عملت تحليل DNA لعيالي الخمسة..
عملت تحليل Dna
عملت تحليل DNA لعيالي الخمسة.. الـ 4 اللي كنت بتباهى بيهم طلعوا مش ولادي، والوحيدة اللي من دمي طلعت البنت اللي كنت بكرهها!"
أنا اسمي "منصور"، عندي 47 سنة، وجاي أحكي لكم الكابوس اللي عايش فيه دلوقتي. اتجوزت "جيهان" وأنا عندي 28 سنة، يعني بقالنا 19 سنة مع بعض، وعندنا 5 عيال، 3 ولاد وبنتين.
من وسطهم كلهم، كانت بنتي الكبيرة "جنى" هي اللي حالتها صعبة.. ذكاء محدود، كلامها تقيل، وريقها دايماً بيسيل. مـاكنتش شاطرة في أي حاجة، عكس إخواتها اللي كانوا "نوابغ" في مدرستهم. الموضوع ده كان مـاكلني من جوه، وكنت ساعات بفكر أرميها في ملجأ عشان بتكسف منها قدام الناس.. وكنت بقول لنفسي: "أنا السبع ده، إزاي أخلف البنت الغلبانة دي؟ دي نقطة سودا في سمعتي!"
لما كان صحابي بيجوا عندي بعيالهم الشطار، كنت بحبس "جنى" في الأوضة اللي ورا. مـاكنتش عايز حد يشوف وشها المتبهدل ولا يسمع كلامها البطيء. لحد ما يوم، صاحبي "عادل" حكى لي إنه عمل تحليل DNA لعياله عشان يتطمن.. والشيطان لعب في دماغي قولت "أثبت لنفسي إن جيهان ست مـالهاش زي".
قولت في بالي: "أنا متأكد إن العيال ولادي، بس يمكن البنت 'المتخلفة' دي تكون اتبدلت في المستشفى، مستحيل جيناتي القوية تخلف حد ضعيف كدة!"
خدت العيال الـ 5 في السر وقولت لأمهم "فسحة في المول"، ورحنا المعمل. العيال كانوا بيضحكوا ويلعبوا، إلا "جنى" كانت قاعدة ساكتة وبتبص لي بعينيها البريئة اللي كنت دايماً بكرها.
بعد أسبوعين، رحت استلم النتيجة. الدكتور بص لي بشفقة وقالي: **"يا منصور بيه، إنت متأكد إنك عايز تشوف النتيجة دي؟"**
زقيت الورقة من إيده وقولت له بحدة: **"هات الورق! عايز أعرف مين الغريب اللي في بيتي!"**تابعوا صفحة محمد السبكي للقصص والروايات الحصريه
الصدمة شلت لساني.. 4 من العيال مش ولادي!
قلبي وقف.. راجعت الأسامي تاني وتالت. ابني البكر الشاطر، بنتي التانية الجميلة، التوأم.. كلهم نسبة التطابق "0%". الدنيا لفت بيا.. 19 سنة بدفع مصاريف مدارس وأكل وحب لعيال مـايعرفوش أصلاً أنا مين!
"جنى" كانت هي الوحيدة اللي بنتي.
الورقة مكتوب فيها 99.9% لجنى.. البنت اللي كنت عايز أرميها، البنت اللي كنت بخبيها من الناس. بصيت لجنى وهي واقفة بعيد، ودموعي نزلت لأول مرة من سنين.
روحت البيت وأنا شريط حياتي بيمر قدامي.. شفت نفسي وأنا بزق إيدها، وأنا بزعق لها، وأنا بحرمها من حضني عشان "مـاتبهدلش" لبسي الغالي..
لو أنا مش أبو الـ 4 دول.. يبقى مين أبوهم؟ وإزاي جيهان عملت فيا كدة؟
**تفتكروا "منصور" هيواجه مراته إزاي؟ وإيه اللي هيعمله في العيال اللي رباهم وهما مش ولاده؟ وهل "جنى" هتسامحه بعد سنين الذل والكسرة؟**
تابعوا الباقي في أول تعليق 👇 ومتنسوش الصلاة على النبي صلي الله عليه ،
كاملة في أول تعليق 👇⏬👇
منصور دخل البيت وهو شايل الورقة كأنها جبل فوق صدره عينه كانت بتلف في كل ركن، نفس البيت اللي كان فاكره مملكته، بقى غريب عليه.
جيهان!
صوته كان عالي مش صريخ، لكن فيه حاجة أخطر هدوء قبل العاصفة.
خرجت له من المطبخ وهي بتجفف إيديها
في إيه؟ صوتك عالي ليه؟
رمى الورقة قدامها على الترابيزة
اقري.
بصت بسرعة ملامحها اتغيرت، بس حاولت تتمالك نفسها
إيه ده؟
منصور قرب منها خطوة، وقال بنبرة تقطع الحديد
مش هسألك حصل إيه أنا هسألك سؤال واحد بس إزاي 19 سنة عايش في بيت مش فاهمه؟
سكتت وسكوتها كان كفاية يولع النار.
العيال خرجوا من أوضهم على الصوت واقفين مصدومين.
أكبرهم قال
في إيه يا بابا؟
منصور بص لهم كلهم نفس العيون اللي كان شايف فيها نفسه فجأة بقت غريبة.
قعد على الكرسي وقال
تعالوا
كلكم لازم تعرفوا الحقيقة.
جيهان صرخت
لأ! ماينفعش!
بس منصور رفع إيده
خلاص مفيش حاجة هتتخبى تاني.
وقصّ عليهم كل حاجة
أنا اللي ربيتكم وده عمره ما يتغير. .
الولد التاني شد في هدومه
يعني هتمشينا؟
السؤال ده كسر حاجة جواه
بص لهم واحد واحد سنين من الضحك والتعب والسهر مش مجرد ورقة تمسحها.
أنا مش هطرد حد اللي اتربى في بيتي هو ابني بس لازم كل حاجة تبقى واضحة.
بص لجيهان تاني
عارف عشان كده لسه قاعدين.
وفجأة صوت خفيف من وراهم
بابا
الكل لف. تابعوا صفحة محمد السبكي للقصص والروايات الحصريه
جنى واقفة عند باب الأوضة ماسكة في هدومها، وعينيها مليانة خوف.
منصور حس إن قلبه بيتقبض دي اللحظة اللي عمره ما تخيلها.
قرب منها ببطء لأول مرة مش مستعر منها لأول مرة شايفها بوضوح.
نزل على ركبته قدامها.
جنى
هي رجعت خطوة لورا
متعودة على الزعيق على الإبعاد.
إيده اترعشت وهو بيحاول يقرب منها
أنا أنا ظلمتك.
سكت وكأنه بيتعلم الكلام من جديد
أنا آسف.
الكلمة كانت تقيلة عليه لكنها طلعت.
جنى بصت له مش فاهمة، بس حاسة بحاجة مختلفة.
قربت خطوة صغيرة وقالت بصوت مكسور
إنت مش زعلان مني؟
دموعه نزلت
أنا زعلان من نفسي.
مد إيده المرة دي هي ما بعدتش.
حضنها حضن غريب أول مرة بجد.
باقي العيال واقفين مش فاهمين إحساسهم إيه
لكن في لحظة أصغرهم جري على منصور وحضنه من ضهره.
إحنا مش هنسيبك يا بابا.
والباقي قربوا واحد ورا التاني.
منصور لقى نفسه في حضن كبير مش دم لكن سنين.
بص لجيهان وقال
اللي بيني وبينك هيتحل بالقانون وبالعدل بس العيال العيال دي مسئوليتي.
جيهان هزت راسها وهي بتعيط.
منصور مسح دموعه، وبص لجنى
من
النهاردة مفيش باب هيتقفل عليكي تاني.
ابتسمت ابتسامة بسيطة، لكنها كسرت قلبه أكتر.
وفي اللحظة دي منصور فهم متأخر أوي
إن اللي كان بيجري وراهم طول عمره مش هو اللي يستاهل
وإن أغلى حاجة كانت قدامه وهو اللي كان مغمض عينه.
النهاية ولا لسه؟
القصة الثانية
ازاي رفضت حضانة بنتي بعد ما جوزي طلب الطلاق؟؟
تقول صاحبة القصة
طليقي جيك كان عنده خطة عبقرية للطلاق.. هو كان بيشتغل شغلانه كويسة أوي.. أما أنا ف كنت ربة منزل.. مش بشتغل من وقت ما بنتي ميا اتولدت.. بعد 7 سنين مبقتش فاكره أنا كنت مين.. قبل تغيير الحفاضات وشرا المقرمشات..
ف لما جيك جه يوم التلات بالليل بعد شغله.. مداش لنفسه حتى الفرصة إنه يقعد.. هو وقف جنب رخامة المطبخ وهو لسه بهدومه وقالي انا عايز نتطلق.. جملة واحده.. 3 كلمات.. بدون إنذار.. بدون زعل.. بدون أي حاجة..
كل اللي قاله إنه بقاله شهور بيفكر ف الطلاق.. ساعتها حسيت إن في حد ضربني بالبوكس ف معدتي.. بس هو مدانيش حتى فرصه إني أفهم.. هو كمل كلام وقالي بما إنك معندكيش شغل والا دخل ف أكيد عيزاني أخد ميا أغلب الوقت.. مفيش مشكله أنا هعمل كده عشان استقرارها
كان مجهز محاضره كاملة عن ازاي أنا ممكن أخدها كل إجازة نهاية أسبوع وممكن أشوفها كل أربع بالليل..
ساعتها بس فهمت حاجة.. جيك كان مخطط لكل حاجة.. وانا زي الهبله ف البيت مشغوله ف تحضير الغدا بتاعه ومساعدة بنتي ف الواجبات.. هو كان بيكلم المحامين وبيخطط للي عايز يعمله.. عشان يتأكد إن كل حاجة هتمشي زي ما هو عايز..
سألته هو في حد ف حياتك؟
رد عليا بطريقة دفاعية وقالي ايه العلاقة؟؟ الموضوع مش كده خالص... بس مبصش ف عيني وهو بيتكلم.. فضل باصص ف تليفونه وبس..
الأسابيع اللي بعد كده كانت بشعه.. جيك نقل بيت أخوه.. بس كان بيجي كل يوم الصبح يساعد ميا عشان تجهز للمدرسة.. بيتصرف كأن مفيش حاجة حصلت..
ف نفس الوقت أنا كنت بدور على محاميين طلاق على النت كل يوم بالليل.. وبعيط ف المحلات اللي بنزل أشتري منها حاجة البيت..
أمي فضلت تتصل
بيا عشان تقولي إنتي لازم تحاربي على حضانة بنتك.. أي أم بتحب ولادها هتعمل كده
بس في حاجة محدش كان فاهمها.. الحاجة دي إني كنت مستهلكه.. تعبانه ومرهقه جدًا.. مش تعب عادي.. لا احتراق نفسي كامل.. 7 سنين أنا كنت فيهم المسؤولة الوحيدة عن كل حاجة تخص ميا..
أنا الوحيدة اللي اعرف درج التوك بتاعها فين.. أو أسماء مدرسين ميا.. جيك عمره ما أخدها للدكتور.. ميعرفش اسم واحد من أسماء أصحابها.. عمره ما دخلها تنام من غير وجودي معاها.. بس فجأة هو بقى عايز يبقى الأب المثالي!!
ف لما المحامي بتاعي قابل المحامي بتاعه.. جيك كان باين عليه الصدمة لما قولت أنا موافقة على خطة الحضانة بتاعتك.. لدرجة إن المحامي بتاعه سألني متأكده؟.. وكأنهما كانوا متوقعين إني أحاربهم بأيدي وسناني..
قولت لهم أنا موافقة أشوفها كل أربع بالليل.. وأخدها البيت كل إجازة نهاية أسبوع.. وكمان هاخدها أسبوعين كاملين في الصيف وهنقسم الأعياد بيني أنا وجيك
وش جيك بقى أبيض تمامًا.. أعتقد إنه ف اللحظة دي أدرك فعلًا إنه مضطر يبقى أب بدوام كامل دلوقتي.. مش بس الصورة المثالية الي بيروجها لنفسه...
أول أسبوع ميا كانت
مع جيك.. اتصلت بيا بتعيط عشان جيك اداها حبوب الفطار ع العشا ومحكالهاش حدوته قبل ما تنام..
ف الأسبوع التالت كان بيبعت لي رسايل يسألني فيها عن الأدوية بتاعة ميا..
أما ف الأسبوع الرابع ف اتصل بيا ف نص الليل عشان ميا عندها سخونية وماكنش عارف يتصرف ازاي.. تابعوا صفحة محمد السبكي للقصص والروايات الحصريه
اتضح إن الأب اللذيذ اللي مش بيشوف بنته غير ف الاجازات مختلف كليًا عن الأب اللي موجود معاها طول الوقت.. عن تحمله لنوبات العياط الساعة 6 الصبح قبل المدرسة.. أو إنه يكتشف إن البنت محتاجة جزمة جديدة الساعة 8 مساءا والمحلات كلها قافله.. أو التعامل مع حشرات الشعر.. والاستمارات المدرسية واجتماعات أولياء الأمور..
أختي بطلت تكلمني لمدة شهرين.. عشان بتقول إني اتخليت عن بنتي.. زمايلي في شغلي الجديد كانوا بيهمسوا بكلام عليا لما بيفتكروا إني مش سمعاهم.. حتى الكاشير بتاع السوبر ماركت بص لي بطريقة غريبة لما قولت قدامه بنتي عايشه مع أبوها
بس في حاجة كل الناس مش عارفاها.. إن لما ميا بتكون معايا كل أربع بالليل بتكون بتتكلم معايا فعلًا.. بدل ما بتقعد تبحلق ف التابلت بتاعها..
وف اجازات نهاية الأسبوع بنخرج سوا.. بنروح أي
مكان هي تحبه وبنستمتع فعلًا.. بدل ما كان جيك لما بيخرج معانا بيشيك على الأيميلات بتاعة شغله كل 5 دقايق..
ماكنوش يعرفوا ازاي ميا بتحضنني جامد لما برجعها بيت أبوها.. لأنها عارفه إني أخترت كل حاجة بنعملها سوا..
بعد 8 شهور من الطلاق جيك اتجوز.. واحده من الشركة اللي بيشتغل فيها اسمها كرستين وكان واضح جدًا إن معندهاش أدنى فكرة هي داخله على أيه..
ميا قالت لي إن كرستين عيطت أول مرة ميا تبات ف بيتها عشان ميا بلت السرير ومبطلتش عياط عشان عايزاني..
درجات ميا اتحسنت فعلًا.. اشتركت ف فريق كرة القدم وعملت أصحاب جداد..
اتضح إن الطفل لما يعيش ف بيتين مش نهاية العالم.. خصوصًا لو الأب والأم الاتنين بيحاولوا يكونوا موجودين عشان الطفل..
الأسبوع اللي فات جيك اتصل بيا بيقترح عليا إننا نغير اتفاق الحضانة ويبقى 50 50.. وقال أصل من الأفضل ل ميا إنها تشوف أبوها وأمها بنفس القدر بالتساوي
كنت على وشك أضحك.. لأني فهمت إن دي خطته الجديدة إنه يرمي كل المسؤوليات عليا من أول وجديد.. ويفضل هو الأب اللذيذ..
ف قولت له لا.. لو انت عايز وقت لنفسك أكتر.. اطلب من ميا.. هي دلوقتي 8 سنين وذكيه كفاية عشان تعرف هي عايزه ايه
تعليقات
إرسال تعليق