رواية ليالي الغول اقتباس من الفصل الأخير بقلم لوجي احمد

رواية حكاية عشق "الجزء الاول" الفصل الخامس عشر والسادس عشر بقلم نهلة مجدى 

رواية حكاية عشق "الجزء الاول" الفصل الخامس عشر والسادس عشر بقلم نهلة مجدى 

 

رواية حكاية عشق "الجزء الاول" الفصل الخامس عشر والسادس عشر بقلم نهلة مجدى 

الفصل الخامس والسادس عشر

عماد:هتعمل ايه

طارق باصرار:هقولهاواني بحبها

عماد:وتفتطر رد فعلها ايه

طارق:معرفش المهم اني مش هفضل ساكت لحد ماتضيع مني

عماد:عندك حق

طارق:انا هكلمها دلوقتي واقولها اني عايز اشوفها

امسك هاتفه واخرج رقمها وانتظر حتى تجيب

***************************************

اما ايمي فكانت تجلء في مكتبها بعد ان انهت عملها وكانت شاردة في مايحدث لها ودموعها تنهمر بهدوء على وجنتيها وظلت تسأل نفسها:انا ليه بيحصلي كدة ؟! هو انا عملت ايه في حياتي عشان كل حاجة تقف ضدي ؟! يارب انا عارفه انك شايلي الخير ؟! بس انا تعبت لحد امتى هفضل كدة ،كل ما اقول هانت ترجع اسواء من ما كانت"

اخرجت دفترها من المكتب ولكنها لم تعرف ماذا تكتب ،تعالى رنين هاتفها باسم طارق ،كانه جاء ليعرفها ماذا تكتب

"ما الذي قالته عيناك لقلبي فاستجاب"

تلك الجملة كتبتها وبعدها اجابت

ايمي:الو

طارق:ازيك يا ايمي

ايمي:الحمدلله انت عامل اية

طارق:كويس... كنت عايز اشوفك خلصتي شغل ولا لسه

ايمي:اه خلصت

طارق:طب هعدي عليكي ونروح اي مكان ونتكلم 

ايمي:ماشي هستناك

طارق:10 دقايق بالكتير وهكون عندك

ايمي:لا ياطارق please سوق على مهلك

طارق:خايفه عليا 

ايمي:اكيد يالا بقى مستنياك

بعد 15 دقيقة وصل طارق عند المركز واستقلت ايمي بجانبه في السيارة ،نظر لها طارق بتفحص وقال:كنتي بتعيطي صح

اشاحت ايمي بوجهها ناحية النافذة وقالت:هنفضل واقفين كتير

طارق وه. يدير محرك السيارة:مشكلتك اني بتهربي من كل حاجة حتى الاسئلة

ايمي بمرح:مهندس وكمان محلل نفسي

طارق:تخبي تروحي فين

ايمي:عايزة اروح عند البحر

طارق:من عنيا

ابتسمت ايمي له ولم تعقب

بعد وقت قليل وصلوا امام البحر كما طلبت ايمي وكالعادة نظرت للبحر وشردت 

طارق:ايمي

ايمي:نعم

طارق بابتسامة:على فكرة انا مش هجيبك عند البحر تاني

ايمي:ليه كدة

طارق:عشان بتسبيني وبتفضلي تبصي عليه

ايمي وهي تنظر للبحر:بحب ابص للبحر اوي

طارق بهيام:يارتني كنت البحر

ايمي بخجل:مكنتش هبصلك برضه

طارق:طب ليه كدة ده انا زي ابنك برضه

ضحكت ايمي وقالت:اهو كدة مش عايزة اعرفك تاني

طارق:ايوا كده اضحكي بيبقى شكلك حلو وانتي بتضحكي

ابتسمت ايمي بخجل فاكمل:وبتبقي قمر وانتي بتعيطي

ايمي:لا والله

طارق:اه والله..... نتكلم جد شوية بقى

ايمي بجديه مصطنعه:احم اوكي 

طارق:مش احنا صحاب

ايمي:sure

طارق:يعني لو سألتك اي سؤال هتجوبي

ايمي:اه

طارق:انتي ليه متجوزتيش لحد دلوقتي

صمتت ايمي وتجمعت الدموع في عيناها وجاهدت الا تظهر امامه وقالت بصوت مختنق:النصيب

طارق:يعني انتي مفيش حد في حياتك

ايمي:لا عمري ماكان في حد في حياتي

طارق:عارفه انا في حياتي كلها محبتش حد ابدا غير واحدة بس

ايمي:ومرتبطش بيها ليه

طارق:خايف تكون مش بتحبني 

ايمي:لو بتحبها بجد اكيد مش هترفضك

كانت ايمي تنظر باتجاه البحر فادارها طارق لتقف امامه وقال بهمس:بحبك

ايمي:ايه

طارق بصوت دافي مليئ بالحب:بحبك بحبك عمري في حياتي ماحبيت حد غيرك

ابتعدت ايمي عنه وقالت بدموع:بس ياطارق اسكت

وقف طارق امامها وقال:لا يا ايمي مش هسكت انا حبيتك من يوم ماشوفتك اول مرة 

ايمي:ارجوك كفاية انا ماشيه

امسكها طارق من يدها وقال:قولي انك بتحبيني دي باينه في عينكي كل تصرفاتك بتقول انك بتحبيني

ايمي بدموع:سبيني

طارق:لا يا ايمي انا بحبك مش هقدر اعيش من غيرك ومش هسمحلك تضيعي مني

ايمي بدموع:انا وانت مننفعش نبقى مع بعض

طارق:ليه

ايمي:ابعد ياطارق ارجوك ابعد عن اذنك

تركته وذهبت ولم تعطية فرصه ام يلحق بها استقلت اول سيارة اجرة رأتها وظلت تبكي ،ظل طارق يراقبها وهي تبتعد وقلبه وروحه معها ،وصلت ايمي للمنزل ودخلت غرفتها واغلقت الباب خلفها وجلست على الارض وظلت تبكي ،تبكي على نفسها وعلى قلبها ،تبكي على حبها وعلى طارق وقالت محدثه نفسها:ليه يارب ليه انا بيحصلي كدة مكنش لازم احبه ولا ينفع ابقى معاه يارب صبرني على وجع القلب اللي انا فيه ده انا مش عايزة حاجة من الدنيا غير اني اعيش من غير وجع

ظلت لارين تطرق باب الغرفة حنى فتحت لها ايمي وظلت تبكي في حضنها 

لارين:قولتلك يا ايمي انتي بتحبيه ومش هتقدرس تبعدي عنه

ايمي ببكاء:لازم ابعد لازك يا لارين

لارين:اما انتي بتعيطي ليه دلوقتي

ايمي ببكاء:عشان هبعد عنه

لارين:طب ماتحكيله يا ايمي

ايمي:لا لا مقدرش مش هيصدق ولو صدق المرة دي هو اللي هيبعد كرمتي وقلبي اللي هيتهانوا لو هو اللي سابني

لارين:هتفضلي كدة

ايمي:هنسى زي ما لازم انسى حاجات كتير اوي لازم انسى طارق

******************************************

عاد طارق لمنزله وعلى وجهها علامات الحزن وجد عماد ينتظره

عماد:مالك عملت ايه

طارق............. 

عماد:يابني ماترد مالك في ايه

طارق:قالتلي ابعد

عماد:ايه

طارق:قالتلي احنا مننفعش نكون مع بعض عماد:طب اهدى كدة وبكرا يحلها ربنا

طارق بحزن:ليه.... ليه عايزاني ابعد انا بحبها بحبها اوي يا عماد مش متخيل اني ممكن مشوفهاش

عماد:صدقني يا صاحبي لو ربنا كاتبلك نصيب معاها اكيد هتبقى معاك

طارق:يارب يا عماد يارب

****************************************

اما في مصر خرجت منه بصحبة خالد الى احد المطاعم وبعد ان تناولوا الغداء كانوا في السيارة وجلست منه صامته

خالد:مالك ساكته ليه

منه بارتباك:هه عادي

خالد:انا هتفق مع عمي انك تخلصي السنه الاولى في الكلية ونتجوز على طول

منه بدهشه:نعمم انا هيبقى فضلي 3 سنين

خالد ببرود:عايزة تكملي تعليمك مش همانع بس وانتي في بيتي

منه:انا مش موافقة على الكلام ده اما مش هتجوز الا لما اخلص كلية

خالد:مش بمزاجك

منه بغضب:انت ملكش انك تتحكم فيا احنا لسه مخطوبين

خالد:منه وطي صوتك

منه:اسمع يا خالد انا محدش يمشي كلامه عليا غير ابويا شغل سي السيد وامينه ده مش عليا 

لم تكون اجابة خالد الا صفعه على وجهها ،وضعت منه يدها على وجهها بصدمه فجذبها خالد من معصمها بشدة وقال بغضب مكتوم:صوتك ده ميعلاش عليا واذا كان ابوكي معرفش يربيكي انا بقى اللي هربيكي كلمتي هي اللي هتمشي

ظلت منه بتبكي ولا تعرف ماذا تفعل فاكمل قائلا:انا هروحك دلوقتي وهتفق مع عمي ولو سألك تقولي موافقة واوعي يا منه اسمع ان اي حاجة حصلت بينا ابوكي او امك عرفوها سامعه ولا لا

اومأت منه برأسها بخوف ،دفعها خالد بشده فكان ان يرتطم رأسها بباب السيارة التفت اليها خالد وقال بحده:امسحي دموعك

مسحت منه دموعها ولكن كانت بداخلها تبكي ،ظلت صامته حتى وصلوا الى المنزل ،دخلت الى غرفتها واغلقت الباب خلفها وظلت تبكي بشده على حالها ،هي خائفة ان تخبى والدها بما حتى لا تشتعل المشكلات بينهم.

في تلك الليلة بات ثلاث من ابطالنا والحزن صاحبهم 

ايمي:فقد شعرت ان الخياة لن تبتسم لها ابدا وانها لن تستطيع ان تنسى طارق بسهوله فهو اول حب بحياتها واول رجل تثق فيه بعد ما حدث لها 

طارق:كان قلبه معها خائف ان يفقدها بشده احبها بل عشقها بكل تفاصيلها ولكن عزم على ان يحارب من اجل حبه لها 

منه:نأكدت في ذلك اليوم ان شخصيتها ضعيفه وخالد سيتحكم بها هي تريد ان تلغي تلك الخطبة ولكن تخشى ان يحدث اي خلاف بين والدها وعمها دعت ربها ان يخلصها من تلك الازمه 

نام ثلاثتهم وهم يتآلمون وكل منهم بداخله وجع لا يقدر وصفه بكلمات

*****************************************

في اليوم التالي طرق والدها الباب فمحت اثر الدموع حتى لا يعرف والدها شئ ،فتحت الباب لوالدها وجلست وجلس هو بجانبها على الفراش وقال:خالد عايز لما تخلصي السنه دي نعمل الفرح

نظرت له منه ولن تعقب فاكمل قائلا:بس انا رفضت

نظرت له منه وقالت بفرحة:بجد يا بابا

سمير:ايوا قولتله ان مفيش جواز الا بعد ما تخلصي دراسة... هو انتي كنتي موافقة

منه:لا انا عايزة اخلص الكلية الاول

سمير:وانا اهم حاجة عندي مستقبلك

ضمته منه وقالت:ربنا يخليك ليا

احن اي في الدنيا

*****************************************

اما طارق فذهب لايمي وظل امام المركز حتى وجدها تتجه الى سيارتها ،جاءت تقتح باب سيارتها ولكن وجدت من يغلقه ،نظرت وجدته طارق 

طارق:ممكن نتكلم 

ايمي:هنقول ايه 

طارق:ايمان بلاش كدة

ابمي:طارق قولتلك احنا مننفعش لبعض

طارق:ليه 

ايمي:انا ليا اسبابي

طارق:ممكن اعرفها

ايمي:لا

طارق:هو ايه اللي لا

ايمي بدموع:ارجوك ابعد عني انا مش عايزاك ولا عايزاك تحبني

طارق بحزن:ليه يا ايمي انا بحبك بجد مقدرش ابعد عنك مقدرش متوحشنيش 

ايمي:لا لازم تبعد اوعدني يا طارق انك تبعد عني

طارق بغضب:عارفن انا غلطان اني حبيتك غلطان اني عمتل اتذل ليكي عشان تحبيني اصلك لو كنتي حبتيني ربع الحب اللي حبتهولك مكنتيش طلبتي مني ابعد لكن انتي حتى محبتنيش 

ظلت دموعها تنهمر بغزارة على وجنتيها وهي ترافب انفعاله وةتهامه لها بعدم حبها له

اكمل طارق قائلا:همشي يا ايمان اوعدك اني هبعد مش هتوحشيني ومش هرجع تاني سلام

يتبع...

بقلمي:#نهلة_مجدي

الفصل السادس عشر

تركها طارق وذهب وظلت ايمي مكانها ودموعها تنهمر بغزارة ،جلست على الارض صرخت:يااااااارب يارب خلاص تعبت 

استقلت سيارتها وعادت الى منولها وظلت تبكي حتى خدغلبها النوم.

في اليوم التالي اسيقظت لارين وذهبت لتيقظ ايمي ولكن لم تجدها في غرفتها خرجت للحديقة وجدتها تجلس شاردة ودموعها تغرق وجنتيها ،اقتربت منعا وهتفت بقلق:ايمي

نظرت لها ايمي ولم تحيب جلست لارين بجانبها وقالت:مالك يا ايمي 

قصت لها ايني ما حدث

لارين:مش انتي كنتي عايزاها يبعد اهو قالك انه هيبعد

ايمي بدموع:مكنتش اعرف ان قلبي هيحبه كدة مشي وخد قلبي معاه

قالت لارين في تفسها:انا مستحيل اسبها كدة لازم اعمل حاجة

لارين:اهدي وربنا هيحلها من عنده انا هروح المركز متروحيش انتي شكلك تعبان

ايمي:انا فعلا مش قادرة اشتغل خالص

لارين:طيب ياحبيبتي هروح انا عشان متأخرش

خرجت لارين من المنزل ولكنها لم تذهب الى المركز بل الى مكان اخر

*****************************************

كان طارق جالسا في مكتبه وهو حزين على حبه لها وهي لم تعطي لنفسخا فرصه ان تحبه ،دخل عماد ووجده حزينا

عماد:مالك قاعد زي المطلقين كدة ليه

طارق بضيق:اسكت الله يكرمك ياعماد انا مش فايقلك

عماد:في حاجة حصلت تاني

طارق:روحتلها امبارح وقالتلي ان احنا مننفعش لبعض ولما سألتها ايه السبب مرضيتش تقولي قولتلها اني ندمان اني حبتها واني هبعد عنها 

عماد:وبعدين

طارق:عارف ايه اللي وجعني... اني شوفت الحب في عيناها ،عيناها اللي بتلمع لما تكون معايا كسوفها نبرة صوتها لما اكلمها بيبقى كلها حنان ودفى كل ده راح فين؟! 

عماد:مش يمكن فعلا في سبب مخليها تبعد

طارق:سبب ايه اللي يخليها تسبني لو كانت بتحبني كانت هتعمل المستحيل عشان تبقى معايا

في تلك اللحظة سمعوا طرقات على باب المكتب فأذن طارق بالدخول ،دخلت لارين وقالت:صباح الخير

عماد&طارق:صباح النور

عماد:ازيك يا لارين

لارين:الحمدلله ازيك انت

عماد:تمام

لارين:ازيك ياطارق

طارق:الحمدلله اقعدي

جلست لارين بينما قال عماد:هستأذن انا عشان عندي مشوار للشغل سلام

بعد خروج عماد قال طارق:تشربي ايه

لارين:طارق انش مش عايزة اشرب حاجة انا عايزة اتكلم معاك بخصوص ايمي

طارق بقلق:مالها

لارين:متقلقش هي كويسة بس انا لازم اتكلم معاك وافهمك هي ليه بتبعد عنك ده لو انت بتحبها بجد

طارق:ايوا طبعا بحبها ايمي اول حب في حياتي مكنتش متخيل اني هلاقي الحب ده بس لاقيته معاها هي بس

لارين:يبقى هحكيلك بس قبل اي حاجة عايزاك تعرف اني ايمي بتحبك وبتحبك اوي كمان من اول ما عرفتك تقريبا

طارق:احكي انا سامعك

تنهدت لارين وقالت:من 10 سنين ايمي حصلها حادثه.. صمت قليلا ثم قالت:حادثه اغتصاب

طارق بصدمه:اغتصاب!!!!!!! 

لارين:ايوا وجتلها صدمه عصبية وفضلت في المستشفى شهر وبعدها قعدت متتكلمش فترة وحالتها كانت بتسوء اكتر بسبب اهلها ونظرتهم ليها ودايما كانوا بيجرحوها بالكلام من ساعتها وايمي زي ماتقول اتعقدت بس خالها شجعها ورجعت تذاكر تاني وخلصت ثانوية عامة وجت لندن درست طب واتعرفنا على بعض في الجامعه ومن ساعتها وايمي قافله على نفسها وبتبعد عن كل الناس ومبتسمحش لاي راجل يتقرب منها لانها مش بتثق فيهم بس انت الوحيد اللي هي حبيتك بجد...ليك انك تختار لو بتحبها بجد هتحاربها هي نفسها عشان تبقى معاك نهضت لتذهب وقالت:عن اذنك

ذهبت لارين وتركت طارق وحده يفكر ،يا الله ايعقل ان تلك الفتاة البريئة تعرضت لتلك الجريمة البشعه ،لماذا الفتاة التي احببتها وضع رأسها بين كفيها وقال بتعب:يارب مش عارف اعمل ايه

****************************************

عادت لارين للمنزل ولم تجد ايمي ،هاتفتها ولم تجيب شعرت بالقلق عليها انتظرت ساعه وبعدها جاءت ايمي

لارين:كنتي فين يا ايمر قلقتيني عليكي

ايمي:كنت في المركز انتي اللي كنتي فين مروحتيش المركز ليه

لارين بتلعثم:كنت... آآآ كنت في مشوار

ايمي:مشوار ايه؟! 

لارين:مشوار آ مشوار وخلاص

ايمي يتوجس:لارين اوعي تكوني... 

قاطعتها لارين قائلة:ايوا يا ايمي روحتله

ايمي:قولتله؟

لارين:ايوا 

انهارت ايمي على الارض وبكت وقالت:ليه لييييه عملتي كدة هو كان هيبعد لوحده 

جلست لارين وضمتها وقالت:كان لازم يعرف يا ايمي

ايمي ببكاء:وانتي فاكرة انه صدقك دلوقتي هيبعد اه كنت عايزة كدة بس اتكسرت قدامه وكرامتي اتهانت ليه يا لارين عملتي فيا كدة

لارين بدموع:مكنتش قادرة اشوفك وانتي كدة كان لازم يعرف وهو لو بيحبك مش هيبعد

*****************************************

في مصر في فيلا عز الدين كانت حنان تجلس في الحديقة عندما عاد احمد من عمله 

احمد وهو يقبل رأسها:ازيك يا امي

حنان:الحمدلله يا حبيبي مالك شكلك تعبان

احمد:عادي ضغط الشغل

حنان:ربنا يعينك..... مكلمتش طارق

احمد:لا والله بقالي يومين مكلمتوش هكلمه بكرا

حنان:طيب ياحبيبي 

احمد:لينا فين

حنان:نامت من شوية... الواد حسام اخباره ايه

احمد:كويس

حنان:تبقى سلملي عليه وخليه يجي يتغدى معانا وحشني اوي

احمد:من عنيا ياست الكل يالا تصبحي على خير

*****************************************

مر يومين وايمي لا تتحدث تبكي فقط ولارين ندمت انها حكت لطارق لانه لم يفكر حتى يهاتف لارين ،اما طارق فظل في منزله يفكر في الامر ،هل يبتعد ويتركها كما طلبت؟! ام يعود لها ويتقبل الامر؟! ظلت الافكار تصارعه حتى اتخذ قرار وعزم على تنفيذه

***************************************

في اليوم التالت عادت ايمي من المركز بعد عودت لارين بساعتين ،جلست لارين بجانبها وقالت:انتي لسه زعلانه مني؟! 

ايمي:لا

لارين بدموع:ايمي بجد انا قولتله عشانك انتي عشان خاطري انا اسفه 

ضمتها ايمي وقالت:وانا مبعرفش ازعل منك انتي الوحيده اللي بقيتي جانبي في وحدتي انتي اكتر من اختي

لارين:طب هتعملي ايه

ايمي:هرجع مصر..

يتبع....

 تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا