رجعت من السفر _كامله _بقلم هويدا زغلول
رجعت من السفر لقيت مراتي متجوزه و حامل
قبل مابدا حكايتي اعرفكم بنفسي انا اسمي عمر عندي 30 سنة وكنت مسافر في شغل وقولت لمراتي
عمر
انا مسافر الغردقة الصبح يا أمنية عشان جالي شغل هناك ضروري
أمنية
هو انت مكنتش تعرف ياعمر ولا ايه انت مقولتش يعني
عمر
لسه عارف دلوقتي وانا راجع من الشغل اتصلو بيا وعرفوني اني لازم اسافر وهاروح بعربيتي
أمنية
غريبة انت دايما بتسافر بالطيارة ايه اللي يخليك تروح بعربيتك
عمر
مش عارف والله المدير هو اللي طلب مني كده على العموم عايزك تجهزيلي الشنطة قبل ماتنامي عشان هصحي الفجر امشي
أمنية
طيب ياحبيبي تروح وترجع بالسلامة
وجه الفجر صليت
ونزلت ركبت العربية ومشيت
اتصل بيا شريف مديري في الشغل وصاحبي
ايه ياعمر انت في الطريق
عمر
ايوه لسه يادوب طالع من القاهرة وداخل الطريق الدولي
شريف
ربنا معاك لما توصل ابقي طمني عليك ياصاحبي
عمر
تمام ياشريف
وفي عند مراتي راحلها شريف وبيبخبط
أمنية
شريف انت ايه اللي جابك ده عمر نزل من بدري اوي
شريف
منا عارف انه نزل من بدري جدا انا جيت عشان اشوفك اصلك وحشتيني
أمنية
شريف اعقل يامجنون انا خاېفه لعمر يرجع يلاقيك عندي هنا تبقا مصېبة
شريف
عمر مين ياحبيبتي ده عمر زمانة رااح خلاص وارتحنا منه
أمنية
نعم بتقول
ايه مش فاهمة تقصد ايه ياشريف
شريف اتوتر وقال
امممم طيب لو سمحت ياشريف امشي دلوقتي وبعدين ابقى تعالي لما نطمن انه وصل
عدي يومين وأمنية اتصلت بشريف وقالتله
وبعدين ياشريف مفيش اي اخبار عن عمر انا قلقانة اوي عليه
شريف
بصي يا أمنية انا مش عارف اقولك ايه بس انا عندي خبر وحش
أمنية اتخضت وقالت
عمر جراله حاجة ياشريف مش كده انا قلبي كان حاسس ايه اللي حصل ياشريف متخبيش عليا
شريف
بصراحة كده لما عمر اتأخر ومش عارفين عنه حاجة كلمنا الشرطة والكماين وعرفنا انه عربيتة ولعت في الطريق وتقريبا عمر راح
أمنية بټعيط
انت بتقول ايه ياشريف يعنى عمر خلاص راح
شريف
اهدي يا أمنية متعمليش في نفسك كده
وراحو
اصحابي البيت في العزا
وبعد اسبوعين
شريف
انتي هتفضلي عاملة كده في نفسك يا أمنية عمر خلاص مش راجع تاني
امها
قولها ياشريف يابني دي من ساعت خبر جوزها ده وهي مش حاسة بحد وفي دنيا تانيه
شريف
منا بقولها اهو ياطنط وبعدين انتي صغيرة على الحزن يا أمنية اخرجي من الحزن ده
أمنية
ارجوك ياشريف انا نفسيتي تعبانه ومش عايزة اتكلم مع حد
الام
اه والله ياطنط دي حتى أمنية دي غاليه عندي اوي اقصد يعني زي اختي بالظبط والمرحوم كان اخويا
الام
الله يرحمة يابني ده عمر ده مكنش فيه منه والله قطع بيا خالص
وفي مكان تاني بفتح عنيا وبفوق وبقول
انا فين انا فين
مختار
حمد الله على السلامة يا
بني
عمر
الله يسلمك ياعم الحج هو انا فين
مختار
انت هنا في
بيتي انا عمك مختار ودي الحجة ام ندى مراتي بس انا يابني معرفش انت اسمك ايه
عمر
انا انا معرفش انا مين وايه اللي جابني هنا انتو جبتوني هنا ازاى
مختار
انا هحكيلك يابني انا كنت في الأرض بتاعتي على الطريق وبعدين لقيت الناس بتجري وبتقول الحقو في عربيه مولعه جامد
فلاش باك
مختار
ياساتر يارب في ايه ياولاد ايه اللي حصل ده
مجهول
ياساتر طيب يابني كان فيها حد
مجهول
ايوه كان واحد اللي سايق بس تقريبا كان لوحده وشكله كده اتفحم الله يرحمة
مختار
لا حول ولا قوة الا بالله الطف يارب
عمر
اااه اااه الحقوني
مختار
ايه الصوت ده انت مين انت يابني
وبس فضلت اكلمك لقيتك
اغمى عليك جبتك على هنا في البيت وجبتلك الدكتور وعملك اللازم وقال انك هتفضل في غيبوبة كده فترة واهو انت لسه بتفوق
عمر
طيب هو احنا فين وانا بقالي اد ايه
مختار
احنا قربين من الغردقة بكام كيلو انا بيتي على الطريق عشان انا فلاح وساكن في الأرض بتاعتي
عمر
طيب انا مكنش معايا اي حاجة تثبت شخصيتي عشان تعرفو انا مين
مختار
الڼار اكلت العربية بكل حاجة فيها بس انت ربنا نجاك لانك شكلك لما لقيت العربية بتولع رميت نفسك بعيد عنها وربنا سترها معاك
عمر
انا مش فاكر اي حاجة خالص انا مش عارف انا مين وايه اللي حصل طيب انا ليا اهل او قرايب او اي حد
ياربي دماغي ھتنفجر ياعم مختار
مختار
اهدي يابني ان شاء الله ربنا يزيح عنك قوم بس الاول كول لقمة وانا هبعت اجيب الدكتور عشان يشوف حالتك
الحجة
انا عملتلك اكل هتاكل صوابعك وراه يابني يلا عشان تاكل
عمر
تعبت حضرتك معايا ياحجة انتي وعم مختار انا مش عارف اقولكم ايه
الحجة
متقولش حاجة انت زي ابننا مع اني مخلفتش ولاد غير هي بنت واحدة بس
عمر
طيب اومال هي فين
الحجة
بتشتغل ممرضه في المستشفى بس بترجع اخر النهار ماهي اللي كانت بتعلقلك المحاليل وتديك الحقن
عمر
ربنا يبارك فيكم ياحجة
ورجعت ندى وقالت
حمد الله على سلامتك يا استاذ
عمر
الله يسلمك
انتي ندى مش كده برضو
ندى
ايوه انا وكنت الممرضه بتاعتك كمان بس بابا قالي انك مش فاكر اي حاجة خالص عنك ولا تعرف انت مين
عمر
دي حقيقة ياندي انا فعلا مش فاكر اي حاجة ولا عارف انا مين وجيت هنا ازاى ونفسي افتكر اي حاجة
ندى
علي العموم انا اتكلمت مع الدكتور وقالي انها هتبقا حاله وتعدي بالعلاج ان شاء الله هترجع تتذكر كل حاجة واحدة واحدة
عمر
يارب ياندي يحصل عشان اعرف انا مين
مختار
ولحد ماتعرف بقا انت هتفضل معانا هنا يابني ونشيلك على راسنا
عمر
انت كتر خيرك ياعم مختار انا مش عايز اتقل عليكم انا لازم امشي اشوف اي مكان اقعد فيه
ندى
اي مكان ازاى وانت مش عارف
اي حاجة عن نفسك لو خرجت بحالتك دي هتتعب جدا وتبقا
تايه خليك هنا لحد ان شاء الله ماتتعفا تماما
شريف
وبعدين يا أمنية عدي شهرين وانتي لسه في الحزن ولا عارف اكلمك ولا عارف اشوفك حتى
أمنية
عايزني اعمل ايه يا شريف متنساش ان اللي راح ده كان جوزي ولو انا عيشت حياتي الناس هتتكلم عليا
شريف
الناس كده كده هتتكلم ياحبيبتي محدش بيسيب حد في حالو المهم بعد العده نتجوز علطول
أمنية
انت اټجننت ياشريف لا طبعا احنا هنستنا مش اقل من سنة
شريف
نعم ايه الكلام ده يا أمنية لا طبعا انا عايزك النهارده قبل بكرة انتي عارفة اني كنت مستحمل عمر بالعافيه واهو راح وفضي لي الطريق عايزاني استني ايه تاني
أمنية
ارجوك يا شريف انا مش عايزة حد يقول عليا كلمة وحشة الناس هتقول
دي مصدقت جوزها راح وراحت اتجوزت
شريف
انا مليش دعوة بحد يا أمنية انا بحبك ومش قادر استني اكتر من كده
أمنية
طيب كمان شهرين بس ونشوف هنعمل ايه
وعند مختار
بص بقا انت بقالك فترة معانا يابني ومش عارفين اسمك انا قررت اسميك عبد الله ايه رايك
عمر
اسم جميل ياعم مختار ربنا يخليك
مختار
هو انت هتفضل علطول حزين كده يابني متفك كده وتخرج من حزنك ده
عمر
يعني واحد زي يا عم مختار لا فاكر اسمه ولا اهله ولا كان عارف بيشتغل ايه ولا فين وعايزني ابقي عامل ازاي
مختار
معلش يابني كله باوان وان شاء الله ترجع تفتكر كل حاجة ادي انت ماشي بعلاج الدكتور وربنا
يشفيك
عمر
يارب انا اصلي حاسس اني بجد تقلت عليكم اوي ياعم مختار مش كفاية قاعد لا شغله ولا مشغله وانتو اللي بتاكلوني وبتشربوني
مختار
عيب الكلام ده ياعبد الله يابني انت من ساعت ماجيت وربنا اللي يعلم احنا حبناك اد ايه
عمر
وانا كماان والله ربنا يقدرني واقدر اردلكم جزء واحد من جمايلكم
شريف
انا جايلك دلوقتي ياطنط عشان عايزة في موضوع مهم
الام
خير ياشريف يابني
شريف
دلوقتي عمر بقالو 6 شهور رايح وانا بقول كفاية حزن عليه لحد كده لان الحزن مش هيرجعة تاني وانا جاي دلوقتي عشان اطلب ايد أمنية من حضرتك قولتي ايه
الام
والله يابني انا معنديش مانع بس مش عارفه أمنية هتقول ايه انت اتكلم
معاها بقا
شريف
ها ايه رايك يا أمنية اظن العده بتاعتك خلصت خلاص يعني مبقاش ليكي حجة ترفضي انا شاريكي بجد
الام
وافقي يا امنيه يابنتي انا مش ضامنه اعيشلك اد ايه وخاېفة اسيبك لوحدك
أمنية
بعد الشړ عليكي يا ماما متقوليش كده ربنا يطولي في عمرك
الام
طيب وافقي عشان خاطري ياحبيبتي
أمنية
خلاص انا موافقه بس طبعا مش هينفع نعمل فرح ولا اي حاجه
شريف
اكيد طبعا مش هنعمل اي حاجة
وفي كتب كتاب أمنية على شريف
وليد
مبروك ياريس انا فرحتلك اوي والله
شريف
الله يبارك فيك يامعلم
وليد
هو انا مفيش ليا اي حاجة بقا لحسن العمليه معايا مزنقة اوي
شريف
انت لحقت خلصت كل الفلوس اللي اخدتها مني
ياوليد
وليد
مانت عارف ياشريف الدنيا غليت اوي ازاى وبعدين
الكام مليم اللي انت ادتهوملي دول بتسميهم فلوس بس تعرف العروسه تستاهل الصراحة انك تخلص من عمر عشانها
شريف
هوووش وطي صوتك يازفت انت انت هتفضحنا ولا ايه وبعدين عمر راح قضاء وقدر
وليد
قضاء وقدر ايه ده احنا دفنينو سوا ياشريف
شريف
وليد إياك اسمعك تجيب سيرة الموضوع ده تاني انت فاهم ولا لا
وليد
خلاص ياباشا المهم دلوقتي انا عايز فلوس ضروري
شريف
هديك اللي انت عايزة بس ماشوفش وشك تاني انت فاهم
أمنية
في ايه ياشريف انت كنت بتزعق ولا ايه ومين اللي كان واقف معاك ده
شريف
لا ياحبيبتي مش بزعق ولا
حاجة ده وليد صاحبنا وشغال في الشركة معانا كان جاي يباركلي
مختار
انت ياعبد الله يابني هتفضل تشتغل في الأرض طول اليوم انت مبقتش بترتاح خالص
عمر
وارتاح ليه بس ياعم مختار ده انا بصراحة حبيت الشغل في الأرض اوي وبعدين انا بريحك انت لاني عارف انك تعبان اليومين دول بس مش عايز تبين ياراجل ياعجوز
مختار
انا طول عمري يابني مابحبش اشتكي من حاجة وناوي لما اروح اروح وانا بشتغل في الأرض دي
عمر
بعد الشړ عليك ياعم مختار ربنا يخليك لينا
ندى
انا جبتلكم
لقمة تاكلوها بقالكم وقت كبير هنا في الأرض وبعدين ايه ياسي بابا انت مصدقت تخلي عبد الله يشتغل في الأرض
عمر
لا ياندي انا اللي حابب اشتغل في الأرض بجد الشغل فيها جميل
ندى
بس انت شكلك كنت ابن ناس ومش بتاع بهدله كده ياعبد الله ماينفعش تبهدل نفسك بالشكل ده
عمر
يعني هما ولاد الناس مش بيتبهدلو ياندي اكيد كنت بتشغل وبتعب برضو
وفجأه جالي دوخة تشويش قدامي
ندى
مالك ياعبد الله في ايه انت تعبان ولا ايه
مختار
يابني عمال اقولك ارتاح شوية وانت مصمم تشتغل وترهق نفسك برضو مينفعش
كده
عمر
انا كويس ياجماعه متقلقوش دي مجرد دوخة بس مش اكتر بس انا بشوف صورة كده مشوشة قدامي
ندى
صورة ايه بالظبط تقدر توصفها
عمر
صورة واحدة ست بتظهر لي فجأة كده وبتروح علطول مش عارف مين دي
ندى
دي اكيد واحدة كنت تعرفها قبل الحاډثه عشان كده تظهرلك بصورة مشوشة يعنى لسه شوية شوية اكيد وهتفتكر ودي حاجه كويسه جدا
عمر
يارب ياندي بس تفتكري هو ممكن تكون مين يعنى اللي بتظهرلي دي هو بيفقد الذاكرة زي كده مين اكتر حد ممكن يفتكره اول مايحاول يفتكر
ندى
شريف
خير
ياحبيبتي قولي
أمنية
انا حامل ياشريف
تعليقات
إرسال تعليق