رواية وجع الحب الفصل السابع عشر 17بقلم شيماء منير
رواية وجع الحب الفصل السابع عشر 17بقلم شيماء منير
وجع الحب
الحلقه١٧
في الوقت دا الاتنين بصوا كان حد واقف
الاتنين بصوا بخضه
كانت فتون واقفه على مسافه قريبه منهم وبتبصلهم بعد فهم
على بص ل هنا بتوتر
فتون وقربت منهم:صباح الخير في حاجه؟؟
هنا بتوتر:لا..مفيش
فتون وبصت للهدايه اللي في ايدها
فتون :تمام ..ازيك ياعلي
على:احم..تمام
هنا:طيب ياعلي روح انت
على بصلها وبص لفتون بتردد
فهنا طمنته بعيونها
على واتحرك من مكانه
ومشي خطوتين من جمبهم
فتون بصوت عالي نسبيا على فكره متخافش مش هفتن
على دور وشه وبصلها بابتسامه خفيفه ومشي بعدها
قربت من هنا
هنا بحرج:الموضوع مش من وقت طويل يعني
فتون:انتي جباره انتي وهو اصلا ببتقابلوا في الفيلا افرضي مازن هو اللي كان شافكم
هنا:والله اول مره تحصل ..كان بس جايبلي هديه عشان عيد ميلادي النهارده
فتون:بجد كل سنه وانتي طيبه
هنا:وانتي طيبه
فتون:بس حلوه لفة الهديه شكله صارف ومكلف
هنا وضحكت بقوه
فتون وهي بتضحك هي كمان بس ياريت تاخدوا خطوه جد ومطولوش نصيحه مني
هنا:والله هو هيكلم مازن
فتون:ربنا يصلح حالكم
____________
في بيت عثمان
كانت تجلس شارده
رحمه:مالك سرحانه في ايه؟
يارا بشرود:مفيش
رحمه:مروحتيش المستشفى ليه النهارده
يارا وتنهدت بضيق مليش مزاج ياماما
رحمه:يبقا في حاجه. .متخانقه انت وهو والا ايه
يارا:لا ياماما ما انا مكلماه الصبح قدامك
رحمه:بس طريقتك مكنتش عجباني بس مردتش ادخل
يارا:عادي
رحمه:في ايه يابنت عثمان؟؟
يارا واتنهدت بضيق بوصي انا هقولك بس بالله عليكي ما تعملي مشكله
يارا وحكت لها على اللي سمعته من حوار فريده ومروان
رحمه بعصبيه لا ماهي مش هتدخل في لبسك
يارا:ماهو مروان قالها كدا
رحمه:لا دا لما يجي لازم اتكلم معه
يارا:لا ياماما عشان خاطري وبعدين هو ميعرفش اني سمعتهم
رحمه:لا ماهي متتحكمش فيكي ولو كدا يجيبلك شقه بره القصر دا..
______________________
تاني يوم في الشركه
مازن كان بيخلص شغل هو وعلى
مازن:خلاص كدا شوف بقا انت الشغل اللي في المخازن وخود بالك كويس
على:تفتكر سعد الراوي هيدخل المناقصه دي
مازن:اه هيدخل وان شاء الله دي هتكون القاضيه علي
على:تمام
على وفاضل قاعد بترددد
مازن وبصله في ايه شكلك عايز تقول حاجه؟؟
علي بتردد:اه ..كنت عايز اتكلم معاك في موضوع كدا
مازن بانتباه خير في ايه؟؟
في الوقت دا زينه خبطت ودخلت
زينه:استاذ علاء اللي انت طلبته من الاداره بره
مازن:خليه يدخل
علي وقام وقف طيب انا هخلص شغل المخازن وهبقا اكلمك
مازن:مش هتقولي على الموضوع
علي:مره تانيه
علي خرج وراح على المخازن وقرر يكلمه في وقت تاني
_____________________
تاني يوم الصبح
مازن صحي من النوم على صوت فتون بترجع في الحمام
مازن بقلق وراح ناحيتها
مازن:في ايه مالك؟؟
فتون وكانت بتجفف وشها بعد ما غسلته مفيش دايخه شويه ومصدعه
مازن: انتي اخدتي امبارح حبوب الضغط
فتون بتردد:مش فاكره
مازن بضيق:مش فاكره والا انتي مش عايزه تاخديها
فتون بضيق:مش عايزاه اتعود عليها
مازن:مفيش حاجه اسمها مش عايزه اتعود ضغطك بينزل ودي بتتظم شويه
فتون وقعدت على السرير بتعب
مازن وقرب منها واخدها في حضنه
مازن:يعني عجبك شكلك كدا ..دا اتفقنا انك هتاخديها بانتظام
فتون بدموع مش عايزه اتعود عليها بجد من دلوقت هاخد حبوب ضغط
مازن ومسح دموعها وايه يعني طالما بتريحك
ثم اكمل بمرح متخافيش مش هتجوز
فتون وابتسمت من بين دموعها
مازن وفتح احد الادراج وخرج منه شريط برشام واخد منه واحد وجاب كوب ميه وخلى فتون تاخدها
مازن :نامي بقا وارتاحي ومتنزليش على الفطار ابقي انزلي غلى الغداء
فتون بتعب ماشي
بعد كدا مازن جهز ونزل
الكل كان متجمع على الفطار
مازن والقى التحيه على الجميع
وقرب من جده وقبل ايده
وقعد على احد الكراسي
فريده:اومال مراتك فين؟؟
مازن:فوق
فريده:منزلتش ليه على الفطار
مازن:نايمه وتعبانه شويه
فريده بضيق ظهر عليها هي ست الحسن كل يوم تعبانه والا تكون غريبه ومش عرفه نظامنا هنا
مازن بضيق:ماما انا مراتي تنزل وقت ماهي عايزاه محدش ليه دعوه بيها تنزل على فطار تنزل على غداء محدش له انه يحاسبها غييري والكلام ليكي ولغيرك
الكل بص لمازن بدهشه حتي شهيره اللي اتفاجاءت من رد فعله وكلامه
فريده ووقفت بغضب لا دا انت بقا عايز تخربها
مازن كان هيرد
بس كامل كان الاسرع
كامل بغضب جرى ايه يافريده انتي مش عملالي اي احترام ولا كأني قاعد
فريده بتوتر:العفو ياعمي ..بس مش هينفع اللي بيقوله دا هيعمل مشاكل بعد كدا
كامل وبصلها بغضب طيب اقعدي
فريده وقعدت
مازن وقام وقف بعد اذنك ياجدي انا هسبقكم على الشركه
كامل:لا استنا في كلمتين عايز اقولهم وكويس ان الكل موجود
مازن ورجع قعد
كامل :اسمعوني كويس ..كل واحد فيكم بيعمل اللي هو عايزه في حياته الخاصه اللي كان عايز كليه معينه دخلها
كل واحد فيكم اختار الانسانه اللي تشاركه حياته الا مازن طول الوقت بيضحي عشان اللي هنا ومش بس كدا شايل فوق كتافه الشغل اكتر مني انا وابوه
ثم اكمل وهو بيوجه كلامه لمصطفى
كلامي في حاجه غلط يامصطفى؟؟
مصطفى:لا ياحاج كلامك كله صح..مازن شايل اكتر مننا
كامل وجه كلامه لمروان
كامل:يامروان انت كبير ابوك ولما طلبت منك تدخل اي كليه وتشتغل معانا رفضت وقولت عايز ادخل طب ومليش في الشغل دا حصل؟
مروان:حصل ياجدي
كامل:ودلوقت ماشاء الله خلصت دراستك واشتغلت في المستشفى اللي انت عايزاها وكمان مش بس كدا بقا ليك فيها اسهم ما يقارب النص
مروان:ايوه ياجدي دا من فضل ربنا ثم حضرتك
كامل:مازن ومن وقت ماكان في الكليه وهو بيشتغل معانا وتقريبا بيقضي اكتر من نص يومه في الشغل ييقا مازن هنا الكبير بعدي واي حاجه يقولها تتنفذ ومحدش يناقشه فيها كلامه امر ينفذ
مازن باعتراض لا ياجدي ان..
كامل قاطعه بغضب خفيف هتعترض على كلامي والا ايه
مازن:لا طبعا ياجدي كلامك امر ينفذ
كامل:والا مش عجبه كلام باب القصر واسع مش بس يفوت جمل دا يفوت جمال. يتفضل يخرج ومش عايزين نشوف وشه..ويلا بقا كفايه تعطيل كدا ونقوم نشوف مصالحنا
كامل قام وقف ووراه مازن ومصطفى
وبداء الكل يقوم من مكانه
شهيره كانت حاسه ان قلبها هيقف من الفرحه مش مصدقه كل اللي سمعته من الصبح
عكس فريده اللي كانت قاعده وبتحرك رجليها بغضب وحاسه انها خسرت ابنها ومبقاش زي الاول
__________________
في احد الكافيهات
كان يجلس ويدخن سيجاره بشراسه
جلست امامه بضيق
زينه:خير ماتصل بيا على الصبح ليه؟؟
طارق:ماتهدي داخله حاميه كدا ليه
زينه:انجز انا ورايا شغل وعايز اوصل قبل مازن
طارق بضيق يعني الوزير هيوصل والا لسه متعلقه في حباله الدايبه
زينه :وحياتك مش دايبه وبكره اخده وهتشوف
طارق بغل بيحاول يداريه يااااه للدراجادي بتحبيه
زينه:اه ومش هسيب واحده زي فتون دي تاخده مني
طارق:نبقا متفقين
زينه بعد فهم:متفقين على ايه؟؟
طارق:انا عايز رقم فتون
زينه:ليه؟؟ ومش معايا اصلا رقمها
طارق: تتصرفي وتجبيه
زينه:ماتفهمني هتعمل ايه؟؟
طارق:مش انتي عايزه تشيلها من سكتك ومازن يبقا لكي لوحدك انا هعملك دا
زينه:طيب وانت هتستفيد ايه؟؟
طارق:كل واحد له اغراضه الخاصه وانتي ليكي دعوه بمازن وبس
زينه:ماشي انا عايزه البت دي تغور من حياة مازن
طارق:هتعرفي تجيبي الرقم
زينه:اه هتصرف واجيبه بس اياك تعمل حاجه من غير ما تعرفني
___________________
فتون صحيت من النوم
حست انها احسن بعد ما اخدت البرشامه
اخدت شاور ونزلت
كانت شهيره وفريده قاعدين في الايفنج
فتون وقربت منهم مساء الخير
فريده قامت واقفت وبصت لفتون بضيق وطلعت على فوق
فتون باستغراب وقعدت جمب شهيره في ايه ياماما مالها دي
شهيره وابتسمت مفيش اتعودي على كدا مش هتفتح بوقها تاني
فتون:مش فاهمه..انا وقت ما شوفتها قاعده قولت هتسمعني حوار كل يوم وتقولي السنيوره لسه نازله
شهيره:لا اصل انتي متعرفيش اللي حصل الصبح على الفطار كان نفسي تكوني موجوده وتسمعي وتشوفي
فتون:ليه ايه اللي حصل؟؟
شهيره وحكت لفتون كل اللي حصل
فتون:معقول دا كله حصل
شهيره:اه والله .بس كان قلبي هيقف من الفرحه ومازن بيدافع عنك
فتون وابتسمت بخفه اصل كان ضغطي نازل الصبح
شهيره:ليه مش بتاخدي البرشام
فتون:باخده بس مش على طوول
شهيره:لا انتظمي فيه عشان متتعبيش...
______________
في الشركه
مازن كان في مكتبه
زينه وحطت قهوه قدامه
زينه:قهوتك
مازن وهو ينظر في ورق قدامه شكرا يازينه
زينه بابتسامه خفيفه العفو
مازن:اما على يجي خليه يدخلي على طول
زينه :حاضر
ثم اكملت بتردد معلش كنت عايزه موبيلك هرن على ماما اصل مش معايا رصيد
مازن:مفيش مشكله خوديه
زينه واخدت الموبيل من مازن وخرجت
فتحت الموبيل وفضلت تدور فيه لحد ما خرجت رقم فتون
وكان مازن مسجلها فتوني
زينه ضغطت بضيق على الاسم واخدت الرقم
بعتته لطارق وبعدها رنت على والداتها ورجعت الموبيل لمازن
بعد ساعه
فتون كانت في غرفتها
جالها رساله على الواتساب
فتون وبصت للموبيل
فتحت الموبيل
وضغطت على الرساله
وكان فيديو فتحته
فتون وبداءت تتفرج اول ما شافت اللي فيه حست انها عقلها اتجمد قعدت على السرير بصدمه
ووونكمل الحلقه الجايه
ياترى الفيديو في ايه؟
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق