رواية وجع الحب الفصل الثالث عشر 13بقلم شيماء منير
رواية وجع الحب الفصل الثالث عشر 13بقلم شيماء منير
وجع الحب
الحلقه ١٣
في المستسفى
كانت تمشي في احدى الطرقات
قابلها مروان
مروان بابتسامه صباح الخير
يارا:صباح النور
مروان:عامله ايه؟؟
يارا:الحمدلله وانت؟؟
مروان:انا تمام..مفيش جديد
يارا وابتسمت بخجل جديد ازاي؟؟
مروان:يعني انكل عثمان مقالكيش حاجه
يارا:لا هو بصراحه شكر فيك اوي وفي طموحك بس بصراحه مسألتوش هيعمل ايه
مروان: مش عارف ..بس اقصد مش اول نسب بينا احنا تقريبا عارفين بعض كلنا والموضوع بقاله اسبوع ..مفيش اي مشكله او حاجه؟؟
يارا بتوتر بتحاول تدرايه لامفيش حاجه
مروان:خلاص تمام هرن انا عليه
يارا وهزت دماغها بخفه ماشي ...
_______&&&&&___
كانت تجلس في غرفة والداتها
رن هاتفها المحمول
فتون :دي يارا
شهيره:طيب ردي عليها
فتون:يويو عامله ايه؟؟
يارا بصوت متشحرج من اثر البكاء ايوه يافتون
فتون بقلق:مالك في ايه؟؟
يارا ببكاء:ماما مش موافقه على مروان انا مش ..عارفه اعمل ايه
فتون:طيب اهدي بس وفهمني في ايه؟؟
يارا ببكاء:بقولك ماما مش راضيه اعمل ايه ومروان عايز رد
فتون:وخالو؟؟
يارا:بابا عادي موافق ومحمد كمان انما ماما مش موافقه عشان طنط فريده
فتون:طيب بطلي عياط
يارا:انا عايزاكي تخلي عمتو شهيره تكلمها
فتون :طيب خودي ماما معاكي
يارا ببكاء:ايوه ياعمتو
شهيره:بتعيطي ليه يابت؟؟
يارا:ماما مش .موافقه
شهيره:ياختي بركه ..احسن والله
يارا ببكاء اكتر ياعمتو بقا..عشان خاطري كلميها واقنعيها انا بحبه بقا
شهيره:حبك برص ولاعمتك في زمانها يابنت الموكسه كتت بعمل زيك كدا بردوه
يارا:طيب ساعديني عشان خاطري ياعمتو
شهيره وتنهدت بتعب حاضر اقفلي وانا هكلمها
يارا:بس متقوللهاش اني كلمتك
شهيره:طيب ماشي اقفلي
شهيره قفلت مع يارا
ورنت على رحمه
شهيره:ازيك يارحمه عامله ايه
رحمه:الحمدلله ...عامله ايه انتي وفتون
شهيره:الحمدلله كويسين...اممم لسه مقفله دماغك
رحمه:شهيره متفتحيش الحوار دا انا مش موافقه
شهيره:بنتك بتحبه وعايزاه
رحمه:حبها بورص ياختي ..الحب هيريحها كان ريحك انتي
شهيره:والله قولتلها كدا ..بس هقولك حاجه مروان غير بيحبها هو كمان
رحمه: يعني كلمتك عموما يغور عشان امه
شهيره:بوصي هقولك حاجه لو مازن كنت قولتلك لك بيحب امه شويه لكن مروان مش اووي يعني بيحبها وكل حاجه بس بيكبر دماغه شويه وهو بيحب بنتك وعايزاه وبنتك عايزاه
رحمه:انا تعبت
شهيره:وافقي يارحمه عشان بنتك متكسريش بقلبها
رحمه ببكاء:انا خايفه عليها ومش عايزه اختلط بواحده زي فريده دي
شهيره:ياختي والله انتوا لو رفضوا هرتاح كفايه عليه بلوه واحده هشيل هم بلوتين بسبب عيال فريده ..بس هعمل ايه
___________________
في المساء
كانت تنزل على الدرج وهي تمسك بذراعه بحب وتملك
قابلتهم فريده
فريده وهي بتبص لفتون اللي ماسكه في ذراع مازن انتوا خارجبن والا ايه؟؟
مازن:اه هنتعشا بره
فريده بضيق ظهر عليها ليه؟؟
مازن:هو ايه اللي ليه ياماما
فريده:قصدي اكل بره مش حلو ياحبيبي على صحتك
فتون وعوجت بقا بضيق
مازن:مش مشكله اهو تغيير
فريده وهي بتبص لفتون شكل كلامي مش عاجب السنيوره مراتك
فتون ودورت وشها الناحيه التانيه مع ان جواها كلام كتير ترد عليها بيه لكن حبها لمازن مخليها مش قادره تطلع الكلام
مازن وبص لفتون اللي دورت وشها
ورجع كلم فريده يلا بقا ياماما عشان منتاخرش....هتحتاجي حاجه ياماما
فريده وهي تربت على كفته سلامتك ياحبيبي
مازن ومسك ايدها ووضع قبله عليها ووضع قبله على راسها
فريده:خود بالك من نفسك
مازن:ماشي متقلقيش عليا
خرج بعدها مازن هو وفتون
ركبوا عربية مازن
في العربيه
مازن:يابنتي سيبي دراعي هو انا ههرب
فتون :لا بس مش عايزه ابعد عنك
مازن ولف ايده حولين كتفاها واخدها في حضنه
فتون:بحبك اووي
مازن بابتسامه خفيفه بمووت فيكي
موبيل مازن رن
مازن وبص في الموبيل
وكانت زينه
مازن وفتح الاسبيكار ورد عليها
مازن:ايوه يازينه
زينه بدلعها المعتاد:ايوه يامازن ..عامل ايه؟؟
مازن:تمام ..في حاجه؟؟
زينه :انا خلصت الشغل على التاب بس في شوية حاجات كدا مش مظبطه
مازن:ليه؟؟
زينه:مش عارفه في صوت هو انت سايق؟؟
مازن:اه انا بره
زينه:خير في حاجه؟؟
فتون كانت قاعده مضايقه ونفسها تدخل في الموبيل وطلعها من شعرها
مازن:مفيش انا وفتون خارجين ..المهم بكره ابقي وريني الشغل دا
زينه وضيق ظهر في صوتها بتحاول تداريه اممم تمام هتيجي بكره امتى؟؟
مازن:على الساعه١٠كدا
زينه اوكي..باااي
مازن وقفل الخط
فتون بتريقه اوووكي باااي مايعه
ابتسم مازن بخفه
فتون:بجد معرفش في ايه هي بتتمايع كدا ليه؟؟
مازن:اهدي شويه وبعدين ماهي بتتكلم عادي اهيه
فتون بضيق دا عادي طبعا اكيد في الشغل اكتر من كدا ومنعرفش بيحصل ايه كمان
مازن بصلها بضيق شويه وسكت
فتون بتوتر سكت يعني؟؟
مازن:ماهو انا لو رديت عليكي هزعلك وهنرحع البيت
فتون:يامازن انا مفروسه منها بجد خليها تمشي وانا. هاجي انا اشتغل معاك
ابتسم بقوه يابت بطلي هبل اولا زينه بقالها ٦سنين شغاله معايا وفهمت كل الشغل
ثانيا والاهم من اولا ان انا عايز مراتي ليا لوحدي مش عايز اي حاجه تشاركني فيها ولاحتى الشغل
فتون بضيق:نفسي امسكها من شعرها واشوفه في ايدي
مازن بتحذير: فتون زينه مش مجرد سكرتيره دي بنت خالي واي تصرف مش مظبوط هيقلل منك وانا مش هعديها
فتون بصتله بضيق وهي عارفه كدا فعلا
وصلوا المطعم
نزلوا من العربيه
فتون ومسكت في ذراع مازن
ودخلوا المطعم
طلبوا العشاء
اتعشوا مع بعض وروحوا على الفيلا
قابله فريده اللي كانت قاعده في الايفنج هي ومصطفى
مازن:مساء الخير
الاتنين:مساء النور
مصطفى:حمدلله على السلامه
مازن:الله يسلمك يابابا
مصطفى:اعمل حسابك هنروح. نخطب لخوك بنت عمك عثمان يوم الجمعه واحتمال نقرأ فاتحه
فتون بفرحه:بجد ياعمو
مصطفى:ايوه ياحبيبتي
فريده بغيظ مالك ياختي فرحانه كدا ليه جوازة الشؤم
مصطفى:خلاص يافريده خلصنا بقا
فريده ايوه اصلهم ما صدقوا
ثم اكملت بصوت منخفض لمامه صحيح
فتون بصتلها بغضب وكانت هترد
مازن وشاورلها بدماغه اطلعي
فتون وضغطت على اسنانها بضيق
مازن بغضب خفيف انتي مسمعتيش ؟؟
فتون ودبدت في الارض برجيلها بغيظ وهي بتبص لفريده اللي بتبتسم بشماته
فتون وطلعت على السلم وهي بتتخيل انها ماسكه فريده من شعرها وبتجراها على السلم
مصطفى:انتي بردوه مش هتعقلي ابدا
فريده بضيق:مش كفايه الجوزاتين مش على مزاجي
مصطفى:بس على مزاج عيالك ..اعقلي بقا يافريده دا لو واحد فيهم ربنا كرمه وخلف هتبقي جده
مازن:طيب تصبحوا على خير
مازن سابهم وطلع
كانت فتون خارجه من الحمام
بصتله بضيق ونامت على السرير
دخل هو كمان الحمام
وغير ملابسه
كانت فتون نايمه على السرير
نام جمبها وشدها لحضنه وبقا وشه في وشها
فتون كانت مغمضه عيونها وعامله نفسها نايمه
ابتسم بخفه انها مش بتعرف تمثل او تكذب وبتتوتر بسرعه
وضع قبله خفيفه على شفاتيها
فتون واخدت نفس طويل وبعدين فتحت عيونها بضيق
مازن بهمس هتفضلي قابله وشك كتير
فتون وقامت قعدت يعني مش عايزني اضايق
مازن:هو ايه اللي حصل؟؟
فتون بدهشه نعم ما انت كنت واقف وهي بتغلط
مازن:غلطت فيكي؟؟
فتون:غلطت في خالي
مازن:ملناش دعوه
فتون بضيق:يعني ايه دا خالي ومش اي خالي انا مليش غيره في الدنيا
وقتها مازن شدها وبقت هي تحت وهو فوقها مازن وهو مقرب وشه ليها :متخرفيش في الكلام انتي ملكيش غير جوزك خالك دا هتعمل بيه ايه
فتون بتوتر:اقصد يعني معنديش...خال غيره
مازن:خرجي نفسك من الموضوع دا يافتون هترتاحي وتريحيني معاكي
فتون بصتله بضيق وسكتت
مازن ومازال على وضعه وهو يلمس وجهها بخفه متبصليش كدا اعدلي بصتك
فتون بصلته بصمت
مازن وقرب اكتر وقبلها برقه وزاد اكتر لما هي استجابت معه ولفت ايدها حولين رقبته............
________________
عدى يومين
اخر النهار
شهيره وفتون كانوا قاعدين
بيتكلموا
شهيره:جوزك اتاخر النهارده
فتون:ايوه كلمته من شويه قال هيتاخر حتى كمان عمو مصطفى لسه مجاش
شهيره:ربنا يعينهم
فتون:يااارب
مروان ودخل عليهم
مروان:مساء الخير
الاتنين:مساء النور
مروان وقعد جمبهم:عاملين ايه؟؟
فتون:تمام ..مبرووك
مروان بابتسامه الله يبارك فيكي
شهيره:خلاص هنروح الجمعه
مروان:اه ان شاءالله...هو مفيش حد هنا والا ايه؟؟
فتون:مازن وعمو لسه في الشغل
مروان:تمام انا هطلع ارتاح على ما يرجعوا
مروان وقام طلع
شهيره:كويس ان الموضوع ماشي بهدوء
فتون:مش اووي طنط رحمه موافقه كدا بالعافيه عشان يارا انما هي رافضه مروان والموضوع كله
شهيره لسه هترد
سمعوا صوت فريده اللي جايه من وراهم
فريده بغضب وصوت عالي:هي من دي اللي رافضه ابني ياختي
فتون وشهيره قاموا وقفوا من الخضه
فريده:بقا الزباله دول يطوول ضوافر ابني
شهيره: حاسبي على كلامك يافريده
فريده:احاسب ايه دا ايه النكته اللي انا بسمعها دي ياولاد مرات عثمان الزباله اللمامه مش عايزاه ابني دول ميسوش ربع جنيه دول مش لايقين يكلوا
مروان ونزل من فوق على الصوت
فريده بغضب وسخريه:تعالى يا اخويا تعالى اسمع اللمامه اللي انت اخترت بنتهم قال ايه امها مش عايزك
فتون وخرجت عن شعورها اهو انتي اللي لمامه وزباله والله العظيم امسح بيكي بلاط القصر دا كله انتي فاكره نفسك ايه و..
قاطعها مازن بغضب فتووون
فتوون وبصت اتجاه مازن اللي دخل هو ومصطفى ومحستش بيهم
فريده:تعالى تعالى وشوف الهانم مراتك اللي انت واقفت قصادي واتجوزتها وهي عايزه تمسح بيا بلاط القصر...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق