سكريبت أنت مسكنى الوحيد كامل بقلم سلسبيل احمد
سكريبت أنت مسكنى الوحيد كامل بقلم سلسبيل احمد
- ، جايبك من قسم؟ ادخلي ادخلي
= بتحصل فى احسن العائلات مش حوار
- اية بتحصل؟ وياتري هجيبك منين تااااااااااااني
= يلهوي اللحقيني يا خالتوا
استخبيت وراها وهوا قعد يزعق
- هي اية دي الي بتحصل القسم؟؟
- في اية يا واد انت وهي
= شوفتي ياخالتو اخرتها روحت اجيبه من القسم
اتغاظ وجري ورايا - طب تعاليلي كدا هنا ونشوف
روحت ناحيه السفره جري وزعقت = لا بقولك اية انت ملكش دعوه بيا ولا هتتنطط عشان خرجتني
- عيب يا ليلي وانت يا مازن اعقل يابني
= هي خلت فيا عقل! الهانم اتخانقت وراحت القسم وروحت جبتها !!!!
- ينهار ابيض روحتي القسم يا نور؟
اتكلمت ببرود - يخالتو عادي مجرد خناقه عيل رخم عليا انا وصحابي وضربناه اسكتي عدمناه العافيه مخلناش فيه حته سليمه
= تربيتي ، قصدي اية دا ازاي تعملي كدا
= ادي بنت اختك!!!
- وافرض كان عملكوا حاجه انتوا فالاخر بنات
= البنت زي الولد مش كماله عدد
مازن جاب اخره وجري ورايا وقعدنا نلف حولين السفره لحد ما طلع فوقها وجابني من قفايا
- هو انا قولت اية قبل كدا
= متتخانقيش فالشارع ولا ليكي دعوه بحد
- امال بتتخانقي ليه يمهزقه
= الخناقه الى جت لحد عندي اقولها لاء
شد شعري - ولما تبقي سوابق هتفرحي
= اععععع يخالتو
ساب شعري وخرج من الشقه وهوا مقموص وانا الي اضربت !!
- شوفتي ابنك؟
= كدا برضو؟ دا خايف عليكي انتي ملكيش حد وامك سابتك معايا امانه
- يخالتو والله الواد زودها معانا انا مكنش قصدي، بصي طيب هوا تلاقيه طلع السطح هطلع هصالحه
..
- احم
- احممم
خبط على كتفه - مخلاص متبقاش قفوش امال
= شيلي ايدك من عليا يابت
- عندك حق احسن تتعاص كاكا
بصلي بعصبيه فا ضحكت = انت ايدك تقيلة ها
- احسن
= ومالو زي اخويا
- انا مليش زفت انا
= ابن خالتشي ومالو بردك
- انزلي يا ليلي
= تؤ دا انا جايه اصالحك
- مش هتصالح
= لا يا مازن هتتصالح هو انت من امته بتزعل مني
- من دلوقتي انا فعلا شكلي دلعتك واخدتك عليا
حاولت مزعلش من كلامه عشان مدايق = حقك عليا
- هوا اية حقك عليا 100 مره اقولك تمشي عدل وملكيش دعوه بحد وصحابك دول متضحكيش معاهم في أم الشارع ولا تكلميهم اصلا لانهم مش شبهك ورغم كدا لازقه فيهم
= لا مش فاهمه هوا انت بتغلطني عشان واحد مهزق اصلا وبعدين صحابي مالهم مسمحلكش تغلط فيهم ؟؟؟
- وانتي كمان شايفه ان دا صح ولا مش واخده بالك انك دخلتي قسم؟؟ ياريت تبطلي تهور شوية عشان انا تعبت وجبت اخري تمام؟؟
= تمام
يومها نزلت واكتفيت كلام لحد هنا يمكن فعلا المشكله كانت كبيره بس انا مببقاش قصدي يحصل كل دا بحاول اتجنبه بس ازاي واحنا في بيت واحد وبيفصلنا عند بعض دور؟ دا غير اني بتغدا معاهم كل يوم للحظه حسيت اني حتي مش هقدر ابعد
.
.
- خالتو انا نازله
= خدي هنا رايحه فين
- مخنوقه وعايزه اخرج سلام
خت مفتاح العربيه وقعدت اللف ومعلومه اكتشفتها عن نفسي وانا مدايقه تقريبا بتعمي قعدت ادخل شوارع وتوهت ووقفت في احسن موقع استراتيجي حته مقطوعه بس اية فله كنت هعملها على نفسي
قعدت ارن على صحابي يخدوني قصدي الي كنت فكراهم صحابي طلعت من العربيه ولقيت استوري وهما سوا برا من غيري قفلت الفون وخرجت من ضحكه سخريه مازن كان معاه حق ورغم كدا عمري ما هلجأ لي تاني بعد اخر مره..
دخلت العربيه وبشوف هعمل اية لقيت عربيه جايه ورايا واتفاجئت ب بمازن
نزل من العربيه وانا نزلت - انتي بتعملي اية فالمكان دا ؟؟
= معرفش
- متختبريش صبري وجاوبيني
= توهت
- توهتي!
= اها وخد هنا انت جتلي ازاي!!
- وانتي مالك
= بتراقبني؟
- ليه من حبي فيكي يابت؟
= صح م انت زهقت وجبت اخرك مني جاي ليه
- ميخصكيش واركبي يلا وامشي ورايا
= لاء
- ايه !
= نعم؟
- اسمعي الكلام
= عرفت مكاني منين !
- ماما كلمتني وقالتلي انك خرجتي
= مشيت ورايا؟ اكيد لا مكنتش هتلحق
_ حاطط Gps فالفون ارتحتي؟
= نعم؟
_ ايه
= ازاي تعمل كدا
_ معرفش
= هو انت لدرجه دي مبتثقش فيا
- بطلي غباء انا حاطه عشان عارف انك غبيه وتوهتي خمسين مره قبل كدا وبعدين هوا دا موضوعنا؟
= ممكن تمشي انت لو اخر حد فالكوكب مش هتساعدني يا مازن
قربت ومسكت دراعها بعصبيه - متعاندنيش
= اوعي ايدي و هعاندك
_ هو انتي عبيطه؟ انا روحت اخرجك من قسم مستوعبه الموقف؟؟ مش عايزاني ادايق
= انت بتغلطني بدل ما تغلط الحيوان الى دايقنا
- عشان عارف صحابك بيمشوا ازاي ويلفتوا النظر ليهم وانتي مش كدا!!!!!
= انا مش فهماك
- ليلي نتكلم فالبيت
= بقولك لاء انا عايزه افهم انت ليه كدا
- كدا ازاي
= واخد بالك مني ليه مش زعلانه لاني متهوره فعلا ليه مستحمل دا وانت ممكن تكبر مخك وازاي واخد بالك من تفاصيلي كدا وعارف مين كويس وشبهي ومين مختلف عني
- انا مكنش قصدي اتعصب واقول اني تعبت منك بس انا خايف عليكي ومجرد خبره فالناس اما انتي بقي فا تبقي بنت خالتي اعتقد ده سبب كافي اخد بالي منك
= لاء مش كافي
- ليلي انتي عايزه اية!
عيطت ودي كانت اول مره اعيط من ساعه موت امي
= عايزه اعرف انا ليه محدش بيحبني انا وحشه اوي كدا انا بعمل حاجات غبيه غصب عني وكوارث من غير قصدي بس انا مش وحشه
قربت ومسحت دموعها - محدش قال انك وحشه انتي جميلة وانا عارف انك جميلة ومش قصدك تعملي اي مشاكل
- بجد
= بجد
- يعني انت بتحبني
= بحبك يستي
بصتله - لا مش اخوات وكدا
ضحك = اية دا امال اية
- مازن متهزرش ممكن
= انا بهزر؟
- اها ماهو يا اما تقولي انك بتحبني دلوقتي يا اما اروح اتخطب لابن عمي الي جاي من الخليج
= ليلي انتي عندك ابن عم فالخليج او فمصر اصلا؟
- لاء
= حد يعرفك غيرنا اصلا ؟
- لاء بردك
= طب غوري قدامي خلينا نمشي بدل ما يطلع ديب ياكلنا
- بس انت بتحبني صح
= لاء
- بس انا بحبك يا مازن
مكنتش متوقع اني هعمل كدا لكن حضنتها وأكني بأكد لنفسي ان كدا خلاص هي بتعتي رسمي.
= وانا بحبك يامتهوره هانم .!♡
------------------
بقلم Slsbell Ahmed سلسبيل احمد
" انت مسكني الوحيد " 💜
تمت .*
تعليقات
إرسال تعليق