سكريبت القرية الملعونة الفصل الأول 1بقلم بالميرا حصريه
سكريبت القرية الملعونة الفصل الأول 1بقلم بالميرا حصريه
من وأنا صغير وفيه بيت مهجور في القرية بتاعتنا البنات بتروحله لوحدها بليل، والصبح بيلاقوا جثتها مقت ولة قدامه، كل فترة تلاقي فيه صراخ، ويقولوا بنت فلان لقوها مقت ولة قدام البيت اللي كل أهل القرية بتترعب من سيرته، وطبعًا مع كل جريمة قت ل، بتيجي الشرطة، وتعمل تحقيقات مع الكل، بس مفيش جديد، مبيوصلوش لحاجة، أتقال كتير أن البيت ملعون، وأنه بيستدعي البنات بليل ويقتلهم ويرمي جثتهم الصبح؛ حتى لما فكروا الورثة بتاعوته أنهم يهدوه علشان يبنوا مكانه بيت جديد، في اليوم اللي جابوا فيه المعدات اللي هتهد البيت أتق تل واحد من الورثة بطريقة شنيعة، وبرضو
الشرطة ما وصلتش لحاجة، والجريمة كانت ضد مجهول؛ فجه راجل كبير في السن أهل القرية بيحبوه ويحترموه قال للورثة أن البيت ملعون بجد، وأنهم هيموتوا كلهم لو بدأوا في موضوع الهدم دا؛ فطبعًا الورثة خافوا، وسابوا البيت واعتبروه مش موجود، ودا خلا أهل القرية يترعبوا أكتر من البيت، لدرجة أن مفيش حد كان بيعدي من قدامة لا ليل ولا نهار، الأغرب بقا من دا كله هو أن كان فيه ناس بتخاف على بناتها؛ فبتاخدهم وتخرج برا القرية وينقلوا لمكان تاني، بس للأسف كل البنات اللي خرجت برا القرية، لقوهم مق تولين قدام البيت، وكأن القرية بتاعتنا عليها لعنة وحتى اللي هيخرج منها برضو البيت مش هيسيبه.
ورغم أن كانت بتيجي علي القرية أيام صعبة أوي، لدرجة محدش كان بيخرج من بيته من الخوف والحزن، برضو بتيجي أيام ونفرح وبنبقى مش عارفين ننام من كتر الفرحة، زي النهاردة، بقالنا أكتر من شهر بنجهز لليوم دا، حنة أخت شهاب صاحبي وجيراننا واللي بعتبره أخويا، كنا مجهزين كل حاجة، وفضلنا نرقص لحد الساعة تلاتة الفجر، كنا فرحانين أوي، ونمنا علشان نقوم بعد كام ساعة نجهز نفسنا للفرح، بس قمنا على صراخ فظيع، جريت بسرعة أشوف فيه أيه، لقيت أم شهاب بتصرخ وبتقول أن ليلى أخت شهاب اللي هي العروسة واللي فرحها كان المفروض النهاردة، لقوها
مقت ولة قدام البيت المهجور، شهاب بقا يصرخ من كتر الحزن والقهر اللي حاسس بيه، وبدل ما نودي ليلى لبيت جوزها، رحنا دفناها.
فضلت قاعد مع شهاب وهو كان ساكت خالص، لحد ما مرة واحدة بصلي وقالي:
-منذر، أنا هروح البيت المهجور دا، وأشوف أيه حكايته؟! هتيجي معايا؟!
بصتله بصدمة وقلتله من غير ما أفكر حتى:
-أنت عارف أني مش هسيبك تروح لوحدك يا صاحبي، أنا معاك بإذن الله.
*************
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق