سكريبت بعد الساعه 9 كامل بقلم سلسبيل احمد
سكريبت بعد الساعه 9 كامل بقلم سلسبيل احمد
- تيجي ننزل بعد الساعه تسعه؟؟
= انت عايز تنزلني بعد لما المحلات تقفل عشان توفر تمن الآيس كريم؟ اخص يابن خالتي
- انا غلطان يالي همك على بطنك.. هاتي بوق شاي
= انا عارفه ان عينك فيها من اول لما عملتها
- منتي الى قليلة الذوق يا چنى و معملتيش ليا معاكي
= ما تعمل لنفسك الله يرحم الى كان زمان بيقولي البيت ده مش بتاعك انتِ دخيلة علينا
" حط كوبايه الشاي وبصلها بتركيز "
- هو انتي عمرك ما نسيتي الموضوع ده؟
" عيني بصت في كذا اتجاه مُختلف "
= لا.. لا طبعا نسيته
- چنى.. انتِ فاهمه اننا كنا صغيرين..؟ واكيد مكنش قصدي احنا اخوات وانتِ عارفه
اتنهدت وبصتله بتعب: اه.. عارفه يا أدهم.
= طيب.. بلاش تفكري بـ مُخك الى عايز مخ ده تمام؟
ابتسمت: بارد..
- احترمي فرق السبع سنين الى بينا..
رديت بتريقه: ماشي يا ابيه..
" قاطعنا دخول يونس اخوه "
- انا نازل اشتري حاجات تيجي معايا؟
وجه كلامه ليا فا ابتسمت: ايوه طبعا يلا
أدهم رفع حاجبه بدهشه: والله؟ لا بجد والله؟
ضحكت: ايه؟ عايزة اشتري كراتية قلبظ
- ده انتِ وشك الى عايز يتعمل قلبظ
يونس: يلا وهجبلك قلبظ وآيس كريم مانجا
= احلف.. مش هو قفل ؟
- لا لا انا مظبط معاه اديله رنه يفتح ويطلع لي الحاجات
ضحكت: طب يلا بينا يا شبح.
" نزلنا انا و يونس.. والحقيقة.. ان يونس قريب لدماغي يمكن عشان انا اكبر منه بسنتين بس..
و برضو عشان.. مش عايزه اتعلق زياده بـ ادهم..
عشان زي ما بيقول.. احنا اخوات.. اتربيتا في بيت واحد من واحنا عيال.. هيفضل شايفني طفله بالنسباله.. وهيفضل شايف اننا بس اخوات.. فا تقبلت الأمر الواقع.."
- حلو الآيس كريم؟
= تُحفة.. عاش عليك يا زميلي
- مش لايق عليكي جو السرسج ده
ضحكت وانا ببصله: بحاول ابقي معاك على الخط
= لا فكك.. بتبقي كيوت زي كرتون
الجنيـ ـات الى فرجتينا عليه كده
- طب انا انهي واحده؟
= الخضرا انتِ شبها اوي
- تنه و رنه؟ انا!!
= أيوه.. تعرفي بقا.. الى كان اسمه اصيل التخين ده شبه ادهم بظبط نسخه طبق الأصل
ضحكت جامد وبصتله: اشمعنا!!! مش شبه خالص
- لا هما اغبيه زي بعض
= يونس عيب! ده اخونا الكبير
- اخونا! شكلك غبيه انتي كمان..
بصتله بنص عين: ممممم واد.. انت بترمي على ايه بظبط
= انتِ و ادهم مفروض تتجوزوا
- يحْربيتك! احنا اخوات بقولك
= مش اخوات.. انتي چنى احمد.. هو يونس عامر
- مش لازم بالاسم.. بس احنا اخوات..
وكمان بينا فرق سن كبير..
= انتِ 21 هو 28 فرق سبعه! ده بابا وماما بينهم 8 سنين عادي..!
بصتله: انت ليه شايف اننا نتجوز!! ركبتها ازاي دي
- عشان انا مش عايزك تتجوزي حد غريب..
انا عاوز نفضل صحاب علطول.. ومع بعض.. كان نفسي يبقي عندي اخت صغيره ونلعب.. بس مش مهم انتِ اختي الكبيرة وصحبتي مش صح؟
= أكيد طبعا..
- وانا لو كان عندي اخت كنت هغير عليها..
بصتله وعيوني مبتسمه: يعني انت غيران بقا..
مش عاوزنى اتجوز حد غريب وكده؟
= أكيد طبعا.. افرض طلع مش بيحب الكرتون
- هو ادهم يعنى الي بيحب الكرتون اوي
رد بسلاسه: لاء! بس هنجبره انا وانتي!!
= مانا لو اتجوزت حد مش بيحبه ممكن نجبره سوا
- لا هبقي بكرهو ومش هحب اتكلم معاه اصلا
= عموما يا يونس.. انت اخوك ده دمه تقيل.. ومقفل و عصبي وانا بكره الرجالة العصبيه.. وكمان تنح.. صعب اوي احلامك الورديه دي تتحقق يابنى.
- انتِ مكبره الموضوع
= لا بكلمك بجد.. بعدين انا اصلا بتجنب اخوك.. عشان مش بحب حد يدخل فـ كل حاجه زيه كده
- بيعمل كده عشان خايف عليكي وبعدين ماهو بيعملها معايا.. فاكره لما شم فيا سجاير وفكرها بتاعتي
ضحكت: ايوا.
" وصلنا البيت وطلعنا قعدنا في الصالة و كنت شايفه أدهم في البلاكونه بيتكلم في الموبايل.. اكيد بيكلم الجيرل فريند.. "
- چنى نعمل ايه على الغدا بكره؟
= مش عارفه يا خالتو اي حاجه..
- ده انا بسألك عشان مش عايزه اسمع
منهم اي حاجه دي
يونس: هقولك انا
= قول حاجه ميبقاش فيها طماطم بس
يونس: ملوخيه و بتنجان
چنى: ادعم
" دخل ادهم "
- انا نازل يا ماما
" كملوا كلام.. بس انا تفكيري كان معاه.. وعندي فضول اعرف نزل ليه و هيقابل مين.. بقلمي سلسبيل احمد بحاول انفي انه بيقابل البنت الى بيكلمها.. "
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
" معرفش ليه الليلة دي منمتش من التفكير.. و صحيت تاني يوم واخده قرار واحد.. انا هشوف حياتي.. و أول حاجه اعملها.. اني هبطل ارفض في عرسان.. الجدير بالذكر.. اني كل لما ارفض عريس.. كان يبقي أدهم السبب.. بقلمي Slsbell Ahmed مش بس عشان مشاعري ناحيته لكن كمان عشان كان بيفضل يقولي على عيوب لأي عريس متقدم! وبيقنعني انه مش مناسب!"
" لبست عشان استعد و انزل شغلي.. و ده لأنى كرامتي متأثره اني دايما قاعده مع خالتو... فا بشتغل مع الكليه.. لأني مش حابه اطلب منها فلوس.."
" نزلت و وصلت في معادي مظبوط.. و لأن الحياة مش عادله اتفاجئت بـ ابن صاحب المحل البارد موجود "
- أهلا يا چنى
= چنى؟ هو احنا بنلعب في الشارع..؟ قولتلك قبل كده ابقي احفظ الالقاب
- احنا زمايل يعني
= لا مش زمايل يا أستاذ أحمد.
- الى تشوفيه
" بدأت شغلي و هو واقف مش بيعمل حاجه ياربي هو بس جاي علشان يرازيني و يوترني "
- انتِ مش ناويه تنضفي المكان ده
= المكان نضيف انا نضفته امبارح بليل انا و ساره.
- وانا شايف انه عايز يتنضف
= بسيطه نضفه انت
- لا انتِ الى هتنضفي.
= مش هنضف حاجه.. وانا مش باخد اوامر منك.. انا شغالة مع مستر عزت
- وانا هنا مكانه.. ومش عاجبني نضافه المكان
" مسحت على وشي بنفاذ صبر وانا بقلع جاكيت المكان و بحطه على المكتب بعدم تفكير "
= و انا دي اخر ثانيه شغل ليا هنا..
لاقيته فجأه مسك ايدي: لو مشيتي متحلميش ترجعي
" زقته وصْربته بالقلم و مشيت "
" خرجت وسبت المكان بسرعه وانا عايزه اعيط و ايدي بتترعش.. معرفش ازاي ده حصل.. فتحت موبايلي بسرعه و رنيت على يونس "
- انت فين؟
= في البيت مالك؟
- ينفع ابعتلك لوكيشن وتيجي..؟
= تمام انتِ كويسه؟
- أيوه..
" فضلت مستنياه في كافيه وانا جوايا احساس بالخوف.. لحد ما وصل.. فا اطمنت و كان باين اني مضايقه.. و الدموع محبوسه في عيني "
= حصل ايه يا چنى؟
- أقعد مفيش.. مشيت من الشغل للأبد بس فا متنرفزه ومش عايزه اروح عشان امك هتقعد تقولي فيكي حاجه
ولا عايزه اقعد لوحدي فا كلمتك
= طب ليه حد ضايقك؟ مش بتقولي صاحب المكان كويس!؟
- ايوه.. بس ابنه مستفز
يونس وقف: عمل ايه!
چنى بصتله بتعجب: قولت مفيش هو انت تعرف ان حد يعرف يعملي حاجه؟
بصلي بشك: تمام ايه الى حصل افهم
" حكيت له الى حصل.. من غير ما اقول انه مسك ايدي "
- هو ده السبب بس!
"اتوترت عشان مبعرفش اكدب وشبكت ايدي في بعض"
= اه.. هيكون ايه يعني
- مش مرتاح لك! انتِ فيكي حاجه
اتنهدت بزهق: لطشته بالقلم
فتح عينه بدهشه: عمل ايه خلاكي تعملي كده!
= مسك ايدي.. بس أقسم بالله لو قلت لحد يا يونس بالذات أدهم
" مكملتش كلامي ولاقيته اتحرك من مكانه فا قومت وراه بسرعه "
- يونس !!! يونس خد هنا !!
وقف: متجيش ورايا !!
- والله ما هتروح في حته !! انت اجننت
= انتِ فاكراني هسيبه كده!
- وانا وقفته عند حده خلصت خلاص!! مش هنعمل مشكله!!
= احنا معملناش هو الى قليل الأدب!! وعايز يتربي
- يونس انا قولت مش هتروح في حته !! فاهم؟ وانا مش هتحرك من غيرك يلا نروح
= تمام يا چنى يلا.
" رجعنا البيت وانا مستغربة هدوئة و استسلامه فجأه "
" اول لما وصلنا دخلنا الصاله و بعدين
خد مفاتيحه و قام "
- رايح فين يابني انت لحقت تقعد؟
بصتله: يونس والله العظيم مش بهزر !!
رد عليها: مشوار وجي يا ماما
اتكلمت بزعيق: يا يونس !!
= فيه ايه يا چنى!
" معرفتش اعمل ايه!! "
- مفيش حاجه يا خالتو... مفيش.. "
" دخلت الأوضة وانا عماله افرك و مرعوبة يرتكب مصيبه!! الواد ده بقى كده امتى..!!! ده كبر عليا !! "
" فضلت ارن عليه مكنش بيرد.. فضلت كده لمده ساعتين لحد ما لاقيته راجع و أدهم معاه "
بصتله بعصبيه: عملت ايه يا يونس ؟؟؟؟
" اتفاجئت بـ ادهم الى بيرد "
- اتأدب
بصيت ليونس بعدم تصديق: انت قولتله!!
رد بحده: وانتِ مش عايزاه يعرفني حاجه زي دي؟
انتِ مجنونه يا چنى؟
- انا اصلا مطلبتش منه حاجه ولا منك !!
= من غير ما تقولي هي مش محتاجه يعني !!! بتكابري في ايه؟ واحد غلط واتربي !! قولنا من الأول بلاش نيله شغل مش هتحتاجيه في حاجه!!
بصتله بنرفزه: مين سمح ليك تقرر احتاج
ولا لاء اصلا ايه ده ؟؟؟!!!!!
" دخلت اوضتي و سيبتهم.. وخالتو خرجت على صوتنا وكانت بتسأل فيه ايه! "
- مفيش حاجه يا ماما..
يونس: انتِ عارفه انهم ناقر ونقير.
= لا انتم مش عيال! وانت صوتك ميعلاش انت وهو فاهمين؟ جتكم قرف!!
" سابتهم ودخلت تشوف چنى "
أدهم: هي دي امك؟
= لا.. امك؟
- لا برضو..
= بيس..
- انت عارف ان چنى هتقفش عليك كده صح
= قال يعني انت الى موقفك حلو اوي
- انت موقفك اسوء.. انت الى فتنت
= انا غلطان كنت روحت عجنته لوحدي
- عشان كنت اعجنك انا..
= طب صالحها انت بقا
- انا لو كلمتها احتمال تحدفني بكرة النـ ـار..
= وانا هتعتبرني حْاين دلوقتي..
- احنا نعمل شاي ونشوف الحوار ده.
= انا هنزل اشتري آيس كريم.
>>>>>>>>>>>>>>>>>>>>>>>>>>>>>>>>>>>>>
' سبحان الله وبحمده سبحان الله العظيم '
" فضلت قاعده في اوضتي مخرجتش مع انهم خبطوا.. مرضتش افتح لحد غير خالتو.. ومحكتش حاجه.. "
" الساعه كانت تسعه فا خرجت البلاكونه لما حسيت انهم مش موجودين.. "
- انا عملت لك شاي.. عشان تعرفي اني احسن منك.
" بصيت جمبي و هو حط كوبايه الشاي على سور البلكونه و وقف بشموخ ولا كأنه عمل حاجه "
- انتِ عارفه اني مش غلطان.
= مش عايزة اتكلم معاك.. ولا انت ولا اخوك
- يونس بيحبك بلاش جبروت
= ده حْاين وعميل.
- مانا مجنده عليكِ
"بصتله بصدمه فا ضحك"
- بهزر.. يونس اتحمق.. وكلمني نروح نصْربه سوا.. انتِ عارفه انه بيغير أكيد
" فضلت ساكته فا اتنهد و بصلي "
= وانا كمان بغير
بصتله بهدوء: عادى ما احنا اخوات
- يونس بيغير عشان انتم اخوات.. بس انا بغير
لأسباب تانيه.
= ايه هي
- تيجي ننزل و احكيلك؟
= الساعه عدت تسعه.
- مش انتِ بتحبي الهدوء..والنور الهادي
= أه..
- وبتكرهي الناس والزحمه.. دلوقتي الدنيا هتبقي رايقه
مفيش ناس الشوارع فاضيه.. مش بتحبي الروقان
= بحبه اه بس مش بحبك انت
- مش مهم انا بحبك.
بصتله بصدمه: نعم؟
= بـ حـ بـ ـك.. اكتبها لك انجلش؟
- بتحبني زي الأخوات؟
= لا
- بس انت بارد وتنح وعصبي و دمك تقيل
= انا دمي تقيل يا چنى؟
- هي دي الى ضايقتك؟ اه!
= طب اقولك نكته؟
- لاء ارجوك
= مره واحد صعيدي نزل القاهره في رأس السنه.. وشاف شجره الكريسماس.. فا بصلها كده وقال ايه دهه ده تفاح ولا ايه رد عليه واحد قاله لا يعم دي شجرة الكريسماس فا قاله بصدمه وه ! اخترعتوا فاكهه جديده!!؟؟
" ضحكت جامد غصب عني وبصتله "
- وحشه اوي يا أدهم!!!
= طب بتضحكي ليه ؟؟
- مانا بحب النكت التنحه
= شوفوا بتلمح ازاي.. يعني بتحبني..
ضحكت: بكرهك..
- طب هننزل بعد الساعه تسعه؟
= هتجبلي آيس كريم؟
- هجبلك المحل كله..
= يلا بينا..
>>>>>>>>>>>>>>>>>>>>>>>>>>>>>>>>>>>>
تمت..
حاجه صغيره كده قولولي رأيكم🙈
#بعد_الساعة_9✨️👀
تعليقات
إرسال تعليق