بعت بيوتنا عشان عملية جوزي
بعت بيوتنا عشان عملية جوزي
بعت بيوتنا التلاتة عشان أنقذ حياة جوزي. ولما العملية نجحت، دخلت عليه وأنا بعيط من الفرحة، بس انصدمت لما سمعته وهو بيضغط على إيد واحدة تانية وبيوشوشها دلوقتي بس عرفت يعني إيه حب حقيقي. قلبي اتكسر ميت حتة، بس مسحت دموعي وابتسمت وقلت له بهدوء عندك حق. وطلعت من شنطتي الورقة اللي هتشقلب حياتنا كلنا للأبد.
أنا بعت التلات بيوت في 11 أسبوع بس.
بيت المصيف راح الأول، وبعده الدوبلكس اللي بابا ساعدنا نشتريه وأنا ودانيال لسه عرسان. وآخر حاجة كان البيت اللي عايشين فيه، اللي فيه السور الأبيض والشجرة اللي ورقها بيصفر كل خريف. على ما المستشفى كلمتني عشان تأكد ميعاد العملية، كان حسابي في البنك صفر، وكروتي الائتمانية جابت آخرها، وكنت بنام على كنبة في بدروم بيت بنت خالي.
مفرقش معايا كل ده.. المهم دانيال يعيش.
لمدة 6 شهور، كنت بلف بيه على الدكاترة، بحضر الاستشارات، بمضي على إقرارات، وببتسم في وشه وهو خايف. كنت بطبخ له أكل ماسخ مبيلمسوش، وبغسل الدم من على المخدات، وبقول لكل اللي يسأل دانيال بطل وهيقوم. وبالليل، وهو نايم، كنت بفتح حسابات وعقود بيع وأحسب هبيع إيه تاني قبل ما الديون تبلعنا.
أختي حذرتني أكتر من مرة يا كلير، إنتي بتحرقي حياتك وشقاكي عشان راجل مابقاش حتى بيبص في وشك!.
كنت برد عليها هو تعبان.. والتعب بيغير النفاس.
كنت محتاجة أصدق الكدبة دي عشان أكمل.
يوم العملية، دانيال مسك إيدي قبل ما يدخلوه العمليات. كان جسمه سقعان وصوته ضعيف.
همس لي إنتي فضلتي جنبي.
قلت له أمال هروح فين؟.
بص لي بصه غريبة، فيها ذنب،
بس الممرضات خدوه ودخلوا العمليات. قعدت في أوضة الانتظار 9 ساعات، بشرب قهوة مكنة وبصلي وبدعي زي المكنة. لما الجراح خرج وقالي العملية نجحت.. هو بخير، رجلي مكنتش شايلاني.
فضلت أعيط من الفرحة وأنا ماشية في الطرقة رايحة له أوضة الإفاقة. كنت مبتسمة وأنا بفتح الباب..
وفجأة شفتها..
واحدة شقراء لابسة بلوفر كريمي، قاعدة جنبه على السرير، وصوابعها متشابكة في صوابعه. هو كان وشه باهت وتعبان، بس كان مرتاح.. مرتاح أكتر من أي وقت شفته فيه بقالي شهور. اتجمدت مكاني ورا الستارة.
هو لَف وشه ناحيتها هي.. مش ناحيتي أنا.
وبعدين همس لها بصوت واضح لدرجة إنه كسر كل حتة فيّ دلوقتي بس عرفت يعني إيه حب حقيقي.
نفسي انقطع. الست دي مالت عليه والدموع في عينيها وبست إيده. دانيال ابتسم لها كأني أنا اللي غريبة في الأوضة!
حسيت إن فيه حاجة جوايا اتقسمت نصين. بس مسحت وشي، وخطيت خطوة لقدام، وابتسمت ببرود.
قلت له بصوت هادي عندك حق يا دانيال.
وفتحت شنطتي وطلعت الورقة اللي هتغير حياتنا كلنا..
دانيال اتخض أول ما سمع صوتي، سحب إيده من إيدها بسرعة وكأن كهرباء لمسته. الست اللي قاعدة جنبه وقفت مرتبكة، وشها جاب ألوان وهي بتحاول تظبط لبسها وتداري كسوفها.
بص لي دانيال بلجلجة وقال كلير.. إنتي هنا من إمتى؟
رديت وأنا بطلع الورقة من الشنطة وبفردها قدامه بمنتهى الثبات من أول الحب الحقيقي يا دانيال.. مبروك على حياتك الجديدة، ومبروك عليا القلم اللي فوقني.
الست الشقراء حاولت تتكلم وتقول أنا بس كنت...
قاطعتها بإيدي وأنا مش ببيصلها أصلاً وفري مجهودك يا
حبيبتي، إنتي لسه قدامك مشوار طويل في التمريض ومصاريف العلاج الطبيعي.. ده لو لسه ناوية تكملي في الحب الحقيقي بعد ما تعرفي الحقيقة.
دانيال بص للورقة اللي في إيدي وعينه برقت إيه دي؟ ورق الخروج؟
ضحكت ضحكة وجع مكتومة وقلت له لأ يا حبيبي.. دي فاتورة بيع أوهامي. الورقة دي هي إقرار تنازل رسمي عن كل ممتلكاتك اللي بعتها عشان العملية.. بس مش التنازل اللي إنت فاهمه.
بص لي بعدم فهم، فكملت ببرود
إنت كنت فاكر إن البيوت دي ملكنا إحنا الاتنين؟ تؤ.. بابا الله يرحمه كان كاتب الدوبلكس وبيت المصيف باسمي أنا هبة ونفاد. والبيت اللي كنا ساكنين فيه؟ أنا اشتريت نصيبك منه بورق رسمي لما بدأت الديون تتراكم عليك من ورا نزواتك اللي كنت فاكرة إنها خسائر بورصة.
دانيال وشه بقى أصفر من لون الكانولا اللي في إيده يعني إيه يا كلير؟
يعني يا دانيال، أنا بعت أملاكي الخاصة عشان أنقذ حياتك. ودلوقتي، وأنا واقفة
هنا، أنا مديونة للبنك، ومعيش تمن ليلة واحدة كمان في المستشفى دي. الورقة اللي في إيدي دي هي دعوى طلاق إبراء، ومعاها إقرار منك إنك استلمت كل حقوقك الشرعية، وإنك مديون ليا بقيمة العمليات والمصاريف اللي صرفتها عليا من مالي الخاص.. وده وصل أمانة بيمضيه أي حد بيدخل العمليات هنا كضامن، وأنا النهاردة سحبت ضمانتي ليك.
الست الشقراء أول ما سمعت كلمة مديون و معيش تمن ليلة، بدأت ترجع لورا خطوة بخطوة. بص لها دانيال برعب وقال لها سارة.. إنتي رايحة فين؟
ردت بلهجة متغيرة تماماً أنا.. أنا هروح أجيب مية وأجي يا دانيال.
طبعاً خرجت ومجعتش، ولا هترجع.
تابعوا صفحة محمد السبكي للقصص والروايات الحصريه
بصيت لدانيال اللي كان بيبكي من العجز والقهر وقلت له
الحب الحقيقي اللي كنت بتوشوشها بيه، كان مبني على الراجل الغني اللي هي فاكرة إنه لسه موجود. هي كانت بتحبك وأنت بتموت عشان تورث، وأنا كنت بحبك وأنت بتموت عشان تعيش. دلوقتي إنت عشت.. بس معندكش حاجة تورثها غير ديونك.
رميت الورقة على سريره وقلت له
الدكتور قال إنك بقيت زي الفل وتقدر تخرج بكرة.. بس للأسف، مفيش بيت ترجع له. عفشك اللي فاضل محطوط في مخزن، وإيجاره مدفوع لمدة أسبوع بس. من هنا ورايح، الحب الحقيقي هو اللي هيأكلك ويشربك.
لفيت ضهري ومشيت وأنا حاسة بوزن جبل اتشال من على كتافي. سمعت صوته وهو بيترجاني وبيتأسف ويقول كلير.. متسبنيش، أنا كنت تعبان مكنتش حاسس بقول إيه!
مردتش عليه. طلعت من المستشفى، شميت هوا نظيف لأول مرة من شهور. خسرت بيوتي الثلاثة، وخسرت الراجل اللي افتكرته شريك عمري.. بس كسبت نفسي.تابعوا صفحة محمد السبكي للقصص والروايات الحصريه
ركبت تاكسي، وطلعت موبايلي وعملت بلوك لرقم دانيال ولأي حد من ريحته. وبدأت أدور في جوجل على إعلانات شغل.. كنت لسه صغيرة، ومعايا شهادتي، وعندي عزيمة تهد جبال.
بعد سنة، كنت قاعدة في مكتب الصرافة بتاعي الجديد، تليفوني رن.. كان رقم غريب. رديت، طلع دانيال. صوته كان مكسور وشحات.
قال لي كلير.. أنا بشتغل في بنزينة، ومش قادر أسدد الديون اللي عليا.. ساعديني عشان خاطر العشرة.
رديت عليه بمنتهى الهدوء العشرة دي أنا بعتها مع أول بيت يا دانيال.. روح دور على الحب الحقيقي يمكن يسلفك.
قفلت السكة وأنا مبتسمة. الدرس كان غالي، بس كان يستاهل كل قرش دفعته. بيوت الحجر بتتعوض،
لكن كرامة الست لو راحت.. مبيبعهاش كنوز الدنيا.
تمت
تعليقات
إرسال تعليق