رواية وجع الحب الفصل الحادي عشر 11بقلم شيماء منير
رواية وجع الحب الفصل الحادي عشر 11بقلم شيماء منير
وجع الحب
الحلقه ١١
فتون ومازن دخلوا غرفتهم
فتون ودخلت قعدت على السرير بغضب ومسكت الموبيل وبتبوص فيه
مازن دخل على طول على كرسي مكتبه وفتح الاب توب وبداء يعمل شغل
مازن وهو باصص في الاب فتون اطلبلي قهوه
فتون وقامت وقفت بضيق عجبك اللي حصل تحت دا وانتي مخلتنيش اتكلم وامك نازله شتيمه في خالي وبنته
مازن بعصبيه:اتكلمي بطريقه كويسه ما سمهاش امك
ثانيا مدخليش يافتون الموضوع يخص اخويا ومدخلتش في الكلام
فتون بغصب:ياسلام انت ترضى ماما تغلط في انكل عماد
مازن وقام وقف قدامها بعصبيه بقولك ايه اسمعني كويس الموضوع دا لو تم هيبقا في حورات كتير زي دي انا مش فاضي للكلام دا ومعنديش دماغ لكلام الستات وحوراتهم دي بابا ممكن يسمع مروان كمان لكن انا مش عايز وجع دماغ والله العظيم يافتون لو جالي منك شكوى واحده والله هتشوفي الوش التاني وشالي اي حوار في دماغك ناويه عليه
فتون بصتله بتوتر لانها فعلا مكانتش ناويه تعديها لفريده
مازن:وافتكري اني بحذرك كل شويه.....ويلا اطلبي قهوتي عايز اخلص الشغل دا
فتون كانت لسه واقفه
مازن بعصبيه:اخلصي يلا
فتون وضربت برجليها في الارض
وراحت طلبت قهوه من الشغالين
______________
كامل ومروان
كامل:اللي انت شوفته دا جزء بسيط من اللي هيحصل بعد كدا لو اتجوزت بنت عثمان
مروان:ياجدو انا من حقي اختار الانسانه اللي بحبها وهي انسانه كويسه ومحترمه وتفكيرها تقريبا متشابه مع تفكري مليش دعوه بقا ومستوها المادي ايه ولا ساكنه فين
كامل:كل دا انا فاهمه كويس بس انت هتقدر تواجه المشاكل دي مسألتش ليه مجوزتكش فتون مع ان سنك مقارب لسنها وجوزتها لمازن لانك عاطفي ودا مش عيب فيك دا طبع حتى ابوك كدا عكس مازن اللي واخد مني ومن عمو خالد كتير عشان كدا جوزته فتون هيعرف يسيطر عليها اصل شرقاويه وكرامتها عندها غاليه عشان كدا عمرها مع هتتفق هي وامك
مروان:ياجدو انا فاهم كل دا فتون اختي وعندها طيبة قلب مش عند حد بس انفعاليه زي ما حضرتك قولت عكس يارا مش كدا وبعدين لو حسيت اننا مش مرتاحين هنا هاخد اي مكان بره انا وهي
كامل وابتسم بتفكير :يعني عايز تتفككها
مروان وقام وقف وقبل راسه لا والله ياجدو انابس مش عايز مشاكل لكن عامل حسابي اني هسكن هنا
كامل:عموما يابني سيبها لله
مروان خلص كلام مع جده وطلع على اوضته اتفاجاء ب مصطفى وفريده ..
__________
مازن كان قاعد بيشرب قهوته وبيخلص شغل على الاب توب
سمع صوت جاي من البلكونه من غرفة مروان
وكان صوت فريده اللي كله شتايم في عثمان وعيلته
فتون كانت قاعده على المقعد اللي في الاوضه وماسك الموبيل وبتضغط عليه بغيظ وتقريبا حاسه انها ممكن تصور قتيل لو طالت
مازن قام قفل البلكونه والصوت بعيد شويه على الاقل مش مفهوم
فتون بصتله بضيق وقامت قعددت على السرير
مازن ورجع قعد تاني وكمل شغل
في غرفة مروان
مروان:ياماما انا بحبها وعايزاها
فريده بضيق:ابوك كمان مش موافق
مصطفى:انا قولت مش موافق عشان المشاكل
مروان:بابا اناعايزاها وانا اخدت موفقة جدي اني اكلم انكل عثمان
مصطفى:خلاص يابني طالما انت عايزاها خلاص ...
__________________
تاني يوم
شهيره وفتون قاعدين بيتكلموا
شهيره:انا هقول لخالك ميوافقش
فتون:اهدي ياماما خالو اصلا لسه مش عارف حاجه ومروان هو اللي فتح الموضوع هنا عشان يستأذن جدي وعمي انه يكلم انكل عثمان
شهيره:بردوه ميوافقش ايه اللي يخليه يرمي بنته في النار ووجع القلب
فتون بضيق:ياسلام ياختي ما انتي رضيتي ليا دا
شهيره :انتي غير وظروفك غير وطالما قالوا مازن يبقا مازن ياما مكانوش هيفقوا يجوزكي اي. حد تاني وبعدين متقلقيش في الاول والاخر انتي بنتهم وفي النهايه هيخافواعليكي
فتون:بس يارا بتحبه
شهيره :حبها برص بنت عثمان هتعمل ايه بالحب وهي بالها مش مرتاح تيجي النار برجليها وبعدين كفايه عليا بلوه واحده تيجي بلوه تانيه اشيل همها وغمها
فتون :خلاص اسكتي طنط فريده جايه
فريده وقربت منهم ايه مالكم قاعدين بتكلوا في نفسكم ليه كدا
شهيره:والله ما حد بياكل في نفسه في القصر دا كله غيرك يافريده
فريده وربتت على كتف فتون منوره يامرات ابني
انا عارفه نفسك تتكلمي بس مش قادره ياعيني
فتون بصتلها بضيق وفعلا نفسها ترد ومش قادره واللي في دماغها تحذير مازن
شهيره:سيبي بنتي في حالها يافريده انا عارفه ان نفسك تخربي عليها..
_________________________
عدى اسبوع
مروان اخد رقم عثمان من يارا ورن عليه واخد منه ميعاد يقابله فيه
في بيت عثمان
رحمه بغضب:مش موافقه
عثمان:هو احنا لسه قعدنا معه يارحمه
رحمه:ياخويا دا بن فريده الجواب بيبان من عنوانه
عثمان:اهوه هيجي ويقعد معانا ويتكلم ونشوف هيقول ايه
رحمه ووجهت كلامها ل يارا وانتي موافقه عليه ياست يارا
يارا:الراي راي حضرتك انتي وبابا
رحمه: لو الراي راي انا وبابا كنتي قبل ما تديله الرقم تسألينا الاول
عثمان:خلاص يا رحمه مفيش داعي للكلام دا
رحمه:عموما عشان تكوني عارفه انا مش موافقه انا مش هعيش تجربة عمتك تاني معاكي
وجيه اليوم اللي مروان هيروح فيه
عثمان قابله ومحمد هو كمان وطبعا يارا لكن رحمه مخرجتش من اوضتها حتى ان مروان سأل عليها وقالو انها تعبانه
ودا كان مضايق يارا لانها طبعا متعوده انها موجوده على طول معها في كل حاجه
مروان قعد اتكلم معهم
عثمان ارتاح في الكلام معه وكمان محمد
يارا قدمتلهم قهوه واتكلموا في حاجات كتير
بعد ما مشي
رحمه:كمان هتسكني في القصر دا دي المصيبه الكبيره انا عندي تسكني في عشه ومتسكونيش هناك
عثمان:الولد كلامه محترم وشكل كويس وطموحه عالى وهو قد تحقيقه
رحمه:متحاولش تقنعني انا مش موافقه براحتك انت حر روح جوزها بس مدخلنيش وشيل ذنبها انت
________________
تاني يوم
في القصر
فتون كانت قاعده ماسكه الموبيل
شافت حاجه عجبتها على النت
فقررت تنزل تشتريها.
رنت على مازن وهو في الشغل بس موبيله كان مقفول
كانت الساعه١٢ الظهر
قررت تنزل وقالت اكيد هترجع قبل ما هو يرجع
فتون لبست وجهزت
نزلت كانت شهيره قاعده
قالتلها انها هتخرج تشتري شوية حاجات وترجع
طلبت منها تروح معها بس هي قالت لها انها مش هتتاخر
فريده كانت واقفه في بلكونة اوضتها وشافتها وهي خارجه
فريده:ياترى الابله دي رايحه فين؟؟
بعد ساعتين مازن رجع وفتون مكنتش لسه رجعت
النهارده الخميس وبيرجعوا بدري شويه.
كانت فريده وشهيره قاعدين
فريده:ايه دا انت رجعت اومال المحروسه مرجعتش ليه
مازن:هي مين؟؟
فريده:حرمك المصون بقالها ساعتين بره
مازن بص لشهيره
شهيره:هي قالت انها رايحه تشتري شوية حاجات
مازن وطلع موبيله ورن عليها اكتر من مردتش
الكل بداء يتجمع وهي لسه مجاتش ومش بترد على مازن اللي بيستحلف جواه انه هيكسر عضمها لما ترجع
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق