المقابل له وتنظر له باستغراب

فريده : مالك

خالد : شايفة الصورة دي لما كنا بباريس كانت ايام جميلة كانت اميرة لسه هتدخل الجامعة فاكره كانت جايبة مجموع كام وعملت مشكلة قد كدا عشان تدخل اداب مع ان مجموعها يدخلها اقتصاد وعلوم سياسية واعلام كليات اعرق من كليتها وفضلت تعيط وزعلت عشان تدخلها وصممت نصالحها اننا نسافرها

فريده : كانت اكتر واحدة مدلعة بالأولاد واكتر واحدة مفضلة عندك كإن الباقى مش ولادك بتحبها وتهتم بيها اكتر منهم

خالد : عشان أطيبهم وأغلبهم يتخاف عليها شوفي بقى لما تحبي ابنك اوي كدا وهو يقابله بالجحود ويخليكي تندمي على حبك ليه

فريده : ليه بتقول كدا ياخالد انت برضو لسه بتغير من حبها لمروان والله يا خالد لو خيرو أميرة بنا وبينه هتختارنا احنا صدقنى دي فضلت تعامله اسوأ معاملة في أول جوازهم لانها حاسة انه السبب إنه فرقها عننا

خالد : بس فى الآخر استسلمت ليه

فريده : متهربش من الحقيقة يا خالد , مروان مكنش يستاهل المعاملة دي من أميرة هو مالهوش ذنب بعدين شوف اهي مبسوطة وسعيدة معه جدا الراجل عمل اللي عليه وزيادة عشان يثبتلك انه بيحبها بجد اتحمل كل شى اديله فرصة انت مش بتثق فيا

خالد : طبعا

فريده : انا بقولك انه يستاهل الفرصة , لأنه محترم وبيعشق التراب اللى بتمشي عليه بنتك وبيتمنلها الرضى ترضى حبه يا خالد ...مروان زوج كويس وأحسن من عماد كمان مش الاتنين اجواز عيالي بس لا مروان حاجة تانية عندي كمان ده يا حبيبى وحيد ملهوش غير أميرة بالدنيا عايزين نبقى أهله ونعوضه عن احساس الوحدة انه ملهوش حد حاول تبقى أب ليه هتلاقيه أول واحد بظهرك بدل مايبقى عندك ابن واحد يبقى عندك اتنين انا مش قادرة افهمك يا خالد ليه كاره مروان كدا لو شفت عليه حاجة نورني

خالد : ماشفتش عليه حاجة بس انا بكرهه من وقت ما بنتي كانت هتنعدم بسببه

فريده : مش هو السبب بنتك المتهورة السبب هو ماقلهاش دافعي عني ودخلي نفسك السجن هي اللي عملت كدا ولما عرف ساعدها عشان تخرج

خالد : مش عجبنى ان بنتى تتجوز واحد مراته كانت بتخونه مستغفله مفكرتيش للحظه مراته كانت بتخونه ليه

فريدة : مافيش سبب للخيانة ولو هو كان مقصر بأي شيء تسيبه لكن هى اللي انسانة سافلة

خالد : ليه بتدافعي عنه كدا

فريدة : مش بدافع انا بأوضحلك الفكرة اديلوا فرصة خلاص مروان بقى واقع بحياتنا وكلها كام شهر واميرة تجيب طفل وانت هتبقى جده فكرهك ده مينفعش تعالى بقى اقعد معانا بره

الراسبشن

تجلس اميرة وهى تحمل عمر على الكنبه وبجانبها ياسمين وكريم

اميرة : ماشاء الله عليه قمر أوي ما تدهوني يومين يا سمسمه

كريم : تدهولك يومين هو بنطلون ههههههههه

تدخل فريدة وخالد عليهم

فريده : مدام متشوقة كدا ما تجبلنا مرمر صغيرة لمضه زيك

ياسمين : قوللها انا مش فهمه هى مش عايزه تخلف ليه

خالد : هي صح ....السرعة مش مطلوبة.... تصبر لحد متشوف ان مروان اتغير عشان ميحصلش طلاق تاني والطفل يتشرد بنهم

اميره : ان شاء الله مافيش طلاق تانى مروان بيحبني اوي عمره ما هيتخلى تاني عني انا فعلا فكرت كويس وهروح للدكتور

فريده : هتروحى امتى

اميره : النهارده

خالد : بالسرعة دي

كريم : بالسرعة ايه يا بابا دي داخلة على سنة وانا نفسي ابقى خالو من اختي ام لسان متأكد هتجيب عيل متشرد زيها وتقوله تف على خالو يا حبيبي

اميرة : لا مش لدرجه التف انت كيمو حبيبي برضو

فريدة : آجي معاكي

اميره : مروان جاى معايا هروح للدكتورة سحر

ياسمين : ممتازة بس عليها كورس ابره يهد الحيل

اميره : تنظر لعمر بس اكيد يستاهل

ياسمين : اوي اوي يا مرمر

❤️_____ ليلة عادل____ ❤️

فيلا مروان وأميرة 4م

تدخل اميرة الفيلا تجد إحدى الخادمات تنظر لها

اميرة : مروان فين

الخادمة : بالجنينه

اميرة : طب ممكن تعمللنا اتنين عصير فراولة

الخادمة : حاضر

تدخل اميرة الحديقة وكان مروان يجلس على المرجيحة

ويلعب بهاتفه تقوم بتغميض عينيه.. يبتسم مروان

مروان : بمزح .. مين سامية فريال فكرت

أميرة : ايه الأسماء الوحشة أوي دي

مروان : أسماء طالبات عندي لسه كنت بكلمهم يمسك ايدها ويجلبها أمامه تجلس اميرة على قدمه

اميرة : وحشتني

مروان : وانتي كمان

تنظر اميرة له بحب وعشق تقترب منه كادت أن تقبله لكن فجأه تبتعد وتجلس بجانبه ينظر مروان لها باستغراب تنظر بعنيها خلفه يدير مروان رأسه يشاهد الخادمة تقترب منهم وتضع العصير على الترابيزة

الخادمة : حاجة تاني يا افندم

اميرة : لا شكرا

الخادمة : دادا فاطمة بتسأل تحضر الغدا

اميرة : لا احنا هنتغدى بره

الخادمة : عن اذنكم

اميره : اتفضلى

ينظر مروان لها مع ملامسة وجهها بحب

اميرة :انا اتصلت بالدكتور والميعاد الساعه 6 نخلص معها

وتعزمني على الغدا ماشي

مروان : بس كدة عيوني

اميره : أيوة انا محتاجة الدلع أوي الفترة دي

مروان : الفتره دى بس ....انا هدلعك على طول

يتبادلان النظرات بحب يقترب وجهه من وجهها قبل ان يقبلها تقترب منهما فاطمة.... يبتعدان بسرعه على صوتها

فاطمة وهى تسير تتحدث

فاطمه : يعنى ايه هتتغدو بره واللى عملته. ... وتعبي

مروان : أصل احنا خارجين فهناكل بره بالمرة

فاطمة : ترجعو من مشواركم تتغدو هنا المحشى اللى عاملاه ده مش هيترمى

أميرة : انتى عامله محشي

فاطمة : ايوه بتنجان وكوسة وورق عنب وفلفل وكرمب

اميرة : ايه دا يا دادا احنا نفرين ايه كل ده

فاطمة : شوف مين بيتكلم اللي تخلص حلة ورق العنب فى اكلة وبترضيش تدي الغلبان ده صوباع

مروان : وياريته بيبان عليها يا دادا

فاطمه : ولا هيبان تروحو مشواركم و ترجعو تاكلو هنا

هي كلمة..... مفهوم

اميرة : مفهوم واحنا قدك

فاطمة : ايوه كدا انت سبهالي انا هعرف اتعامل معها

مروان : انا متفرج بس... ماليش دعوة بيكم

اميرة : كدا تبعني يا دك...قعدتك مع منير كتير بوظتك

فاطمه : هروح

مروان : اتفضلى

بعد ان تتركهم فاطمه ...

ينظر مروان لأميرة بشوق

مروان : احنا كنا بنقول ايه

اميرة : ما بنقولش حاجة مش هبوسك خلاص

مروان : ليه طيب انا ذنبي ايه بتعقبيني ليه

اميره : عشان انت السبب

مروان : انا

اميره : اممم مش عارفه آخد راحتي معاك ولا اقعد براحتي انت اصلا ليه جايب كل الخدم دول

مروان : عشان فاطمه كبرت مش هتقدر تخدمنا لوحدها لازم مساعدة بعدين هى بتطبخ بس

اميرة : عارفة عندي فكرة انت مشيهم وخليهم يجوا مرتين بالأسبوع أو تلاتة بالكتير ومحدش يبات

مروان محبش أقطع عيش حد

أميرة : خلاص متقطعش عيش حد وتتحرم من اللحظات الحلوة اللى زي دي واللحظات التانية كمان فاكرها

مروان : إلا فاكرها ماتيجي نعدها تاني

اميره : بدلع واغراء ..تؤ انت خلاص محروم منها مش ما بتقطعش عيش حد خلينا كدا بقى خلينى مش عارفه ادلعك براحتي ده انا لسه محضرالك مفاجآت كتيرة ولحظات أجن بكتير

مروان : بمزح ... انا اصلا عايش حياتى بقطع العيش... ده انا مابيهداليش بال الا لما أقطع عيش حد

اميره :ههههههههههههههههه دلوقتى بحب أقطع عيش حد بجد والله انا حقيقى مش عارفه ابقى على حريتى حاسة ان فى حد عينيه عليا حتى بلبسى مش بعرف البس براحتى غير بالأوضة بتعتنا انا مش واخدة على كدا كفاية فاطمة والباقى متمشهمش خليهم ييجوا مرتين بالأسبوع أو حسب ما نحتاجهم واديهم نفس المرتب عادي اعتبره صدقة

مروان : حاضر اعتبريه حصل يمسكها من ايدها يقعدها على قدمه مع ملامسة وجهها بحب بس انتى لازم تدفعي الثمن تقبله أميرة من شفايفه برقة يتبادلان القبلات بحب ونعومة ثم تنظر اميرة له

اميره : كفايه عليك كدا النهارده

مروان : لا والله

اميره : اه والله... لما تمشيهم وقتها نبقى نشوف تستاهل ايه

مروان : كدا

اميره : ايوه كدا

يعض مروان على شفايفه وينظر لها ماشى يا اميرة هانم.... طلعتى مش سهلة

اميرة : انت لسه شفت حاجة اتقل اتقل

مروان : اتقل اتقل ايه انتي جننتينى خلاص بقيت مجنون بيكي يقربها ليه ويضمها

احد عيادات النساه 6م

تجلس اميرة ومعها مروان على كراسي المكتب الأمامية مع دكتورة النساء وهي تقلب في اوراق التحاليل والاشاعات والنظر فى التحاليل ثم تنظر لهم وتتحدث

الدكتور انا شايفه ان تحليل بتعتك يا اميره ....

_*~الجزء الثاني

~من

روايه الاعمى2

بقلمى ليلةعادل*~_✍️🌹❤️

الحلقه اتنين وأربعين

أحد عيادات النساء 6م

تجلس أميرة ومعها مروان على كراسي المكتب الأمامية مع دكتورة النساء وهى تقوم بالتقليب والنظر فى أوراق التحاليل والاشاعات ثم تنظر لهم وتتحدث

الدكتورة سحر .. انا شايفة ان التحاليل مفهاش أى حاجة سواء كان تحليلك او تحليل دكتور مروان

اميرة : امال ليه مافيش حمل

الدكتورة : انتى بقالك قد ايه متجوزة

اميره : هو يعنى 5 شهور بعدين انفصلنا شهرونص ورجعنا بقالنا شهرين ونص

الدكتور : طب مستعجلة ليه ده طبيعى

أميره : اشمعنا انا مع إن ستات كتير بيحملو من أول الجواز

الدكتورة : بابتسامه.. بتفرق من ست لست وانتي كمان ضعيفة عندك انيميا

مروان : طب حضرتك شايفة ايه

الدكتور : انا مش حابة أدخل دلوقت بأي ادويه , عشان ملعبش بالهرمونات خصوصا ان اميرة لسه 28 سنة يعني مش كبيرة, فاكتبت على شويه فيتامينات ليكم انتم الاتنين وطبعا هنهتم بالأكل لازم تاكلي كويس جدا مع تزويد عدد مرات العلاقة الزوجية وهنتابع مع بعض

اميرة : طب متكتبلنا منشطات زي اللى كتبتيها لأمنية

الدكتورة : انتى مش محتاجه يا اميرة امنية تختلف عنك

مروان : شكرا يا دكتورة يلا يا حبيبي

اميرة : استنى يا مروان.. دكتورة سحر انا عايزة أخلف بسرعه مش هستنى.... انا قرأت أبحاث كتير قبل ماجي , وعارفة انك ممكن تكتبلنا , منشطات فلوسمحت اكتبيهلنا

الدكتورة : هى مش منشطات بالظبط هى زي فيتامينات ولان حالتك كويسة مش محتاجةأي نوع من العلاج دلوقت انتي ولا مروان

أميرة : برضو

الدكتوره :اسمعي الكلام بس زي ما قولت أهم حاجة لازم نهدي نفسنا , بلاش ضغوط عصبية بلاش توتر , ناكل أكل مغذي , امنعي كل المشروبات الغازيه وتك اواي , أميرة أهم حاجة أكل الشارع ممنوع ممنوع , مارسي رياضة كلي خضروات وفاكهه والدكتور نفس الكلام برضو , انا شديت عليها شويه لانى عارفة اميرة بتحب أكل الشارع زي بنتي , وطبعا زى ما قولت نكتر من العلاقة الحميمية على قد مانقدر الفترة الجاية وناخد الأدوية بانتظام

مروان : يقف .. ميرسى دكتور عن اذنك

الدكتور : سلامي لفريدة يا ميرو

اميرة : حاضر

فيلا اميرة ومروان ٨م

غرفه النوم

تدخل اميرة ومعها مروان داخل غرفه النوم ترمي حقيبة يدها على الفوتيه تنظر لمروان

اميرة: نظرات عدم رضا لكن بدلع . زعلانة اوي مش هعرف اكل السندوتش اللى شفته امبارح على الفيس ولا اشرب بيبسى تانى اهئ اهئ

مروان : معلش ضحي شوية

اميرة : اممم طبعا ما انت اللى سمعته عند الدكتور مخليك مبسوط اوي ....على مزاجك الكلام ده صح , ماانت مالكش بأكل الشارع وبتحب الأكل الصحي

مروان : الجزء ده طبعا مفرحنى بس الجزء التانى مفرحنى اكتر بكتير لدرجة اني هطبقه حالا

اميره : متهزرش بقى

مروان : بمزح ..مروان مابيهزرش بالحاجات دي يقترب منها ويرجع بها نحو السرير ووو .....

♥️ _____ليلةعادل _____♥️

شقه شهاب 4 م

تقف اميرة امام باب الشقة وتطرق الباب وبعد قليل يفتحلها شهاب الباب

شهاب : ميرو ايه ده ده حلم وإلا علم تعالي

اميرة : والله امال ما بتردش على تليفونك ليه

شهاب : هو انتى كلمتيني

اميرة : شهاب غير هدومك وانزل معايا وماتصعش ها

شهاب : طب ماتدخلي نتكلم جوه

اميره : بشده .. لاء انت عايزهم يفتكروني واحدة من الشمال اللى بيطلعولك اخلص هستناك بالعربيه

تتركه وتغادر ينظر لها شهاب بضيق وزهق ويغلق الباب ويتحدث بصوت داخلى ... ربنا يخدك ياشهد كنت ناقص قرفك

احد الكافيهات 5م

يجلس شهاب واميرة على أحد الترابيزات يقوم الجرسون بوضع العصير ويرحل يشرب شهاب قليلا ثم يضع الكوبايا على الترابيزه

شهاب : ها هاتى اللي عندك

اميره : بص يا شهاب انت حر بحياتك ماشيها زى ما انت عايز لكن تضر غيرك يبقى لازم توقف مع نفسك كفاية... انت مش بتأذي نفسك ...انت كمان بدأت تاذى غيرك

شهاب : ايه ده , دي واحدة كنت ماشي معها واكتشفت اننا مش مناسبين مع اني ادتها اكتر من فرصة عشان تخلينى احبها بس محبتهاش أصله مش بالعافية

اميرة : ما لو الموضوع مجرد علاقة عابرة ’ كنت سكت و مادخلتش , لكن انت عارف وفاهم متصعش عليا يا شهاب

شهاب : بصي يا أميرة.. انا ماضربتهاش على ايدها , بمزاجها وافقت تعمل كدا , هي مش صغيرة اني اضحك عليها , بعدين انا وعدتها انى هقف معها لحد متنزل الطفل وكمان هخليها تعمل عملية ترجع زى ما كانت

اميره : ايه الوقاحه دي متقلقش هى هتنزله لانها مش محتاجة حاجة تفكرها بالليالى القذرة اللى عاشتها وياك , لكن انت لازم تتجوزها حتى لو شهر وطلقها حرام عليك ...عندك اخوات بنات اتقي الله

شهاب : اميرة فكك مني مش متجوز حد (يقف ) واللي عندكم اعملوا يخرج فلوس من جيبه يرميها على الترابيزه ويرتدى نظارة شمسية ويرحل

اميرة : بغضب ماشي يا شهاب ماشي

♥️ _____ليلةعادل _____♥️

سياره اميرة 6 م

تجلس أميرة بسيارتها ويبدو على ملامح وجهها الضيق ثم تمسك هاتفها ثم تتصل بشخص ما بعد ان تتحدث معه تغلق الهاتف بتنهد تنظر بجانبها

اميرة : يخربيت جمالك ولا ريحتك لا لا مروان لو عرف هعمل مني نجتس...تصمت قليلا هيحصل ايه يعني خناقة والسلام

فيلا اميرة ومروان 8 م

يدخل مروان الفيلا يقوم بالنداء على اميرة لكنها لا تجيب يسأل فاطمة

مروان : هى اميرة فين

فاطمه : فوق من بدري

مروان : تمام

يصعد مروان السلم ويدخل غرفة النوم لا يجدها ينظر بغرفة خلع الملابس و بالحمام لا يجدها يخرج خارج الغرفة ويقوم بالنداء عليها وهو يسير بالممر

مروان : حبيبى. ميرو. يا مرمر

يسمع صوتها خارج من غرفة اخرى

أميرة : اه يا حبيبي انا هنا

يقترب مروان من باب الغرفة ويفتح لكنها قامت بغلق الباب عليها من الداخل

مروان : قافلة الباب على نفسك ليه

اميرة : فيها ايه يعني حرام أقفل الباب على نفسي

مروان : مقصدش

اميره : بايخ اوي

مروان : طب افتحي

اميره : اصبر

مروان اصبر ليه افتحي

اميره : بشده قولت اصبر

بعد دقايق تفتح

اميرة : نعم... والله الواحد ميعرفش ينفرد بنفسه شوية

مروان : انفردي براحتك بس ايه اللي مقعدك هنا مش قاعدة بأوضتنا ليه

أميرة : فى ايه يا مروان

مروان : مافيش انتي اللي في ايه

اميرة : لا مافيش

مروان : ينظر لها قربي كدا

اميره : ليه

مروان : قربي كدا بس

تقترب اميرة منه يقوم بشم رائحتها

مروان : ايه الريحة دي

اميره : ريحة ؟, مش شامة حاجة انا هنزل

مروان يمسكها من كتفها تعالي هنا انتي اكلتي شاورما صح

اميرة : بتوتر وارتباك ..انا..أنا محصلش

مروان : والله لحظة كدا

يقترب مروان من السرير ويشيل المخده ويمسك الكيس

مروان : ايه ده

اميره : ايه ده منين ده

مروان : بنرفزه ..اميره ما تستعبطيش مافيش سمعان كلام ليه

اميره :انت بتزعق ليه محسسنى انك قفشتنى بعلبة سجاير ده رغيف شاورما نفسي راحت عليه عادي

مروان : لا مش عادي الدكتورة قالتلك ممنوع عشان الانيميا اللى عندك انتى عارفه انميتك كام 8 عارفة يعنى ايه

اميرة : مش هو ده الرغيف اللى هيموتنى يا مروان

مروان : واحد زى اتنين انتى ما بتسمعيش الكلام ليه من اول مرة..... هتموتي لو سمعتى الكلام

اميره : انت بتزعق كدا ليه انا حره بنفسي

مروان : لا مش حرة

اميره : بنرفزه وغضب ..لا حرة وانا عارفة ايه اللى هيفيدني وايه لا ، انت فاهم وبعدين ايه خوفك الزيادة ده ما طول عمري باكل أكل الشارع اشمعنا دلوقتي ولا عشان خاطر البيبى. اوعى كدا

تتركه وتخرج خارج الغرفة يذهب مروان خلفها وهو يتحدث

مروان : بضيق رايحة فين احنا لسه بنتكلم

اميره : مش هتكلم وبراحتى وهعمل اللي انا عايزاه انا حرة

تتركه وتدخل الحمام وتغلق الباب بقوة وتقف اميرة امام المرايه وتتحدث كان مروان يسمعها من الخارج ويضحك

اميرة : بضيق وغضب كل حاجه تحكمات تحكمات تاكلي ايه متكليش ايه... رايحه فين تلبسي ايه ما تلبسيش ايه

فاضل يقولى تدخلى الحمام امتى ويدينى مواعيد دخوله تخلع البلوزه التى ترتديها وترميها بضيق على الارض ماشى يا مروان ماشي. والله لأنيمك على الكنبه يومين. لا كنبة ايه. ده والله ماهتنام بالأوضه كلها عشان تبقى تتعصب عليا حلو. وتقعد تبصلي بصات عادل ادهم. وتنفرلي بعروقك يا دك

يفتح مروان الباب عليها

تنظر له اميرة برفعة حاجب يغلق الباب خلفه ويتحدث وهو يقترب منها

مروان : بمزح على فكره سمعتك

أميره : كويس وفرت عليا اعيد الكلام. عايز ايه

مروان : بعشق وحنان ..على فكرة الدكتور قالك بلاش تتعصبي كدا ولا تتوتري كدا. مظبوط يقترب اكثر بعدين انتى تهمينى اكتر من البيبى

اميره : واضح اوى طول عمرى باكل الاكل ده ومابتتعصبش

مروان : وانتى طول عمرك بتاكلى الاكل ده من غير متقفلى بيبان على نفسك وتمثلي وتكدبي علية

اميره : ما عشان حفظاك وحافظة اللى هتعمله

مروان :.. وهو يقلع ساعته ويخرج هاتفه من جيبه ويضعهم على الرف بعيون مشتاقة... يبقى انا معملتش حاجة مش متوقعاها انتي عارفه انى هتعصب وهزعل عشان خايف عليكي ياقلب مارووو

أميرة بدلع : برضو زعلانة

مروان : يقوم بخلع تيشيرته طب انا اسف

أميرة : انت شايف ان ده مكان ينفع للمناقشة والأسف

مروان : هو يعض بشفايفه بنظرات كلها عشق وشغف

ده أحسن مكان للتأسف يقترب منها أكثر وأكثر ثم يفتح حنفية الدوش ....وووو

♥️ _____ليلةعادل _____♥️

شقة شهاب 8 م

يجلس شهاب براسبشن يبدو عليه الضيق والغضب وكان ينتظر شخص ما.... بعد قليل يرن جرس الباب يقوم يفتح يجد شهد دون تحدث ينظر لها شاور بايده ان تدخل...

تدخل شهد وتغلق الباب يقفان في منتصف الراسبشن

شهاب : تاخدى كام يا شهد وتحلي عن سمايا 100/200

شهد : ايه اللى بتقوله ده ولا كنوز الدنيا تخلينى أبيع شرفي

شهاب : بضحكة عالية وبسخرية ... ايه سمعيني كدا كنوز الدنيا متخلكيش تبيعي شرفك , ده انتى بعيتيه بكلمتين

شهد : انت خدعتني

شهاب : انتي اللى شكلك مابتتفرجيش على أفلام كتير , دي كل الأفلام كدا , الولد يضحك على البت باسم الحب , بعد ما يقضي معها شوية بيسبها , قصة قديمة ومعروفة اتهرست لحد ماتحفظت , انا بقى نزلك بابشن جديد , هجبلك الدكتور اللى هينزلك اللي في بطنك , كمان يرجعك زى ما كنتي ,وهديكي فلوس ,غير كدا متحلميش , انا مش خسران حاجة يا ماما , انتى اللي خسرانة , فكري كويس ,وابعدى اميرة عن الموضوع ,عشان ولا أميرة ولا غيرها ممكن يخلونى اتجوزك ماشي يا قطة , اه صح انا غيرت كالون الشقة سلام

♥️ _____ليلةعادل _____♥️

مستشفى د / خالد 1م

مكتب خالد

يجلس خالد على الكرسي الامامى للمكتب يبدو عليه الضيق والانزعاج والتوتر يخبط صوابع ايديه ببعضهم ثم يرجع ظهره للخلف يبدو عليه انه يتذكر شيء يطرق الباب ثم تدخل الممرضة

خالد : بغضب انا مش قولت مش عايز حد يدخل عليا

الممرضة : يادكتور.. دكتور فايز

قبل ان تكمل كلامها

خالد : يقف وبغضب وضيق .. اطلعي بره مش عايز اشوف حد بره

تخرج الممرضه بسرعه وتقفل الباب خلفها يقبض على يدها ويحدف كل شى على المكتب ثم يقع على الكرسي ويجلس بانهياار أصبح غير قادر على الصمود فكل شيء أصبح يتلاشى من أمامه ...لقد فقد السيطرة على كل شيء....

لكن ماذا سيفعل خالد ولماذا هو بهذا الكم من الغضب ؟

سياره أميرة 2م

تجلس اميرة بسيارتها الجديده` وتقوم بالاتصال بنور

اميره : نور بقولك انا هقفل تليفوني لو مروان كلمك قوليلو اني معاكي لو قالك فين هاتى اكلمها قوليلو فى الحمام..او أى حاجة

نور : انتي رايحة فين

اميره : بعدين ماشي ظبطي الدنيا

نور : ماشى متتأخريش بس لما تروحي عرفيني وعرفيني الحوار سلام

تنظر اميرة بجانبها كان أدهم بجوارها

أدهم : من رأيي تصبرو شوية هاتي الورقه اللي معها انا هاعرف اتعامل معه انا سبق وتعاملت مع أشكال زبالة كدا كتير

أميرة : حاضر

ادهم : وبلاش حوار نزول الطفل ده , مش عشان نصلح غلطة نقع بغلطه أكبر

اميره : هى خلاص مصممة تنزل البيبي , بعدين المجتمع مش هيرحمها ,هيفضل الطفل ده بنظرهم ابن حرام , انت بس روح واعمل زى ما اتفقنا

ادهم : هتروحي معها

اميره : والله خايفة اروح ربنا يعاقبنى انا نفسى اخلف اوي مروان خوفنى عشان كدا مقولتلهوش

ادهم : متخفييش هبلغك بأي جديد

اميره : شكرا يا ادهم

ادهم : ده شغلي انا مش معتبرها موضوع شخصي لكن لحد ما اجيبه من قفاه هتعامل معه بشكل ودي

اميره : انا فهمه انه شغلك بس انا بشكرك على كل حاجة بتعملها معايا وقوفك جنبي وفى ظهري حقيقي بيسعدني ، حقيقى يا ادهم انت مكسب كبير ليا ....انا محظوظة جدا انك فى حياتي أخ وصديق من أول لحظة شفتك فيها وانت جدع معايا مع اني مكنتش جدعة معاك

أدهم : اميرة انا بفرح اوي لما بتكلمينى متتصوريش سعادتي بتكون ايه لما تتصلي بيا وتقوليلي أدهم معلش بقى معرفش ظابط غيرك محتاجك بخدمة ، او لما بشوفك صدفة قلبى بيطير من الفرحة وانتي بتحكيلى كل اللى بقلبك من غير خوف ولا تردد كإنى مرايتك ، حاجات حتى نور متعرفهاش كإنى نوت بوك بتفضفضي بيها كل شيء ،انا هطلب منك طلب شكرك ليا عايزه ,بانك تفضلي كدا معايا أرجوكى متحرمنيش من ده

اميرة : بصراحه مقدرش أحرمك انا بحب وجودك بحياتى انت صديق واخ غالي اوي عليا عمري مهنسالك كل حاجه عملتها عشاني

ادهم : انتي كمان انسانه غالية اوي اوي عندي

اميرة : طب ماشي بقى بلغني باللي هتوصله

ادهم : حاضر

اميره : خد بالك من نفسك

ادهم : متقلقيش عليا

♥️ _____ليلةعادل _____♥️

احد الكافيهات 5م

يجلس خالد على احدى الترابيزات يبدو عليه الضيق ويبدو عليه انه ينتظر شخص ما بعد قليل يدخل عليه مروان

مروان : مساء الخير

خالد : اقعد

يجلس مروان ينظر لخالد بصمت واستغراب

خالد : طبعا مش مصدق

مروان : باستغراب .. مش مصدق ايه

خالد : انى كلمتك وطلبت تقابلنى

مروان : يعنى مش بالظبط

خالد : هتتكلم معايا باحترام ولا هتبقى قليل الادب انت كمان

مروان : انا كمان !!

خالد : من غير كلام كتير انا عايز منك حاجة

مروان : مني انا

خالد : انت الوحيد اللى هتقدر ترجعلي بنتي لحضني زي الأول لأنها مابتحبش حد قدك ولا بتسمع كلام حد غيرك

مروان :ودى تمثيلية جديدة

خالد : لا , انا فكرت كويس وراجعت نفسي لقتني غلطت , بنبره ندم .. لما بصيت بوش اميره آخر فترة , لقيت على وشها حزن وكسرة وهم كبير عمرى مشفته , كانها عندها 100 سنه , برغم جوازها منك وقربك منها واللى بتعمله معها , لكن بعدها عني وفراقها عنى.... قربك معوضهوش,,,, طلعت فاهم غلط

مروان : احب اوضحلك نقطة بسيطه فايته منك , مش بعدك عنها اللى وصلها للحالة اللي هي فيها , لانها مش بعيدة عنكم, لكن اللى عملته من تهديدك ليها واستغلالك لضعفها خلاها كدا , اميره ماتصورتش للحظه انك ممكن تضغط عليها بالشكل المهين ده ...انت كسرتها باكتر حاجة تكسر الست وهى الامان كسرتها بأمانها ...فى الهاله اللي عيشاها

خالد : يمكن حسبتها غلط غضبى عمانى لكن انا مكنتش هعمل كدا فيها مجرد تهديد عشان تسيبك ومتبعدش عننا

مروان : حتى لو مجرد تهديد محدش عاقل يهدد بنته كدا , ولا يعمل عمايلك اللى مالهاش سبب ولو حتى ليها سبب مينفعش , يعنى حتى لو كنت راجل بتاع ستات معندوش اخلاق بيستغلها فانت بتعمل كدا خوف عليها من الرجل الشرير اللى متجوزاه , برضو مينفعش تعمل اللى عملته

خالد : كنت غيران منك ومازلت غيران منك , غيران من حبها ليك , وقربها منك وثقتها العمياء فيك للدرجه دي , غيران انك بتقرب من بنتى غيران لاني عارف لو اتقارنا بيك هتختارك انت ...حتى لو اختارتنا فى الصور زى ما عملت قبل كدا بتعيش معانا وقلبها وعقلها معاك جسد من غير روح... اه اخترتنا لكن هى فى الحقيقة اختارتك انت ، انا مش فاهم فيك ايه يخليها تحبك كدا

مروان : متحاول تقرب مني وتعرف بتحبنى ليه كدا , ما يمكن استاهل حبها وضعفها , قرب انت مني ومن حياتنا وشوف حجم حبى ليها وقارن هل استاهل ولا لا ، انت حكمت عليا من غير متعرفنى كفايه ,,, انا كمان بحبها اضعاف ما بتحبني

خالد : انت بتحب اميرة أضعاف ما بتحبك

مروان : امال ايه اللى خلى نور تغير رأيها فيا... بلاش نور ايه اللى مخلي ماما فريده بتحبني كدا , وتخلينى اقولها ماما ومطلبتش ده ولا من ادهم ولا من عماد , مع انها بتحبهم جدا , و متقوليش لانك يتيم طلبت ده منك , انا برضو بفهم , لكن هي بتحبنى لانها شايفة حبي لبنتها قد ايه , وقد ايه اميرة سعيدة معايا ,لكن انت محاولتش تعرفني وتشوف الصورة صح . كملت بطريقك ومحاولاتك بتخريب حياة اميرة لحد موصلتها للي هى فيه وضيعتها وضعيت نفسك معها

خالد : وادينى جاى وبطلب منك تساعدنى ارجع بنتى تانى

مروان : و ليه انا بالأخص برغم كرهك اللي لسه مازال بعينيك

خالد : لان أميرة بتحبك وبتثق فيك ...كلمها انا متأكد انك الوحيد اللى هتقدر ترجع اميرة ليا ولانى مضطر أحط ايدى بايدك

مروان : مش انا لوحدي هقدر , انت كمان لازم تتكلم معها وتعتذر منها , مافيش حد كبير على الاعتذار , لازم اميرة تحس ان من جواك ندمان و عايز تكفر عن ذنوبك

خالد : انت مش مصدق

مروان : مش مهم انا , المهم اميرة اللي تصدق

خالد : يعنى الموضوع هيتحل بكلمتين

مروان : الأهم من الكلمتين اثباتك بالأفعال انك اتغيرت

خالد : بس انا لسه بكرهك مش هعرف أحبك... اوقات كتير مش هقدر اسيطر على غضبى منك

مروان : عارف

خالد : والحل

مروان : حاول تمثل زي ما كنت بتمثل اول جوازنا خليك فى الوتر الأولانى كان لطيف.. وانا هساعدك انك تمثل دورك باتقان وتركيز وعلى أكمل وجه

خالد : وبعد ما أميرة تصلحنى وننسى اللى فات

مروان : خلاص كدا اعتقد المسرحية لازم تنتهى

خالد : بس مش معنى انى هاجي على نفسي وأتقبلك عشان خاطر بنتى يبقى ده معنى انى ممكن احبك ، حتى لو بقى بينكم اطفال ، يعنى لازم تعرف لحد اخر لحظه انا بكرهك

مروان : عارف ،و معتقدش انى انا كمان هحبك فى يوم , لكن هعرف اتعامل معاك بردو عشان خاطر عيون اميرة... عشان بس تبقى سعيدة وتعيش حياة طبيعية زوج وأولاد واخوات وجد وجدة ، الصوره الطبيعية الجميلة اللى حلمت بيها واتمنتها, بأتمنى تبقى راجع ندمان بجد مش جاى لهدف اخر

خالد : والدكتور مروان عزت اكبر محلل النفسي بالشرق الاوسط , ومن اهم عشر محللين بعالم رأيه ايه

مروان : مصدقك واضح انك فعلا راجع ندمان

خالد : هنعمل ايه ، انت عارف اميره عنيدة ازاي

مروان : اميره عنيده مع أى حد الا حضرتك وماما فريدة, قابلها وكلمها صدقني المقابلة دي هتفرق من غير اتفاقيات , قول اللى بقلبك ، انت مش محتاج مني اقولك تعمل ايه , انت محتاج ترجع ليها الأب الحنون الحماية و الأمان والسند , الأب اللي ياما افتخرت بيه قصادي زمان , متتصورش كانت فرحانة اوى ان ربنا كتبلها انها تبقى بنتك ، كانت بتفضل تتكلم عليك وهى سعيدة وفخوره انك ابوها , كون معها اب مش اكتر

❤️_______ليلة عادل_________❤️

فيلا مروان واميرة 11 م

تدخل اميره الفيلا وهى تسند شهد ثم تصعد بها الى السلام وتدخلها احدى الغرف تقوم اميرة بمساعدة شهد بالجلوس على السرير ثم تساعدها لتبديل ملابسها

اميره : هروح اعملك عشا

شهد : هنام مش قادرة

اميره : انتي نزفتي كتير لازم تعوضي

شهد : مش قادرة عشان خاطري.... هتقولى لمروان ايه

اميره : ان اعصابك تعبانة

شهد : طب وتعبى ده

اميره : جالك تعب البنات بعدين مارو ما بيركزش اوي كدا غير معايا طبعا , يلا نامي وارتاحي يا حبيبتى الف سلامة عليكي

تقبلها من رأسها وتساعدها لتنام على السرير ثم تخرج للخارج

غرفة نوم اميرة ومروان

تدخل اميرة الغرفة وهى مظلمة ببطء ثم تتجه الى الدولاب تقوم بفتحه ببطء شديد تحاول ان لا تخرج صوت ثم تاخذ ملابس بيجاما ثم تقفل باب الدولاب وفجأة تجد مروان امامها

اميره بفزع شديد .. تاخذ نفس يالهوى ايه ده فى كدا بالدنيا حرام عليك قطعت خلفي اكتر ما هو مقطوع يا شيخ

مروان : ههههههههههه سلامتك يا بيبي

تفتح اميرة النور

اميره : عيل سئيل اقسم بالله

مروان : بابتسامه يحاوط يديه حولين خصرها اتاخرتي ليه الساعه 11

اميرة : اسفه جدا بس كنت مع نور وشهد بنحاول نخرجها من الاكتئاب

مروان : اكتئاب ؟

اميرة : هو انا قولت اكتئاب

مروان : اممم

اميره : قصدي زعلها أصلها عاملة مشكلة كبيرة مع بباها ومامتها بسبب تاخير جوازها وكدا , اعصابها تعبانة معرفش كل اصحابى فجأه اصابتهم اللعنة ههه

مروان : وهى عامله ايه دلوقت

اميرة : بمزح تغنى ..ومين هون عليها الوقت ههههههههههههه

مروان : ههههههههههههههههه عسل اتكلمي جد

اميرة : كويسة , هى جوة على فكرة ,عازمتها يومين كدا تريح أعصابها , اوعى تكون اضايقت

مروان : تؤ هضايق ليه ده بيتك وانتي حرة تدخلي فيه اللي انتى عايزاه... يقبلها من خدها

اميرة: تحاوط يديها على رقبته بابتسامه ربنا يخليك لية اتعشيت ??

مروان : امممممم يعنى ممكن اكل تاني

اميره : يا خاين وانا ماما كلمتني تعزمني مارضتش اروح عشان خاطر عيونك العسليا دي

مروان : منا قولتلك هاكل تاني معاكي

اميره : ماشى هغير هدومي وهاخد شوربسرعة بسرعة وانت خللي طمطم تجيب العشا هنا ..ممكن.. تقبله من خده

مروان : يقبلها من خدها قبلة طويلة ممكن

اميرة : بدلع الله.... وحدة كمان وحدة كمان

يقبلها مروان من خدها مرة اخرى تنظر اميرة له وتبتسم ثم تتركه وتدخل الحمام وبعد مرور وقت ليس بكثير تخرج اميرة من الحمام وهى تلف فوطه حولين جسدها وشعرها المبلل وقطرات الماء التى تنزل على رقبتها تخرج وتقوم بتنشيف شعرها تجد مروان يتمدد على السرير تقف امام المرايه وتتحدث

اميرة : طمطم جابت العشا

يقترب مروان منها وهى يبتسم يعض على شفايفه ثم يضمها من الخلف

مروان : اممم وقاعد مستنيكي على نار يشم شعرها اممم ايه الريحه الحلوة دي

اميره :اكيد شامبو بتسأل اسئلة غير منطقية

مروان : والله يزغزغها من بطنها وهو معانقها والله حتى فى الأوقات دي لمضه

اميرة : وهى تتمايل ده اجمل وقت للماضه

يقبلها مروان من رقبتها قبله طويله ثم يسند راسه على كتفها ينظر لها بالمرايه

مروان : انتى عارفه انى بحبك ولا لا

اميره : لا

مروان : طب انا بحبك

اميره : بس

مروان : وبموت فيكي

تلتفت اميرة له وتنظر بحب وشوق ثم تقف على قدمه وتحاوط ذراعيها على رقبته ويحاوط مروان ذراعيه على خصرها وتتحدث

اميره : وانا بعشقك بعشق كل تفاصيلك ضحكتك صوتك كلامك ضمتك حضنك كل حاجه بعشقها

تقبله من خده يقربها مروان من صدره ويتلامس اجسادهم ببعضها ثم يمد مروان يده من خلف اميرة ويأخذ الفرشه من على التسريحه ويمشى بها وهى على قدمه ويسير بظهر وهما يبتسمان لبعضهما يصلا الى السرير يجلس مروان على السرير و تجلس اميرة امامه ومروان خلفها ويقوم بتصفيف شعرها ثم تتحدث اميرة وهو يصفف شعرها

اميره : خد بالك انت الايام الجاية هتدلعنى اوي اوي

دلع كتير فاهم

مروان : اثناء قيامه بتصفيف شعرها ..انتى تؤمرينى يا اميرة هانم

اميرة : اه يعنى جرعه الدلع تزودها يعنى انت تدلعنى بس انسى عادل ادهم خليك فى عمر الشريف حماقى تاموره

ظافر العابدين حتى انت شبهه كدا

مروان : يضع الفرشه على السرير ويقوم بعمل لها ضفيره ..عيوني يا عيوني امرك يا ست ميرو انتى عليكي تؤمرى وانا عليا انفذ , بعدين مين الناس دي

انتي خليكي في مروان... مارو الدك ...حبيبك... يقبلها من رقبتها و اثناء تقبيله لها يقول روحك وعمرك وحياتك ولا ايه

تنظر اميرة له بابتسامه

اميره : ولا ايه ههههههه بطل بقى يلا أكلني تعدل نفسها ترفع قدمها من الارض تجلس امامه يلا اكلني ايدي مش هتتمد على حاجه دلعنى يلا يا بتاع امرك يا ميرو هانم

مروان : حاضر ياخذ الصينية من الكومودينه ياخذ السندوتش يطعمها بايده

اميرة : حلو اوي ممكن بوق عصير أبلع

مروان : بابتسامة حاضر يا هانم

اميره : بص انا عارفه ان هدفع الثمن فلازم اخد راحتي بقى

مروان : هههههههههههه يلا اشربي يا شقية

اميرة : تشرب قليلا .. اه صح مارو بكره احنا معزومين على الغدا عند كيمو

مروان : كريم عزمنا انا وانتي على الغدا

اميره : اه وياسمين هتيجى

مروان : كويس عمر وحشني اوي يضع ايده على بطنها عقبال متجبلنا زياد يا أم زيااد بقى نلعب بيه براحتنا بدل شغل الشحاته ده

اميره : يارب يا روحي اكلني اكلني

مروان : افتحى بوقك يطعمها انتى مش هتلبسى هتنامى كدا

اميره : اكيد هلبس بعد ما آكل , اصلا مش عارفه حاسه فى هوه , ذاد عن اول ماطلعت من الحمام , تنظر لنفسها بتساع عينيها.... تنظر لمروان ..هى واقعه من بدري...

يشاور مروان برأسه اه

اميره : ينهار اسود اوعى تشد الغطاء تغطى نفسها على فكرة بقى انت بقيت رخم اوي وقليل الادب كمان

مروان : هههههههههههههههههههههههههه مجنونه

اميره : بتضحك ليه

مروان : اصل بصراحه عمرى ما شفت واحده بتتكسف من جوزها كدا , طب زمان موافقك , اول جوزنا تمام , لسه ماخدتيش عليا , لكن دلوقت مينفعش ده احنا بنجيب زياد دلوقت , وبعد اللى حصل من اسبوع مينفعش خالص كسوف صح ولا ايه

اميره : بخجل شديد .. مروان بطل بقى والله هزعل

مروان : لالالا اسف انا مقدرش على زعلك يا اميرة قلبى بحبك يا مجنونه يضمها اليه

اميره : هروح البس غمض عينيك

مروان : أهو يغمض عين وعين لا

اميره : مروان بطل

مروان : منا مغمض اهو كدة طيب

اميرة : بايخ هروح البس فى زاروره بتعتى

مروان : روحى

تنزل تحت الغطا تلف الفوطه على نفسها ينظر مروان لها

مروان بتعملى ايه

اميره : كنت بلف الفوطه

تقوم اميرة وتقف بجانب الدولاب وتفتح درفه وتقف خلفها وتلبس

مروان : ميرو احنا ازاى هنروح نتغدى عند كريم وشهد هنا

تخرج اميرة من خلف الدرفه بعد ان ارتدت ملابس داخليه وجاكيت البيجاما فقط

اميرة : ايوه صح وقعت من دماغي خلاص هكلمه

تجلس اميرة على قدم مروان وتقوم بالاتصال بكريم لكن اثناء تحدثها كان مروان يقوم بتقبيلها بايدها ثم خدها ثم رقبتها

اميره : بس ههههههههه بس ايه ياكيمو صحيتك لاههههههههههه بس مش انت يا كريم المهم بقى بكره مش هاعرف اجي تعالو انتم اصل شهد ههههه بايته عندى مش هينفع اسيبها بضحك على الفيلم هههه تبعد الهاتف بعيد تنظر لمروان الذى يقوم بتقبيلها وزغزغتها بس بطل بقى ماشي يا كيمو بتقول ايه بجد شغال على ايه ماشى هتفرج عليه باي تغلق الهاتف و تنظر له ايه بقى الجنان ده

مروان : جنان يقوم بعضها بدلع من رقبتها

اميره : بس بطل اوعى

مروان : تؤ

اميره : هات الريموت ريبنزل شغال اوعى تنزع ايده التي تحاوط خصرها بشدة لتجلب الريموت من كومودينه تفتح الشاشة ثم تتمدد على السرير يتمدد مروان بجانبها تنام يحاوط ذراعيه حول رقبة اميرة...تضع اميرة رأسهاعلى صدره تشاهد التلفزيون

مروان : حبيبى

اميره : اممم

مروان : ما تعزمي بكره دكتور خالد

اميره : باستغراب بابا

مروان : اه مش انتى عزمه كريم ومراته وياسمين وجوزها نعزم كمان دكتور خالد وماما فريده العائله كلها

اميره : هى طبعا حاجة حلوة بس كنت حبه نبقى احنا بس

مروان : لا أنا حابب نبقى عائلة كاملة نقضي يوم عائلي سعيد انا بصراحه حابب علاقتي بدكتور خالد تبقى احسن هحاول اثبت ليه انى استاهل انى ابقى زوج اميرة خالد

اميرة : ياريت انا نفسى والله نبقى عائله طبيعيه بس انت شايف بابا حتى الفتره اللى كنا قاعدين هناك كنت بلاحظ نظرات بابا ليك والله كنت مضايقه عشانك بس مش عارفه اعمل ايه

مروان : لا الغلط عندي انا المفروض كنت بدأت اخد خطوه انى اعزمه على الغدا نسافر اعمل المستحيل عشان أغيرله وجهة نظره اللى واخدها عني

اميره : وجهة نظر ايه بابا بيكرهك لله فى لله بس انا معاك ناخد احنا الخطوة هنخسر ايه يعني خلاص مابقاش في حاجه ممكن اخسرها

مروان : يقبلها من ايدها مافيش خساره فى مكسب قوليلي الحج بيبقى صاحي دلوقت

اميره : مش عارفه على حسب هكلمه وأجرب

مروان : انا اللى هكلمه استني ياخذ مروان الهاتف من مع على الكومودينه يقوم بالاتصال بخالد

خالد : خير

مروان : ازيك يا دكتور اسف بكلمك متأخر بس انا كنت حابب حضرتك تشرفني بكرة على الغدا حضرتك ومدام فريدة اتمنى ان حضرتك تقبل كريم وياسمين جايين

خالد : اممم مفهوم عجبتني هاجي

مروان : في انتظارك مع السلامة

اميره : قالك ايه

مروان : هييجى

اميرة : اممممم ماشي

مروان : مالك ليه مش حابه وجوده

اميره : لا طبعا بس بزعل لما بيضايقك

مروان : مش بتضايق

اميره : بجد

مروان : وحياتك عندى ما بتضايق من طريقته معايا , انا نفسي بس نبقى كلنا كويسين نعيش حياة طبيعيه وتبقي مبسوطة من هنا يضع ايده عند قلبها

اميره : انا سعيدة من هنا عشاان انت معايا وجنبى تقبله من كفه والله بحبك

مروان : هي الساعة بقت كام

اميره : 1

مروان : ده احنا اتاخرنا اوي

اميره : اتأخرنا اوي عن ايه

مروان : الكورس و الحصص اليومية اللي الدكتورة قالت عليها نسيتى ولا ايه

اميره : لا ده أنا كنت فاكرة النهارده اجازه

مروان : مافيش اجازات لحد ما ييجى زياد يقترب منها اكثر ووو

❤️_______ليلة عادل_________❤️

شقه أدهم وحنين 1

تجلس حنين فى الراسبشن تتحدث مع شخص عدما يخرج ادهم غرفة النوم تقوم بإنهاء المكالمة بسرعة يجلس ادهم بجوارها

ادهم : كنتي بتكلمي مين يا حبيبى

حنين : وعد

ادهم : تمام يلا شغلي الفيلم

حنين : حاضر ادهم ممكن بكره اروح لوعد

ادهم : ماشى هتتأخري

حنين : تؤ قبل الغدا هبقى هنا

ادهم :المهم انك متتاخرش عليا

حنين : مستحيل أتاخر عليك

❤️_______ليلة عادل_________❤️

فيلا مروان واميرة 10ص

غرفه شهد

تقف شهد فى البلكونه يبدو على ملامح وجهها الارهاق والحزن بعد قليل يطرق الباب تدخل اميرة ومعها صينية الفطار

اميره : شهوده تعالي

تلتفت شهد لها وتبتسم

شهد : صباح الخير انتي اللي جيبالى الفطار بنفسك

اميره : ومجبهوش ليه انتي اختي تفطري عندك ولا هنا

شهد : تعالي هنا الجو حلو المنظر من عندك جميل والهوا نقي

تدخل اميرة وتضع الصينية على الترابيزه

اميرة : ان شاء الله ربنا يكرمك وتجيبي فيلا بمكان احسن من ده اقعدى افطرى انتى نزفتي كتير

تجلس شهد وتاخذ قطعه تست بجبنه وتبدأ بتناولها

اميرة : احسن النهارده

شهد : الحمد الله انا شويه وهمشى

اميره : ايه العبط ده انتي هتقعدى لحد متبقى فله شمعه منورة وترجعي انثى الهاسكى تانى ههههههههه

شهد : مش عايزه اضايقك

اميرة : مضيقانى بايه الفيلا كبيرة اوي ده انا عايزاكى كل يوم تنامي بأوضه بدل العفاريت اللى بيناموا فيهم ههههههههههه اضحكي بقى اعملك ايه عشان اضحكك

شهد : بدموع وكسره ..احساس صعب انك بايديكي تقتلى حتة منك ضناكى , انك مش قادرة تصرخى وتقولى لا , بايديكى وانت بكامل عقلك بتختاري تقتليه , ان كل حاجه حلمتى بيها فجأة تتهد ,انا مشكلتي اني غلطت لما حلمت حلم كبير... اكبر مني وبصيت فوق اوي وانت تحت فى القاع انا كان نفسى اخرج من العالم اللى انا جايه منه من القلعه لكن واضح ان هفضل طول عمري كدا

اميرة : شهد مش عيب انك تحلمى تتجوزى حد أفضل منك اجتماعيا وثقافيا لكن الغلط انك بين كل الناس اخترتى شهاب .. شهاب من البداية كان واضح انه بتاع ستات ما ينفعش ولا ليكي ولا لغيرك

شهد : كنت فاكرة اني ممكن اغيره حبيته وصدقته ووثقت فيه لما قالي ساعدينى اتغير انا عايزك بس مش عارف

اميرة : ده درس وتعلمنا منه

شهد : درس كان قاسى اوي

يطرق الباب

اميرة : اتفضل

يدخل مروان

مروان : صباح الخير

يقترب منهم يقف بجانبهم

اميرة : صحيت امتى

مروان : من شويه عاملة ايه يا شهد

شهد : الحمد الله وحضرتك

مروان : الحمد الله ممكن اخد منك مراتي خمس دقايق ورجعهالك تاني

شهد : طبعا

تقف اميرة يمسك مروان ايدها وتخرج معه ويدخلان غرفتهما

غرفه نوم مروان واميره

اميرة : فى ايه

مروان : متنسيش نفسك مع شهد عشان تشوفى هتعملى ايه بالعزومه

اميره : انا قولت لفاطمه تعمل ايه وكلمت عزه وماجده ييجوا النهارده زمانهم على وصول

مروان : تمام انا عندى محاضرة كمان ساعه هلبس وأنزل ماشي

اميرة : متتاخرش عن اربعة عشان ييجوا تكون هنا

مروان : حاضر

- سيارة حنين 10 ص

تجلس حنين بسيارتها تتحدث فى هاتفها

حنين : تمام زى متفقنا انا ساعة وهوصل مش عايزة اتأخر عشان ادهم, اوكا سلام

ياترى حنين بتكلم مين ومخبيه ايه ؟

❤️❤️❤️❤️❤️❤️❤️❤️❤️❤️❤️

استوووووووب

_*~الجزء الثاني

~من

روايه الاعمى2

بقلمى ليلةعادل*~_✍️🌹❤️

الحلقه الثلاثه وأربعين

مركز د / مروان ١٢م

يجلس مروان ومنير على كنبه مكتبه يتحدثان

منير : خلاص هبعتهالك بكره

مروان : لا انا بعد ما يمشوا هاجى اخدها

منير : كويس انك اخدت الخطوه دى خليك ماشى على نفس الطريقه دي معه ، بس اوعى تأمن ليه

مروان : هو حد بيأمن للعقارب بس انا حاسس انه راجع ندمان على اللى عمله

منير : عمل ايه تانى

مروان : اقصد اللى كان بيعمله زمان واللى اتسبب بطلاقنا كمان بعد ما رجعنا المعاملة مكنتش أوى

منير : ربنا يهديه ايه اخبار شرين

مروان : متقبالناش من وقت ما رجعت بتحاول تتجنبنى وده الأحسن اتكلمته

منير : تؤ قولي الدكتورة قالتلك ايه

مروان : مافيش مشاكل هى عشان ضعيفه مع التوتر الشديد اللى عايشه فيه هو السبب

منير : فعلا اميرة دي جبل اتحملت كتير عاشت ضغط نفسى صعب حد يتحمله

مروان : واكتر يا منير ، اميره طلعت شايله كتيير اوى ادعيلنا لانى الطفل ده لما هييجى فيه حاجات كتير هتتغير انا متاكد حاسس انه هو طوق النجاة حمامة السلام زى ما بيقوله

منير : بدعيلك يا حبيبى والله انا مشتاق اشوف اولادك اكتر ما نفسى اشيل ولاد سامى

مروان : يطبطب على رجله ربنا يخليك ليا يا حبيبى

♥️_____ليلة عادل_____ ♥️

نادى المعادى 4م

يجلس حمزة ونور وأدهم يتحدثون

نور : بمزح .. ها هتقول ولا اسيب عليك حمزه

ادهم : بابتسامه .. مالك يا لمبة فيكى ايه

حمزه : بشده ..فى استهبال واستعباط انت هتعقل امتى يا مجننى ، ولاه انا هقطع علاقتى بيك لو ما بطلتش اللى بتعمله

ادهم : هى اصلا فين

نور : عازمة الاسرة الكريمة على الغدا

ادهم : ما رحتوش معها ليه

حمزه : انا رفضت حبيت يكونو سوا اسرة واحدة

ادهم : ربنا يخليهم لبعض

نور: اخبار حنين ايه ، بقولك متكلمها تيجى ونتغدى سوى

ادهم : ماشى

يخرج هاتفه يقوم بالاتصال بها

ادهم : الو يا حبيبى ، خلصتى مع صحبتك ، طب انا بالنادى ، اه مع حمزه ونور ،تعالى نتغدى مع بعض ندخل سينما ماشى متتأخريش سلام

نور : ايوه كدا ظبط علاقتك بيها فكك بقى من الامراض اللى عايشها

ادهم : والله بحبها وبحبها جدا كمان ، ومقدرش استغنى عنها ، حنين أصحبت شىء مهم بقت حلمي الجديد

حمزه : بجد يعنى نسيت اميرة وخرجتها من قلبك

ادهم : يغيى الكلام .. مش انا مرتبي زاد ، ايه رأيكم اعزمكم على سوشي

نور : اه منك انت مافيش فايده

حمزة : ربنا يهديك يا ادهم

ادهم : ينظر لهم بنصف ابتسامه حزن وبصوت داخلى

اقولكم ايه اني صعب انساها صعب اخرجها من قلبى ، اميرة حبها تملك قلبي مش قادر ولا عارف اخرجها منه ، حبها زي اخطبوط مكلبش فى قلبى سرطان بيجرى بدمى انا عندى لوكميا اميرة

♥️_____ليلة عادل_____ ♥️

فيلا مروان واميره 4م

نرى اميره فى هول الفيلا يبدو عليها القلق ومعها هاتفها بايدها تسير يمين ويسار بشكل سريع بعد قليل يفتح مروان باب الفيلا ويدخل تجرى عليه اميره

اميره : هو ده اللي مش هتتأخر

مروان : الطريق كان زحمه حد جه

مروان : انت لسه هتتكلم يلا

تشد اميره من ايده ويطلعو على السلم بسرعه يدخلون الغرفه تقترب اميره منه تقوم بفك زراير القميص

اميره : يلا بسرعه اقلع قرب كدا ساعدني

مروان : اصبري باراحه

اميره : غمض عينيك بسرعه غمض

مروان : اه يا مجنون اهو

اميره : فتح

يفتح مروان عينيه يجد اميرة تمسك بايدها تيشرت وبنطلون مثل التى ترتديهم بالظبط

مروان : اممم ده هوة هوة

اميره : ايوه عشان نبقى زى بعض يلا بقى البس بسرعه انزل شويه البسك التيشرت

مروان : اصبرى طيب هاخد شاور سريع

مروان : مش لازم انت اخدت الصبح نضيف نضيف ريحتك حلوة

مروان : بطلى سربعه ، انا ما بطولش

اميره : يخربيت رتمك البطئ

تعال

تشد من ايده تدخل بيه الحمام تنزع قميصه يلا اقلع بسرعه

مروان مجنونه والله

اميره : تفتح الحنفيه يلا بسرعه خد الشامبو

مروان : اميرة

اميره : عايز ايه

يشدها عليه يقربها منه

مروان : بس اهدي انا هاخد شاور وانتى هتستنينى بره هششش بس توتر

اميره : لا هقعد هنا وهامسكلك الوقت يلا

تجلس على قاعده الحمام وتضع ايدها على خدها.. فات دقيقه وافضل تنح كتير عشان اطلعك بصبونك من تحت الدش

مروان ههههه اقسم بالله مجنونه محتاجه تتعالجى

اميره : متجبش سيره ربنا فى الحمام تضع ايدها على بوقها ابوس ايدك خلتنى اغلط يلا بقى اخلص

مروان : حاضر

بعد انتهاء مروان من حمامه وارتداء الملابس التى قامت اميره بشراءها يخرجان من الحمام وهما يمسكان يد بعض

اميره : اقعدلى بقى هنا

يجلس على كرسي التسريحة تضع اميرة قليل من كريم على شعره وتقوم بتسريحه له ثم تضع له البرفان

اميره : فاضل ايه الشراب والشوز استنى تذهب وتجلبه هات رجلك

مروان : هلبسهم انا

اميره : هشششش انت انت ريتمك بطئ هات رجلك

مروان : اتفضلي

تقوم اميرة بتلبيس مروان الحذاء بعد الانتهاء تقف

اميره : اقف كدا

مروان : اهو

اميره لف كدا

مروان : الف

اميره : لف يا مروان

مروان : اهو لفيت حاجه تانى

اميره : لا قمور وحلو جدا تقرصه من خدوده الاتنين بدلع ياختى قمرر

يقبلها مروان من خدها

مروان : هى شهد فين مشيت

اميره : وانت بتسال عليها ليه ان شاء الله

مروان : مش ضيفه وموجوده بالبيت

اميره : برفعت حاجب .. والله انت مالك برضو هى فين هى ضفتى انا ببيتى انا

مروان : انتى بتغيرى من شهد

اميره : ايه يعنى شهد محلل يعنى اختك فى الرضاعة, اتلم ها مالكش دعوه , متسألش عن حد انا بس اللى اهمك انا بس اللى تسال عليا قال فين شهد

مروان : اهدى يا صغنن اهدى يلا ننزل تحت

اميره : يلا قرب شويه يقترب تقبله من خده وتبتسم له

هههههههههههههههههههه يشاور مروان بايده دون

تحدث مجنونه

اميره : عجباك ولا مش عجباك

يفتح مروان الباب

مروان : والمصحف عجبنى يا صغنن

ينزل مرون واميره تحت الى الهول لكى ينتظرون اسرتها وبعد وقت قليلا يصلون يقوم باستقبالهم بكل حب وسعاده

الراسبشن

يجلس الجميع براسبشن ومعهم شهد وعلى ملامحهم السعاده وتتعالى ضحكتهم كان يجلس سيف ابن كريم على رجل اميره ومروان يحمل عمر

ياسمين : والنبى يا مروان تقعد مع عماد شويه وتعلمه بقالى شهرين اهو لحد دلوقتى مابيعرفش يشيل عمر عدل

مروان : ايه يا دكتور مخلى شكلنا وحش قصدهم ليه

عماد : بخاف وهى بتوترنى بس ياعماد خد بالك يا عماد بتوترنى

ياسمين : لانك بتشيله غلط ما مروان اهو شايله عدل

اميره : احسديلى جوزى بقى

خالد : انتى يا شهد بقى صاحبة اميره من زمان

اميره : سنتين ونص تقريبا انا اتعينت بالمركز بعد عمليه الدكتور

خالد : اممم عشان كدا ما شفتكيش بس اميره بتحبك اوى

شهد : وانا كمان بحبها جدا انا للاسف ماليش اخوات بنات لكن ربنا عوضنى بيها

فريده : بس انتى اكبر من اميره

شهد : اه انا 35 سنه

اميره : شهد دى بقى يا ماما من اعز اصدقائي بحبها اوى اوى بصراحه مكنتش عارفه ان ممكن حد يشارك قلبى فى حبي لنور وحمزة

كريم : افرحي يا شهد ميرو بتقارنك بنور وحمزه اللى بتحبهم اكتر مننا احنا شخصيا

اميره : اخص عليك يا كيمو ده انت روح قلبى تقوم وتقبله من خده

تدخل فاطمه عليهم

فاطمه : اتفضلوا الغدا جاهز

يذهب الجميع على غرفه السفرا ويتناولون الغداء وسط سعاده وحب ودفا فهو جو عائلى سعيد بعد الانتهاء يجلسون فى الحديقه

خالد: ميرو ما تاجى نتمشى شويه وفرجينى على

اميره : بارتباك ممممماشى اتفضل

يقومان سويا ويذهبان بعيد

كريم : ايه يا مروان عرفت من ميرو انك حريف فيفا

مروان : تحب تشوف

كريم : ماشى بس هلعب برسا

مروان : بالى انت عايزه يقفان معانا يا عمده

عماد : وانا هقعد مع الستات ليه معاكم

شهد : طب عن اذنكم انا

ياسمين : خليكى معانا

شهد : عشان تبقى على راحتكو

امنيه : ياستي اقعد نلعب سوا كوتشينا لحد ما ميرو تيجى

فريده : اقعدى يا شهد مرمر قالتلى انك حساسة بس متوقعتش انك حساسه كدا

شهد : لا والله بس

ياسمين : ما بسش بقى اقعد يلا يا امنية طلعي الكوتشينا نلعب الشايب

♥️_____ليلة عادل_____ ♥️

غرفه التي في T. V

نرى مروان وكريم وعماد يلعبون مع بعضهم بلاى استيشن وببدو على ملامحهم الحماس والسعاده

مروان. ايوة ايوة. جووووول

عماد. الدكتور. شكله هيكتسحنا مدخل ثلاثه لحد دلوقت

كريم. اصبر عليا بس اركز

مروان. هتتلكك

واثناء تحدثه ينظر الى الازاز المطل على الحديقه

يرى اميره تسير مع خالد

مروان عماد تعال كمل مكانى. هروح الحمام

كريم ولا خايف اكسبك

مروان بصراحه اه. مش هتأخر

يخرج مروان من باب الغرفة لكنه يتجه الى الحديقة

ويسير خلف خالد واميرة

دون ان يشعرو به ثم يتوقف خلف أحد الاشجار القريبة منهم ليسترق السمع

فهو يريد ان يطمئن على اميرة خائف من خالد أن يؤذيها بكلماته في هذه المواجهة

يريد ان يشارك اميرة في كل شيء فهو على يقين ان اميرة لن تحكي له شيء

الحديقة

نرى خالد واميرة يمشيان بممر طويل بالحديقة

خالد : عامله ايه يا اميرة

تقف اميره امامه تنظر له بقوة

اميره :عايز ايه

خالد : هى دي طريقه تكلمى بيها ابوكى انا ربيتك على كدا

اميره : حضرتك السبب

خالد : انا خايف عليكى , انا بحبك , محدش هيحبك قدى , يمكن من كتر حبى وخوفى عليكى خلانى اسأت التصرف , لكن انا لايمكن اقبل انك تبقى مكسوره كدا

اميره : انت اللى كسرتنى محدش كسرنى ولا وجعني قدك خلتنى اخاف من كل شىء وماثقش فى اى حد خلتني اعيش مكسورة و عينية في الارض

خالد : بنت خالد الشريف لايمكن تعيش مواطيه راسها طول ما انا عايش...لاعاش ولا كان اللى يكسرك ويوطي راسك انتي عارفة انتي مين وبنت مين

اميرة : بدموع ..اهو عاش وكان ، عارف هو مين , انت , انت يا بابا

بدموع وكسره ويأس وندم وحزن وعذاب فكانت اميرة تخرج كل الاوجاع من داخلها فى كل كلمه تنطق بها تصرخ ألف آه... قلبها يعتصر من الوجع والحزن فكانت تبكي بشكل هستيرى وهى تتحدث فهذا اللقاء الذى كانت تنظرته منذ عام

اميره : انا عمري ماتصورت انك تعمل فيا كدا , انا كان بيعدى عليا أيام وليالى ما بدقش فيها طعم النوم والاكل , من كتر التفكير ازاي تعمل فيا كدا, طب انا عملت ايه , عملت ايه لكل ده , خلتنى اغير من كل واحده تتكلم عن ابوها كويس , وان ابوها بيتعامل معها هى و جوزها كويس , حتى غيرت من نور صديقة عمرى , لما بشوف انكل سليم بيتعامل ازاى مع حمزه , خلتنى اكره نفسى اكره حياتى , اتمنى الموت كل لحظه عشان اخلص من الكابوس اللى عايشاه , عشان اخلص من الصداع , كأنه فى سوس جوه دماغى بياكل فيها , بينهش فيها , عايزه اموت عشان اخلص من الوجع اللى قلبى بيحسه ، مافيش أي مسكنات نافعه ليه ،حتى مروان , كل ثانيه كانت بتمر عليا كانها سنين , ليه عملت فيا كدا , انا معملتش حاجه غلط انا حبيت ، حبيت معتقدش انه ذنب كبير كدا ، ولو حتى ذنب , حتى لو غلطت ليه تعاقبنى كدا عاقبتنى كتير , عقبتنى يوم ماكسرت فرحتى وانا في فستان فرحي , ووجعتنى هنا (تشاور على قلبها ) قتلتنى هنا , هنا يا بابا , وما زعلتش منك , قولت حقه يزعل , حقه يخصمنى انا ضحكت عليه , وفضلت أعاقب نفسى وأعاقب مروان على حبنا لبعض اللى بسببه فرقنى عنك , بس ضعفت واستسلمت لما لقيتك مش عايز تقرب واستكفيت بالغياب والبعاد استسلمت بس والله قلبى وروحى كانو معاك , لما رجعت تانى اول مطلبت مني اسيب مروان طلبت الطلاق عشانك , لانك اهم منه... أهم عندي من نفسي من روحي وسعادتى يا بابا , برضو رفضت , ورجعت تانى عملت نفسك مسامحنى عشيتنى وهم وبرضو مستكفتش , روحت اتفقت عليا وحطيت ايدك بايد اعدائى وتفكرو ازاى تفننه بأذيا ،جبت سكينه تلمه وفضلت تقطع فيا من غير شفقه ولا رحمه كانى مش بنتك , لما انت تعمل فيا كدا ، غيرك يعمل ايه , قولى عملت ايه غلط يخليك تعمل كل ده فيا , ليه مخلينى عايش متعذبه عايشه ميته ، اه بتنفس بس ميته ليه يا بابا جرحى وعذابى يبقى على ايدك ليه يابابا لية ... تنهار من البكاء و تقع على الارض

فى هذا الوقت كان يستمع مروان لكلام اميرة عيونه تغرقها الدموع فقلبه كان يعتصر من الوجع

كان يتوجع على وجعها وآهاتها كأنهم جسد واحد صرخه واحده كان يود ان يجرى عليها ويضمها ويخبيها جوه قلبه ويطبطب عليها. يهون عليها يمسح دموعها التى تغرق وجهها

لكنه لا يعرف لا يريد ان يتدخل الان يريد ان تخرج اميره كل شى ان تتخلص من اوجاعها وألمها يريد ان ان تواجه هذا الأب القاسي بكل شىء مرت به حتى تنزع الالم من جذوره

ينزل خالد بجانبها ويضمها الى صدره وعيونه تغرقها الدموع

خالد : انا اسف يا بنتى اسف انا كنت مجنون.. غيران من حبك لمروان لانه جه واخدك منى فجأة حتى لما بيبعد بتعيشي معانا جسد من غير روح غيرت من حبك ليه

اميره : انا بحب مروان بس والله انت اهم وبحبك اكتر

خالد : سامحيني يا اميرة سامحيني وادينى فرصة أعوضك فيها عن كل اللى حصل

اميره : بابا انت بتعيط تمسح دموعه بايدها لا يا بابا متعيطش مقدرش اتحمل اشوف دموعك تنزل

خالد : انا غلطت فى حقك اوي يا بنتى مكنتش فاهم ولا واخد بالى اني عملت فيكى كل ده

اميره : بابا انا مسمحاك انا نفسى نرجع زى زمان عائله وحده نفس الحب والطمأنينة والسعادة من غير بعاد ووجع

خالد : هنرجع

اميره : تمسح دموعها يعنى مش هتعمل الحاجات اللى كنت بتعملها

خالد : مستحيل ازعل بنتى تانى

اميره : طب وعلاقتك بمروان

خالد : ان شاء الله هتتحسن انا هحاول اقرب منه

اميره : والله والله هتحبه مروان ده جميل من جواه اوي وطيب خالص

خالد : انا وعدتك

تنظر له اميره بسعاده وتضمه تنام على صدره يحاوط خالد ذراعيه عليها ويضمها اليه ويبتسم بانتصار فقد أرجع اميره له مره اخرى, فقد سيطر عليها بندمه وكلامه المعسول , فكانت مواجهة بسيطة قليلة الحديث لكن كانت بها كل المعانى , وكل شى بداخلهما , فأميرة عبرت وافصحت عن كل ألمها منه له ....

لكن هل سيكتفي خالد ام سيكمل ؟ هل هو فعلا نادم ام لعبه ! بعد فقدانه لتوازنه وسيطرته على الوضع , بعد ما اصبح كارت محروق لشرين وأصبح مكشوف لمروان وأدهم سنعرف قريبا

بعد انتهاء الزيارة وذهاب كل واحد الى بيته تصعد اميره مع مروان الى غرفة نومهم وهى بغايه السعاده فهى لم تكن سعيده هكذا منذه فتره طويلة فقد رجعت ضحكتها التى من القلب وليست مجرد ضحكه كاذبه لقد اختفى الماسك الذى كانت ترتديه منذ فترة

♥️_____ليلة عادل_____ ♥️

غرفه نوم مروان واميره

تدخل اميره الغرفه وهى سعيدة وتضحك ينظر لها مروان بابتسامه

اميره : انا فرحانه أوي اوى اوي انا مش قادره اقولك أنا فرحانه قد ايه تمسك يده انا مكنتش سعيدة كدا من فترة ، اقولك فرحتي برجعونا مش زي ده ده اكتر مش هشيل هم تانى ولا هخاف

مروان : ايه ده كدا اغير فى فرحه اكبر من فرحت رجوعنا

اميره : تصور اه

مروان : طب ممكن اعرفها

اميره : تتنهد بسعاده اصلي انا وبابا اتصلحنا

مروان : كنتم متخاصمين ولا ايه

اميره : لا تعال نقعد افهمك مش قادره اقف من الفرحه

يجلسان على السرير تمسك اميره يد مروان وتنظر له بسعاده

اميره : بص يا سيدى مش انا كنت بتمشى مع بابا فضلنا نتكلم كتير ونتعاتب فى الحاجات اللى كانت بتحصل زمان ومعاملته القاسيه معاك وكدا يعنى المهم هو صلحنى ووعدني انه هيتعامل معاك كويس ويديك فرصة ، المرة دي انا شغلت الحس الاكلينكى اللى عندى وفعلا حسيت كلامه من قلبه مش تثبيت زى كل مره ... بحماس وفرح شديد.... فرحانه اوى تضمه بشده ثم تنظر له مارو والنبي عشان خاطري وحياتى تتعامل مع بابا حلو اوي المره الجايهه اثبتله انك تستحق الفرصه اتشقلب لحد متقنعه بيك والنبي انا ماصدقت

مروان : اميرة انا قولتلك انا عايز الفرصه دي وانا طلبت منك نعزمه عشان دي هتكون خطوة ايجابيه لعلاقتنا

اميره : ايوه صح بس مش شايف انها غريبة

مروان : ايه اللى غريب

اميره : فى الوقت اللى انت فكرت تاخد خطوة واضحة وصريحه مع بابا عشان تحسن علاقتكم وتثبتله انك تستاهل تكون جوز بنته هو كمان عنده استعداد يتقبلك عنده أهو فتحلك الباب مش بس وربه

مروان : ده من حسن حظى سهل عليا كتير

اميره : فعلا صدفه حلوة اوى فرحانه اوى اوي

تقف تفضل تنط من الفرح واثناء نطها تتحدث انا فرحانة فرحانه اوى تشد مروان من ايده ويقف امامها وهو سعيد بها يقوم بضمها بشده والف بها

فيلا مروان واميرة ١٢ص

حديقه الفيلا

تجلس شهد على الأرض الخضراء وترفع قدميها الى بطنها وتنظر الى النيل بعد قليل يخرج مروان من باب الازاز للفيلا المطل على الجنينه ويتمشى بها وهو يمسك بايده مج نسكافيه يشاهد شهد جالسه يقترب منها ويجلس بجوارها

مروان : عاملة ايه

شهد : تنظر له تنزل رجلها ...الحمد لله امال اميرة فين

مروان : بتلعب ببجى مع اصحابها ومنير

شهد : هههههههه وحضرتك ما بتلعبش معاهم ليه

مروان : ماليش بالحاجات دي آخري فيفا

شهد : تعرف انت ومنير على قد ما علاقتكم ما هي قوية لكن مختلفين انت عاقل وراسي هو بحسه مراهق

مروان : لعلمك ,معظم القرارت اللى اخدتها فى حياتى منير مشركنى فيها , انتي بس عشان اتعاملتى معه من جانب واحد شايفه بالصوره دي انا بشوفه انه احسن منى بكتير

شهد : ربنا يخليكم لبعض , شكرا ان حضرتك قبلت تستضفنى بيبتك

مروان : متقوليش كدا يا شهد انتى اخت اميرة

شهد : صدقنى لو ليا اخت مش هتعمل معايا نص اللى اميره بتعمله ربنا يسعدها ويحميها خد بالك منها صدقنى لو لفيت العالم مش هتلاقى ضفرها

مروان : بتوصينى على قلبي ياشهد

شهد : ربنا يسعدكم

تقترب منهم اميرة وهى تبتسم

اميرة : بتعملوا ايه يا حلوين

(مروان وشهد يلتفتو لها)

شهد : ايه اتغلبتوا

اميره : مين ده كسبنا جيمين بس تعبت وميمي عيطت نور راحت تشفها

مروان : ما تقعدى واقفه ليه

اميرة : اوك

تجلس فى منتصفهم تنظر لشهد عامله ايه احسن

دلوقت ؟ اخدتي الدواء ؟

شهد : اه متقلقيش عليا اسبكم انا

مروان : متخليكى احنا جينا ضيقناكي

شهد : هو انا اطول اقعد مع حضرتك عن اذنكم

بعد ان ترحل شهد وتدخل الفيلا تنظر اميرة لمروان

اميره : بسخريه وغيره... خليكي اقعدي شويه

مروان : فى ايه

اميرة : اهدى ماشي هي صحبتي آه بس اهدى بدل ماتحول عليك خاف يا عيد

مروان : خلاص يا ستي ماشيها

اميرة : لا انت خف مشفكش قاعد معها تانى لوحدكم

مروان : حاضر يا مجنونة مروان

يحاوط يديه حولين رقبتها ويقربها منه تسند اميرة راسها على صدر مروان

اليوم التالى

غرفه مروان واميرة

نرى اميرة تنام على السرير والغرفة مظلمة لكن يضيئها القليل من نور الصباح

بعد قليل تدخل جنى وتطلع على السرير تقبل اميرة من خدها تلف اميرة وجهها لكن تقوم جنى بتقبيلها مرة اخرى من خدها ثم تجلس فوقها. تفتح اميرة عينيها ببطء ثم تبتسم

اميرة : جوجو. جيتي امتى

جنى : دلوقتي

اميرة : وحشتينى هاتى بوسة

جنى : تقترب منها تقبلها يلا قومي بقى عشان نلعب سوى

اميره. حاضر. وسعي طيب مروان اللى جابك

جنى : اه هو تحت

أثناء قيام اميرة بغسل وجهها تتحدث جنى

جنى :انا سمعت بابا وماما بيقولو انك هتجيبى نونو. قريب هتجيبيه امتى عشان العب معه

تخرج اميرة من الحمام وهى تبتسم وتجلس بجانبها.

اميره : بصي انا لسه هجيب نونو. بعدين هيقعد فى بطنى. ٩ شهور بعدين اخلفه وتلعبي معاه براحتك

جنى : هستنى كتير

اميره : ادعيلى أجيبه بسرعة

جنى : يارب تجيبيه بسرعة عشان ألعب معه

اميرة : يلا ننزل تحت انتى فطرتى

جنى : لا هفطر معاكي

اميرة : يلا بينا

اثناء سيرهم. يلتقون بشهد

شهد : صباح الخير

اميره : صباح النور. لابسه كدا ورايحه فين

شهد : هامشى خلاص بقيت كويسة

اميرة : يابنتي اتهدى واقعدي

شهد : سبيني على راحتى. مين دي

جنى : انا جنى منير. وانتي

شهد : انا شهد مصطفى

جنى : انتي حلوة اوي بس اميرة احلى منك

شهد : ههههههه ماشاء الله نسخه من بابا يا حبيبتى

أميرة : و منى مش واخده بالك نفس لافيل اللماضه.

اثناء نزولهم. يتحدثان

شهد : اكيد مجننة مروان

اميره لا ياختى بتموت فيه. وبيتفقو عليا

جنى : و مخطوبين كمان هنتجوز لما أكبر

اميرة : اه هيتجوزو لما تكبر

شهد : طب ابقى اعزمينا على الفرح

جنى : يارب افتكر

يضحكون بصوت. عالي وعندما ترى جنى مروان تجرى عليه وتضمه يحملها وتقبله من خده

اميرة : وانا فين بوستي

مروان : انا اقدر أنساكي. يقبلها من خدها ...

صباح الخير يا حبيبى. ينظر لشهد صباح الخير يا شهد

شهد : صباح النور

مروان : يلا بقى نفطر

يجلسون على الفطار ليتناولو الفطار. لكن اثناء تناولهم يقوم مروان برش ليمون على. بيض المسلوق بطبق اميره دون ان تطلب منه

شهد. بستغراب هو انت بتعمل ايه

مروان : ماتعرفيش ان اميرة بتاكل البيض عليه ليمون

شهد.: ده بجد

مروان : اه وما بتعرفش تعصره لنفسها. لازم انا اقعد اعصرلها كدا

شهد :هو حلو الاهتمام جميل بس ليمون على بيض. ازاى بتعملها

اميره : انا مبحبش اكل البيض مسلوق بس عشان الدكتورة قالتلي لازم اكل بيض فبعصر عليه ليمون. عشان اغطي طعمه. كمان مش بعرف اعصر ليمون جامد على ايدى

شهد : ماتقولى. بأدلع عليه

اميره : لا والله بس فعلا ما بعرفش كنت الاول بجيب العصارة بعدين هو استلم المهمة. وبقى هو العصاره بتعتي كمان بينضفلى السمك. عشان مش بعرف ، يييا حاجات كتير. عشان انتى. مكنتيش بتاكلي معانا فعشان كدا وقع منك مواقف كتير.

شهد : ربنا يخليكم لبعض ويسعدكم. نصيحة بلاش تحكي لحد الحسد مذكور بالقرآن. مالهاش علاقه بالطبقة الاجتماعية

مروان : قوللها يا شهد يمكن تسمع كلامك بتحكي كل حاجة لأي حد

اميره : فين ده هي لمبتى. وزومى وماما وكريم وياسمين. وشهد

شهد : ههههههههههه كفايه

اميرة : انتم مستحيل تحسدونى. انا بحكى للي بحبهم بس

مروان : والصور الى. بتنزليها على الفيس

اميرة : هو انا مش عملتلك بلوك

مروان : لا منا متابعك من أكونت تاني

اميره : هههههههههه هبلكلك برضو ....يابنتى ده فظيع ميغركيش الجنتل مان اللي قصادك عليه قلبة اقسم بالله انا أميرة خالد باترعب منه وإلا نظرات عادل ادهم ياختيييى

شهد : بيخاف عليكي عنده حق عشرة هيفرحو ومية هيحسدو. ومابيجيش المصايب الا من اعز الحبايب

اميرة : كلي كلي.. جنى تيجى نروح الملاهي بعد مانخلص فطار

جنى : ماشي

مروان: دي اقطعي فيها الأمل لأني قاطعه من زمان

يضحكون. سويا

وبالفعل. تذهب شهد الى بيتها ويذهب مروان الى الجامعة وتاخذ اميرة جنى الى الملاهي

ويقضون وقت جميلا نراهم وهما يلعبون الالعاب ويشترون غزل البنات. وتتصوران سلفي زى المجانين فكلنا نعلم ان اميرة بداخلها طفلة مجنونه. وبعد الانتهاء تذهبان الى المول وتشتريان ملابس وأحذيه كثير

فيلا مروان وأميرة ٩م

تدخل جنى وأميرة وهما تحملان الكثير من الاكياس وخلفهم الأمن يحمل ايضا

اميرة : حط الحاجة هنا وروح انت شكرا تعبتك

الأمن :العفو يا فندم

يخرج مروان على صوتهم

مروان : جيتو

جنى : لسه

مروان : اخ هو ده اللى كنت خايف منه فيرس فيرس ههههه

جنى : تعال شوف ميرو جبتلي ايه

مروان وريني

اميرة : جوجو تعالي فوق نتفرج فوق بالاوضه

جنى : ماشى

اميرة : مارو. لو سمحت شيل معانا الحاجة

بالفعل يصعدوا السلم وهما يحملون الأكياس ثم يدخلون غرفة النوم يجلس مروان على السرير

تقوم اميرة وجنى بمشاهدة مروان ملابسهم الجديدة وبعد الانتهاء

يبدلون ملابسهم وتطلب جنى ان تنام بجانبهم

مروان. يلا تعالى. وهحكيلكم حدوده كمان

جنى. يلا

تنام جنى فوق مروان. تضع اميره راسها على صدره ويقوم مروان بحكى لهم قصه ثم ينمان

سياره شرين 1م

تقوم شرين بسواقه سيارتها ثم تقف على سطح المقطم وتنتظر شخص ما بعد دقائق تفتح الباب تدخل حنين تنظر لها شرين وتبتسم

حنين : اسفه على التأخير بس عقبال ماعرفت اظبط مع وعد عشان أدهم

شرين : ادهم ذكي خدي بالك لحسن لو عرف اعتقد هيكون رد فعله عنيف جدا

حنين : عارفه عشان كدا لازم نخفف كلامنا عشان ميلاحظش

شرين : مظبوط وياريت تسجلي اسمى بأى حاجه تانيه

حنين : فعلا عملت كدا انا اول مره اخبي حاجة عن ادهم بس انا مضطرة اعمل كدا

شرين : فهمه ده يلا عشان منتأخرش

♥️_____ليلة عادل_____ ♥️

فيلا اميرة و مروان 4م

تجلس اميره وحمزه ونور وشهد فى الراسبشن يتحدثون وتتعالى ضحكاتهم واثناء جلوسهم يشمون رائحة دخان

نور : شكل دادا فاطمه حرقت الأكل

اميره : ايه الريحه دي تقف هروح اشوف

لكن اثناء قيامها تجد دخان خارج من غرفة مكتب مروان تزق الباب تجد دولاب الهدايا بيتحرق ...تصرخ اميرة حمزة .. يجرى نور وحمزة وشهد عند وصولهم يشاهدون الحريقه

حمزه : بهلع .. فين طفاية الحريق بسرعة

اميره : وهى تبكى .. فى المطبخ

تخرج فاطمة على الصوت

فاطمه : ياستار يارب

تمسك نور وشهد اميره ويدخل حمزه مسرعا

ويخرج بعد ثوانى ويقوم حمزة باطفاء الحريقة لكن كانت النار كدا اكلت الدولاب باكمله

نور : الحمد لله حصل ازاي ده

حمزه : هو الدكتور رجع يشرب سجاير

تدخل اميرة المكتب وتنظر الى هداياها وهى محروقة تقوم ملامستها وهى تبكى بصمت تقترب منها شهد و تضمها

شهد : حصل خير اخد الشر وراح المهم ان باقي المكتب كويس

نور: اصلك متعرفيش يا شهد الدولاب ده بالنسبة لأميرة ومروان ايه

اميره : انا عايزه افهم ده حصل ازاى مروان مابيشربش سجاير

حمزه : هو فى حد جه الصبح

اميره : اه المحامي بتاع مروان ومشيو سوا لكن الكلام ده كان الصبح بدرى

شهد : يبقى نبلغ البوليس

نور : نكلم ادهم ونسأله

حمزه : لاء مش هندخل ادهم نسأل اي حد تاني كلمي مروان يمكن عنده تعليل للي حصل

اميرة : هستناه يرجع

غرفة نوم اميرة ومروان 6م

تتمدد اميره على السرير تمسك هاتفها تنظر الى صور الدولاب والهدايا يبدو على ملامحها الحزن بعد قليل يدخل ليها مروان وهو يبتسم معه بوكيه ورد يجلس بجانبها

مروان : حبيبى يقبلها من ايدها وحشتينى عامله ايه

اميره : كويسه

مروان : باستغراب .. مالك

اميره : مافيش روح غير هدومك

مروان : ..ايه اللى حصل

اميره : تمتلىء عينيها بالدموع انا زعلانه اوي

مروان : بقلق .. فى ايه يا حبيبى قلقتيني

اميره :هقولك

-غرفة المكتب

يقف مروان وأميرة داخل المكتب امام الدولاب المحترق

مروان: يمسح وجهه ... حصل ازاي ده

اميره : هتجنن معرفش لو حد فينا بيشرب سجاير كنت قولت نسيها بس لا

مروان : يمكن حسن أصل حسن كان بيشرب

سيجاره الصبح يصمت قليلا بس هو طفاها قصادي فى الطفاية

أميرة تنظر على الطفاية التي على المكتب .. لا مفهاش حاجة أهو ... اوف بقا انا هتجنن

مروان : يقف امامها وبحنان مع ملامسة وجهها حبيبى قدر الله وماشاء فعل خلاص الحمد الله انها جت على قد كدا

اميرة : انت مش زعلان

مروان : اكيد متضايق بس خلاص ايه رأيك نجدده

اميرة : ازاى

مروان : عادى نجيب نفس الهدايا تاني

اميرة :لا انا عايزة دول بذكرياتهم متضايقة اوي تسند رأسها على صدره وتبكي

مروان : يطبطب على شعرها حبيبى خلاص متزعليش

اميرة : انت لازم تبلغ مش تطنش زى الرسايل تعال نقول لأدهم يشوف ايه السبب هو ظابط وفاهم

مروان : لاء انا عارف ظباط كتير بعدين انا ماطنشتش لكن حقيقي مش عارف اوصله لانه بطل يبعتلى رسايل طب وانتي?

اميرة : من وقت مرجعنا بعد الطلاق مافيش حاجة

مروان : هو حد يعرفنا كويس لما لاقى مافيش امل بطل اللي بيعمله تفتكري مين ؟

اميره : بتسألنى على اساس انك متعرفش

مروان : غير شرين

اميره : معرفش انا زعلانه على الدولاب أوى تفتكر ربنا بيعاقبنى

مروان : بيعاقبك ليه

اميره : اصلى مسمعتش كلامك

مروان : مسمعتيش كلامى بايه

اميره : اقولك متتعصبش

مروان : اميرة

اميرة : متقعدش تقولي اميره وتكبرلى بؤبؤ عينيك وتخوفني

مروان : يتنهد اتكلمي

اميره : اصلى بصراحه روحت مع صاحبتى وهي بتنزل البيبي

مروان : بضيق ونرفزه استغفر الله العظيم استغفر الله العظيم انتي ما بتسمعيش الكلام ليه ، ليه كلامي ما بيتنفذش

اميره : لاني مش مقتنعة

مروان : تقتنعي بايه وهو غلط , واللى بتعمليه غلط , انا اللى هفهمك يا دكتورة هتكبري وتعقلي امتى , انت كلها كام شهر وتبقي ام... اكبري بقى , وفى الاخر تفضلي تزعلي تقوليلي بتتعصب ليه يا مروان بتتنرفز ليه وانتى بتعملي كل حاجه تعصب الحجر

اميره : خلاص بقى انا مش ناقصة... تفتكر ربنا بيعاقبنى

مروان : لا متخفيش ربنا كبير مابيخدش حد بذنب حد ، هو انا مش قولت ابعدى نفسك عن الموضوع ده ها ما بتسمعيش الكلام ليه كمان ده فى عند يا اميرة

اميرة : صحبتى يا مروان مينفعش اسيبها بأكتر وقت محتجانى فيه مكنتش هقدر اتخلى عنها بعد مالجأتلي وطلبت مني اساعدها خلاص بقى انا اسفه مش هعمل كدا تاني سامحني الله يخليك

مروان : مش هعمل كدا تاني انا اسفه خلاص ومابتتغيرش

اميرة : خلاص يا مروان مش اسفة مبسوط كدا

مروان : يتنفخ ... بنرفزه خفيفه ...ممكن بعد اذنك متعمليش حاجة تاني من ورايا ممكن

اميره : حاضر متشخطش فيا كدا انا حزينه دلوقتي اهىء اهىء ... تحضنه وتقبله

مروان : يضمها اليه وهو يبتسم خلاص طيب متزعليش

شقه شرين 12 م

شرين تجلس على التسريحه وهى ترتدي لبس بيت وتقوم بتصفيف شعرها ثم يرن هاتفها تقوم بالرد

شرين : امم حد شافك , برافو , عايزة اشوف الصور ابعتهم دلوقت , اختفي انت بقى اسمع انت مشفتنيش.. تغلق الهاتف وتقف تنظر الى المرايه بانتصار وتبتسم ثم تمسك هاتفها مره اخرى وتتصل بحنين

شرين : صحيتك اامم طيب مبروك نجحنا لا كفاية لما نعوزه تاني نكلمه ,متخفيش خدي بالك انتي بس , سلام

تضع الهاتف على التسريحه وتقوم بالغناء ؟؟

مركز د/ مروان عزت 6م

يجلس حمزه ومعه أميرة على احد المقاعد فى المركز ويتحدثان

حمزه : ازاي ملقوش حاجة

اميره : معرفش بس الظابط جه ماوصلش لحاجة هو بيأكد ان ده بسبب سيجاره بتعت المحامى

حمزه :معاكي عقب سيجاره بس يمسك بالاوضه كلها مش بالدولاب

اميره : ما الستارة اتحرقت والسجاده نسيت

حمزه : مش داخل دماغى

اميرة : يعنى عايز تقول حد دخل وهو حرقه

حمزه : اه

اميرة : هشوف مروان هيعمل ايه

حمزه :ركبي كاميرات

اميرة : مروان فعلا عمل كدا بقولك انا همشى هروح اتغدى عند بابا ماشي سلاموز

شقه د/خالد

الراسبشن تجلس الام ومعها خالد واميرة وياسمين وكريم يتحدثون

خالد : مش عايزة حاجة تاني اجبلك امريكا كلها

اميره : موافقه هههه

فريده : ها يا مرمر بتاخدي الإبر بانتظام

اميره : اسألى ياسمين ما هي اللى بتيجى تدهاني متخفيش انا ملتزمة جدا عايزه إخلف

خالد : استعجلتي من رأيي استني سنة لأن انتي ومروان علاقتكم مش ثابته

اميره : تاخذ برتقالة وتقوم بتقشيرها ..كان زمان انا تغيرت كتير وبطلت اعمل اللى بيضايق مروان

فريده : ربنا يهدي سركم يارب

♥️_____ليلة عادل_____ ♥️

جامعه القاهرة 4م

مكتب مروان

يجلس مروان على كرسي مكتبه يقوم بقراءة أحد الكتب بعد قليل يطرق الباب

مروان : اتفضل

تدخل شرين وهى تبتسم ينظر مروان لها باستغراب يغلق كتابه

مروان : خير

تجلس شرين على الكرسي الامامى لمكتبه وتضع رجل على رجل

شرين : قولت اجي الطف الجو معاك شويه بما اننا هنطلع ببرنامج سوا كمان ساعتين

مروان : ايه ده هما ما اتصلوش بيكي

شرين : مين

مروان : إعداد البرنامج

شرين : ليه فى حاجة

مروان : يشاور برأسه امممم اه انا اشترط يا وجودك. يا وجودي طبعا مش محتاج اقولك اختارو مين

شرين : مروان انا اعتذرت من أميرة وخلاص نسيت كل شيء تعال نفتح صفحة جديدة

مروان : صفحة جديدة معاكي

شرين : ليه لا

مروان : وليه اه

شرين : يعنى ايه

مروان : بصي يا شرين اللي بيطلب فرص وصفحه جديدة بيبقى ليه صفحة قديمة ذكريات جميلة وحكايات وعشم فى الشخص ده , لكن احنا مافيش بنا ده ، يبقى افتح ليه ،بصي يا شرين انتي رجعتي اه بس انتي مش مطوله خديلك يومين ونصيحتي ليكي دوري على مركز تاني من دلوقتي

شرين : بكره هتندم يا مروان

مروان : بابتسامه سخريه انتي لسه فى النغمة دي متغيريها الاسطوانه قدمت اتفضلى بقى عشان محتاح افضي دماغي قبل البرنامج

تنظر شرين له بضيق وتخرج خارج المكتب وتغلق الباب خلفها ينظر مروان بضيق يرجع ظهره للكرسى ويتنهد

فيلا اميرة ومروان 10 م

كانت اميره تجلس فى الراسبشن تشاهد احد الافلام بعد شوية يدخل عليها مروان ويقف خلفها ويقوم بتقبيلها من خدها تبتسم اميرة له و تمسك يده ويجلس بجانبها

اميره : اتأخرت اوي

مروان : اعمل ايه ما انتي عارفة التصوير بيتأخر اتعشيتي

اميره : لا مستنياك تقف هروح أحضرلنا العشا بقولك تعال ساعدنى مش قادرة اقف

مروان : يقف يمسك ايدها اخدتي الابره النهاردة

اميره : ايوة

مروان : خليكى هعمله انا

اميرة : تجلس ماشي يلا روح عشان جعانة أوي و مستنياك من بدرى قبل ان يخروج تقوم بالداء عليه ..مروان انت اخدت الدوا

مروان : ينظر لها نسيت هاخده دلوقت

اميرة : يعنى ايه نسيت

مروان : معلش هاخده دلوقت

اميره : تقوم وتقف أمامه بغضب لا خلاص

متاخدوش ميعاده فات

مروان : بالراحة اهدي

اميره : بنرفزه .. مش فهمه يعنى مش قادر تتحمل شوية ,منا عمالة اخد فى حقن وأدوية و حارمة نفسي من الحاجات اللى بحبها ,انت مش قادر تفتكر برشامة صغيرة

مروان : يمسك ايدها حبيبتى اهدي بالراحة... اليوم كله كان ضغط وشغل جامد غصب عنى

اميرة : بغضب .. ما هى مش أول مرة , زى ما بتفتكر شغلك ,افتكر معاد الدوا لو مش عايز تخلف قول على الاقل أترحم من الشكشكه اللى كل يومين بتشكها

مروان بنظرات رومنسيه .. ..اهدى انا هاموت وأخلف منك حلم كبير ان اشوف ابني منك وانتي عارفة ده كويس وانا اللى طلبت منك قبل ما تطلبي

اميرة : واضح اوي

مروان : يقبلها من خدها اوعدك انى مش هنسى تانى ممكن تهدي... اهدى يقبلها من كتفها

اميرة : تتنهد .. تصبح على خير

مروان : يمسك ايدها هتزعلي

اميرة : لا انت حر تاخد متاخدش.. انت حر

مروان : أميرة بطلي بقى انتي أكتر من مرة تتهمينى اني مش عايز اخلف منك ، كلامك بيزعلني انا كمان بزعل زيك وكلامك بيوجعنى مش انتي بس اللي حساسة

اميره : ولا أوجعك ولا توجعنى سبنى أروح انام أحسن

مروان : اتفضلى

تخرج اميرة وتذهب لغرفتها لكن يظل مروان يقف قليلا وهو مضايق يجز على اسنانه

غرفه النوم مروان واميرة

يدخل مروان الغرفه لا يجد أميرة بداخلها يخرج ويذهب الى غرفة اخرى يجدها نايمه يقترب منها

مروان : ده اسمه ايه

اميرة : اسمه مش طايقاك

مروان : متكبريش الموضوع

اميرة : انت شايف انه مش كبير

مروان : ياستى انا اسف والله نسيت غصب عنى مش هتحصل تانى خلاص

اميره : تجلس تنظر له انت بتعتذر وانت مش مقتنع

مروان : مش مقتنع

اميرة : اه

مروان : يجلس .. اه يا اميرة مش مقتنع انتي مزوداها مش هيحصل حاجه كبيره اوي لما انسى اخد الفيتامين يوم

أميرة : صح عندك حق ايه هيحصل لما يومين تاخده ويوم لا خمس ايام آه ويومين نسيت اشترى علبة, صح انا مكبراها ليه انا كمان هنسى آخد الإبر والأدويه ,ولو وقولت عايز أخلف هقولك لا عشان انت مش قد المسؤلية

مروان : مش فاهم انتى بتفكري ازاي

اميره : زي الناس

مروان : يقف ويمسك ايدها واضح طب يلا تعالى معايا

اميرة : لا

مروان : بشده وحسم هو ايه اللي لا قولت يلا

اميره :بحسم وانا قولت لا لا لا

مروان :بضيق متستفزنيش

اميرة : لا يا مروان مش هنام بأوضتنا هنام هنا

مروان : اميره قولتك قبل كدا زعلنا حاجة من بعض وانك متناميش بحضني حاجة تانية

أميرة : بردو لا

مروان : متسمعي الكلام وتقولي حاضر

اميره : لا يا مروان مش هقول حاضر

مروان : أميرة لو مجتيش معايا هزعل منك وهخصمك

تنام اميرة على السرير وتغطي نفسها دون تحدث

مروان : بزعل وضيق .. بقى كدا ماشى يا أميرة شكرا جدا

يخرج ويغلق الباب خلفه

تجلس اميرة وترفع رجليها بالقرب من بطنها

بصوت داخلى لازم اعمل كدا وأعاقبك عشان تبطل تنسى

غرفة مروان وأميرة

يدخل مروان الغرفة و يبدو على ملامح وجهه الضيق .. بصوت زودتيها يا اميرة زودتيها كتير

ثم يجلس على السرير ويرفع قدميه الى بطنه كما تجلس اميرة بالظبط يذكر الخناقه بصوت داخلى مكنش لازم اقولها منا كنت عارف هتعمل ايه ا لازم الصراحه يعني ينفخ بضيق ويبتلع ريقه ثم يضع رأسه على قدمه فى نفس الوقت تضع اميره رأسها على قدمها كانهم يشعران ببعضهما

اليوم التالي

الغرفة الاخرى

تظهر اميرة وهى تنام على جنبها وتتغطى بغطاء لكن تفتح عينيها بعد قليل يدخل مروان وهو يحمل بايده كيس ويرتدى ملابس خروج ويجلس بجانبها

مروان : يلا قومي

يشد الغطاء لكنه تشده منه

مروان : بصى جبتلك ايه

يخرج من الكيس غزل بنات فأميرة تعشقه يطلعها عليها تنظر له بلا مباله

مروان : مش هتاكلي

لا ترد عليه ولا تنظر له

مروان : مش هتاكلى اكيد

لا ترد عليه وتغطى نفسها اكثر

مروان : اميرة غزل بنات فكري

لا تنظر له اميرة ولا تعطي أي اهتمام

مروان : اميرة ... خلاص هاكله انا , بس لو خلص متعيطيش وترجعي تندمي

يتناول مروان القليل

مروان : حلو أوي اميرة اخر فرصه هاكلها كلها وعلى بوق واحد

تنظر أميرة له ثم تقوم وتجلس وتأخذه منه وتبدأ بتناولها

اميرة : انت مش مخصمني

مروان : بابتسامة مخاصمك بس النهارده لا , بكره هخاصمك من اول وجديد

تنظر له اميرة بابتسامة وهى تتناوله ثم تاخذ قطعة صغيرة وتطعمها له

اميره : هتنسى تاني

يشاور مروان برأسه لا

اميرة : وعد

مروان : وعد

اميرة : مش محتاج توعدني عينيك بتقول انك ما نمتش من امبارح

مروان : وانتي كمان

تقترب اميره منهم تضع ايدها على خده

اميره : مابقتش أعرف انام غير جوة حضنك

مروان : انتي عارفة دي أول مره تنامي بعيد عني مش بحضني من وقت ما رجعنا

أميرة بابتسامة : ان شاءالله آخر مرة

يحاوطها مروان بذراعيه وتتشبث أميرة به ويقبلها

♥️_____ليلة عادل_____ ♥️

سيارة أميرة 1م

تقف اميرة امام سيارتها يقترب منها شهاب قبل ان تفتحها

شهاب : اميرة

اميره : تلتفت له نعم

شهاب : عايز نتكلم شويه

اميرة : بقوة.. مكنتش عارفة ان مقابلة ادهم هتخوفك كدا , بص يا شهاب مافيش كلام بنا انت قفلتها زى الدومينو بعدين مروان مش حابب اننا نكون اصحاب وانا كمان محبش يبقى ليا صديق بأخلاقك

شهاب : نتكلم , بعدين قرري يمكن كلامي يعجبك ويبقى في مصلحة لصحبتك

اميره : تفكر قليلا ثم تنظر له اتفضل

بعد دخلوهم لسيارة أميرة

اميرة : اتفضل ايه ربنا هداك

شهاب : نروح مكان نقعد عشان نتكلم على رواقه

اميره : طيب

تسوق اميرة سيارتها وشهاب بجوارها , لكن أثناء سيرها بالسيارة وهما داخلين على تقاطع والاشارة صفراء لتهدئ السرعه تحولت أحمر حاولت أميرة ان تهدئ السرعة لكنها لم تجد فرامل تنظر اميرة لشهاب بفزع

اميره : بفزع .. شهاب الحقني مافيش فرامل

شهاب : بخضه بتقولي ايه

اميرة : تبكى مافيش فرامل

شهاب : ايه يمسك فرامل اليد

اميرة : تبكي مافيش فرامل برضو هنموت خلاص

وفجا.....

😱😱😱😱

جامعه القاهرة ٢م

ممر أحد الأدوار يقف منير ومعه ومروان وشرين يتحدثون ويضحكو بعد قليل يرن هاتف مروان

مروان : الو .. ايوه د/مروان عزت مع حضرتك خير .. ايوه يا فندم

..تبدأ ملامح وجهه تتغير مع نظرات و استغراب على ملامح شرين ومنير

مرون : باتساع عينيه وبخضه وخوف شديدين

انتي بتقولي ايه يقع التليفون من يد مروان تمتلئ الدموع بعينيه ويختل توازنه كاد ان يقع يجري عليه منير ويسنده

استووووووب

ياترى ايه اللى حصل....

يا ترى ممكن اميرة تمووت ?

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا